EH Bilduk eta PPk bat eginda Jaurlaritzari kalte egin nahi diote, Ortuzarren aburuz
Andoni Ortuzar EAJren EBBko presidentearen arabera, EH Bildu eta PP Eusko Jaurlaritzaren kontra ari dira Legebiltzarrean batera bozkatuta. Ortuzarrek uste du biek ala biek "Jaurlaritzaren sinesgarritasunari min egin" nahi diotela.
Buruzagi jeltzaleak Radio Euskadin egin dioten elkarrizketan esan duenez, harrigarria da EH Bilduren eta PPren arteko "bat egite" hori: "Aldi baterako enpresa-elkarte baten modukoa da, baina alderdien artekoa. Helburu partekatua dute: Eusko Jaurlaritzaren sinesgarritasun sozialari kalte egitea".
Ortuzarren aburuz, PPk eskola jantokien ikerketa batzordean egin duena "jauntxokeria" bat da. "Bitxia da EH Bildu eta PP ados jartzea Jaurlaritzari 'ez' esateko orduan", erantsi du. Oposizioak jarrera aldatuko duelakoan dago, dena den, abertzaleek eta popularrek ezin dutelako "beti elkarrekin egon".
EAEko hauteskundeak aurreratzearen aukeraz galdetuta, Ortuzarrek esan du logikoena bozak 2020an egitea dela; "gainera, EAJri mesede egingo lioke aurreratzeak, indartsu gaudelako", erantsi du. Dena dela, aitortu du "plantoa baldin badago, eta aurrera egitea ezinezkoa bada, lehendakariak egokiena den erabakia" hartu beharko duela.
Espainiako politika hizpide, Andoni Ortuzarrek adierazi du ez duela oraindik Pedro Sanchezekin bilera baterako hitzordua zehaztu: "Hauteskundeak ditugu orain buruan. Egongo da denbora Madrili buruz hitz egiteko". EAJko buruzagiaren ustez, "logikoena PSOEk geometria aldakor baten alde egitea da, Podemosek koalizio gobernu batekin edo legegintzaldirako itun itxi batekin estutu nahiko duelako. Guretzat lehentasuna euskal interesen defentsa da, eta horretarako ez dugu legegitzaldirako ituna behar. Nahiago dut transferentzien inguruko negoziazio on bat, Kongresuko Mahaian eserlekuan lortzea baino".
Identitate nazionalaren eztabaida ere hartu du ahotan buruzagi jeltzaleak. Horren aburuz, "lurralde eredua aldatzeko oinarriak zehaztu behar ditugu EAEn zein Katalunian". Auzi katalanaren inguruan, Ortuzarrek uste du "lubakiak" itxiko dituztela.
___________________________________
Jatorrizko informazioa Radio Euskadik landu eta eitb.eus-ek itzuli du.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.