EAko buruzagi izateko Eba Blancoren izendapena baliogabetu du Berme Batzordeak
Eusko Alkartasunaren barne-krisiak ez du etenik eta Pello Urizarrek alderdiaren zuzendaritzan utzitako tokia hartzeko prozedurak zalantzaz beteta segitzen du; izan ere, EAko Berme Batzordeak baliorik gabe utzi du alderdiko idazkari nagusi izateko Eba Blancoren izendapena.
Halaber, Maiorga Ramirezen hautagaitza baztertzeko Hauteskundeen Antolaketarako Batzordeak emandako argudioak ukatu ditu eta, ondorioz, sektore kritikoaren hautagaiak primarioetan parte hartzeko baldintzak betetzen dituela azpimarratu du.
Barne-hauteskundeetara aurkeztea ukatu ziotenean, Ramirezek helegitea jarri zuen Berme Batzordearen aurrean, eta horren ondotik iritsi da gaurko ebazpena.
Hauteskunde Batzordeak bere garaian azaldu zuenez, hautagai izateko ezinbestekoa lurralde bakoitzean gutxienez bost afiliaturen babesa lortzea, baina Ipar Euskal Herriaren kasuan, Ramirezek ez zuen baldintza hori bete eta, beraz, primarioetatik kanpo uztea erabaki zuten.
Alabaina, Berme Batzordeak dio Ipar Euskal Herrian EAk 20 afiliatu baino ez dauzkala eta, ondorioz, lurralde horren kasuan baldintza hori betetzeko eskatzea neurriz kanpoko dela.
Gauzak horrela, Berme Batzordeak lurralde bakoitzean gutxienez bost abal aurkezteko baldintza baliogabetzea erabaki zuen eta hala dago jasota irailaren 25ean eman zuen ebazpenean.
Blancoren izendapena ezeztatuta eta Ramirezen hautagaitza baliozkotzat jota, Eusko Alkartasunak barne-hauteskundeetan errepikatu beharko ditu orain.
Blancok zalantzan jarri du ebazpena
Eba Blancok, baina, zalantzan jarri du Berme Batzordearen ebazpena, "formazko akats eta prozedura-akats larriekin" onartu dutela iritzita.
Blancok azaldu du posta elektroniko baten bidez izan duela erabakiaren berri. Ebazpena Ramirezen aldekoak diren Batzordeko hiru kideek sinatuta dago. Blancok berak hiru horietako bi ezetsita zituen, hautagai kritikoari abala eman ziotelako.
"Batzordeak neutraltasuna eta inpartzialtasuna galdu ditu", adierazi du. EAko idazkari nagusia izaten jarraitzen ote duen galdetuta, Blancok esan du dokumentua aztertu behar duela orain, zein neurri hartuko dituen erabakitzeko.
Blancok baieztatu du Ramirezek mezua bidali diola, WhatsApp bidez, baina adierazi du ez duela mezu hori irakurtzeko astirik izan, kazetariekin hitz egin aurretik: "Dena izan da oso azkarra, eta nahiko antolatuta; horrek harritzen nau", zehaztu du.
Bestalde, Maiorga Ramirezek pozik hartu du Berme Batzordearen erabakia eta "Eusko Alkartasunera normaltasun demokratikoa bueltatzeko aukera" ireki dela nabarmendu du.
"Normaltasun demokratikora bueltatzeko, eta elkarrizketaren bidez, beharrezkoak izan daitezkeen eztabaidak eta akordioak bilatzeko aukera zabaldu da; EAko afiliatuek aukera izango dute hautatzeko, askatasunean, bi hautagaitzek ordezkatzen dituzten proiektuen artean", erantsi du.
Ramirezek ziurtatu du Eba Blancorekin hitz egin duela, primarioen prozesua nola gauzatuko duten zehazteko.
Bere ustez, hauteskunde orokorrak eginda heldu beharko liokete prozesuari, kanpainan eraginik ez izateko. Ildo horretan, primarioak azaroaren 24an egitea proposatu du.
Albiste gehiago politika
Zarauzko eta Azpeitiko udalek Txiki eta Otaegiren aitortza ekitaldiak egin dituzte
Zarautzen ostiral honetan eta Azpeitian ostegunean aitortu dituzte Frankoren diktaduran fusilatutako bi gazteak eta adierazpen instituzionalak irakurri dituzte "egin zitzaien injustiziaren aurrean elkartasuna eta gizatasuna” adierazteko.
