Barcenasek eta Cospedalek deklaratuko dute PPko ordenagailuen inguruko epaiketan
Luis Barcenasen ordenagailuetako informazioa ezabatzeagatik egiten ari diren epaiketa gaur abiatu da berriro, Madrilgo Auzitegian, lau akusatuen eta lekukoen deklarazioarekin. Lekuko gisa deklaratuko dute, esaterako, Luis Barcenas PPko diruzain ohiak eta Maria Dolores de Cospedal PPko idazkari nagusi ohiak.
Epaiketa honetan, Carmen Navarro PPko diruzain ohia, Alberto Duran abokatua, Jose Manuel Moreno informatikaria eta PP eseriko dira akusatuen aulkian.
Ahozko epaiketa iragan astean hasi zen aurretiazko izapideekin. Izquierda Unida, ADADE eta Observatori DESC dira auzipetuen aurka agertu diren bakarrak. Hori dela eta, lau akusatuek 'Botin Doktrina' aplikatzea eskatu zuten, hau da, Emilio Botin bankariak lortu zuen bezala, herri akusazioak soilik parte hartuko lukeen prozesura saihestu ahal izatea. Fiskaltzak auzia artxibatzea eskatu du eta Barcenasek, ostera, bere salaketa erretiratu egin du.
Gaurko auzi saioan, lau akusatuek deklaratuko dute. Ezustekorik ezean, defentsaren eta Fiskaltzaren galderei soilik erantzungo diete.
Akusatuen deklarazioak amaitutakoan, lekukoen txanda izango da. Aurreikuspenen arabera, gaur bertan hasiko dira epailearen aurrean deklaratzen. Deituta dauden lehendabiziko sei lekukoen artean daude Luis Barcenas eta Maria Dolores de Cospedal. Lehenengoa 33 urteko kartzela zigorra betetzen ari da Soto del Real espetxean, Gurtel auziagatik.
Horiez gain, hauek dira beste lekukoak: Javier Barrero Merino PPko Informatika saileko arduradun ohia, Estrella Dominguez Lopez, Barcenasen idazkaria izan zena; Antonio de la Fuente Escudero, Barcenasen koinatu ohia eta PPko segurtasun arduradun ohia, eta Roberto Estangui Olmo informatika denda bateko langilea.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.