EAko bi sektoreen arteko lehia auzitegietara iritsi da
Eusko Alkartasunaren (EA) bi sektoreen arteko lehia auzitegietara heldu da asteazken honetan. Maiorga Ramirez buru duen sektore kritikoak salaketa jarri zuen, alderdiko Idazkaritza Nagusia hautatzeko prozesuan zuzendaritzak afiliazio datu guztiak eskuratzeko aukera ez ziela eman iritzita.
Gasteizko epaitegi batean egindako ahozko saioan aztertu dute salaketa, eta epaileak erabakiko du auziaren inguruan.
EAko Berme Batzordeak joan den astean adierazi zuenez, Ramirezen hautagaitza "bidegabeki baliogabetu" zuten primarioen prozesuan. Prozesu horretan Eva Blanco izendatu zuten alderdiko idazkari nagusi. Horrenbestez, epaileak auziaren mamiari buruz erabakitzen duen bitartean, izendapen hori kautelaz bertan behera uzteko eskatu du sektore kritikoak.
Maiorga Ramirezek kazetariei adierazi dienez, "guretzat ez da atsegina hemen egotea, baina afiliatuen eskubideen defentsak merezi du. Eusko Alkartasunarekin eta afiliatuen eskubideekin konprometituta gaude".
Nolanahi ere, "itxaropentsu" agertu da primarioak errepikatzeko aukerari dagokionez, haiek defendatzen duten moduan. Bere ustez, aurreko prozesuan afiliatuei bi hautagaitzen artean aukeratzeko aukera "lapurtu" zitzaien. Maiorgak adierazi duenez, epaiketan "agerian geratu da" Eva Blancoren aldarrikapenak EAko "berme Batzordearen zuzentarau eta ebazpenak urratzen" dituela.
Ramirezen esanetan, "irekita" jarraitzen du sektore ofizialeko ordezkariarekin irtenbide elkarrizketatu bat adosteko.
Maiorga Ramirez eta Iratxe Lopez de Aberasturi, epaitegietara ailegatzen. Argazkia: EFE
Bestalde, Iria Epalza sektore ofizialeko komunikazio idazkariaren hitzetan, alderdiak primarioen prozesuan izandako jokabidea "erabat bermatzailea" izan da, eta, horregatik, konfiantza agertu du alderdi horretako afiliatuen erroldaren kudeaketari buruzko asteazkeneko epaiketaren ebazpena "alderdiaren interesen eta barne demokraziaren aldekoa" izango dela.
Eusko Alkartasunak ohar baten bidez adierazi duenez, prozesu horrekin lotutako erabaki guztiak "barne araudian ezarritakoa betez" hartu dira, Estatutuek, Exekutiba Nazionalaren Antolaketa Araudiak eta Primarioen Araudiak osatutakoa.
EAk azaldu duenez, araudi horrek hautesle erroldan ager daitezkeen datuak 'izena, abizenak eta tokiko antolaketa' direla zehaztu du. Gainera, erregelamenduan adierazten da datu horiek afiliatu hautesle bakoitzak kontsulta ditzakeela, nork bere datuak eskura baititzake, bai eta lurralde bakoitzeko errolda kontsulta dezakeen hautagai-zerrenda bakoitzak ere.
Zure interesekoa izan daiteke
Peinadori espedientea irekitzea aztertuko du Botere Judizialaren Kontseiluak, Poliziari buruz esandakoagatik
Begoña Gomez auzipetzeko kaleratutako autoan, epaileak dio Poliziak ihes egiteko laguntza eman diezaiokela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.