EAEko Auzitegi Nagusiak eta Jaurlaritzak epaitegietako plantilla handitzea eskatu dute, “gainezka daudelako”
Lehendakariak eta Auzitegi Nagusiko presidenteak EAEko epaitegien saturazioa salatu dute Urte Judizialaren irekiera ekitaldian. Justizia ministroak hiru urtetan 2.500 plaza sortuko direla Estatuan iragarri du.
Pradalesek CAF babestu du, eta "Gazako genozidioan" ez duela laguntzen azpimarratu du
Imanol Pradales lehendakaria eta Jon Hernandez Sumarreko legebiltzarkidea aurrez aurre izan dira gaur Eusko Legebiltzarreko kontrol saioan. Hernandezek azalpenak eskatu dizkio CAFek Jerusalemen duen tren arinaren proiektuaren inguruan, Jaurlaritzak partaidetza baitu Gipuzkoako enpresan; Pradalesek, berriz, gaur egun palestinarrek bizi duten drama ez instrumentalizatzeko eskatu dio Hernandezi.
Etxanobe: "Guggenheim Urdaibairen bideragarritasuna epe motz-ertainean baldintzatzen duten elementuak daude"
Bizkaiko Ahaldun Nagusiak lurraldeko Batzar Nagusietan erantzun die oposizioko kideei, esanez bere gobernuak gardentasunez jokatu duela proiektu honi dagokionean. Bideragarritasuna landu den arren, epea baldintzatzen duten elementuak ere badaudela jakinarazi du, besteak beste, prozesu judizialak, deskontaminazio-lanak eta hirigintza-izapideak.
EAJk formatu berriz ospatuko du Alderdi Eguna igandean, 'Batzen gaituzten hariak' lelopean
Aurten, eszenatokia zelaiaren erdian egongo da, biribila izango da, eta lau pantaila erraldoi jarriko dituzte, afiliatuek bertan gertatutako guztiaren berri izan dezaten. EBBk adierazi duenez, formatu berritzaile horrekin, EAJ, alderdi gisa erdian dagoela, herriaren eraikuntzan funtsezkoa dela eta gizartearekin batera eboluzionatzen duen alderdi dinamikoa dela irudikatu nahi dute.
Etxanobek adingabeen harrera ereduari buruz "sakon hausnartzea" eskatu du
"Inplikazio sozial eta instituzional handiagoa eskatzen dugu, bereziki gertakari larrien aurka egin behar denean, hala nola adingabeen nazioarteko fluxua eta gure lurralderako sarbidea kontrolatzen duten mafiak egiten dituztenean, eta identifikazio agiri ofizialak faltsutzen dituztenean", ohartarazi du.
Gazara bidean den Global Sumud flotillari laguntzeko ontzi bat bidaliko duela iragarri du Pedro Sanchezek
"Kideek zailtasunen bat izanez gero erreskatatu ahal izateko bidaliko dugu, horrelakorik ez gertatzea espero dugun arren", gaineratu du Sanchezek, eta flotilla horretan dauden espainiarrak "munduko milioika lagunen elkartasunaren adierazgarri" direla adierazi du.
Albiste izango da: 40 urte Monbar Hoteleko atentatua izan zela, Pentsiodunen herri-ekimena eta Zinemaldia
Orainek gaur landuko dituen albiste nagusien laburpena.
Pedro Sanchezek adierazi du emaztea eta anaia errugabeak direla eta egia gailenduko dela
Pedro Sanchez Espainiako Gobernuko presidenteak adierazi du ziur dagoela Begoña Gomez emaztea eta David Sanchez anaia errugabeak direla, eta "denborak gauzak bere lekuan jarriko" dituela, eta egia gailenduko dela. Sanchezek emaztearen eta anaiaren egoera judizialari buruz hitz egin du New Yorken emandako prentsaurrekoan, NBEren goi-bilera dela eta.
40 urte igaro dira Baionako Monbar hoteleko atentatutik, GALek egindako odoltsuena
Lau pertsona hil zituzten, tirokatuta, eta bostgarren bat zauritu zuten. Urte batzuk geroago hilketaren autore materialak epaitu zituzten: Marseillako bi mertzenario. Epaiketan zehar, Espainiako Estatuko zerbitzu sekretuek kontratatu zituztela aitortu zuten, baina ikerketa itxi zuten, froga faltagatik.