Ponsatiren aurkako euroagindua 'neurrigabea' dela ebatzi du Erresuma Batuak
Erresuma Batuko agintariek “neurrigabe”tzat jote du Clara Ponsati kataluniar kontseilari ohia entregatzeko Espainiak asteon igorritako euroagindua, eta atzera bota du eskaera. Sedizio delitua egotzita epaitu nahi dute Espainian.
Euroaginduak izapidetzen dituen bulegoaren arabera (Barne Ministerioaren menpekoa), Espainiaren eskaera “abokatu espezializatu batek aztertu du, Delinkuentziaren aurkako Agentzia Nazionalaren izenean”, eta horrek ebatzi du euroagindua “neurrigabea” dela “Erresuma Batuko legeen arabera”.
Iturri juridikoek azaldu dutenez, sedizio delitua “ordena publikoarekin lotutako delitua” delako iritzi diote neurrigabea euroaginduari.
Horren ildotik, Erresuma Batuak ez du oraingoz beste neurririk hartuko auzi honetan.
Hori bai: informazio gehiagorik lortuko balu, hori igortzea eskatu dute Erresuma Batuko agintariek, beste azterketa bat egiteko.
Atzo, Ponsatiren abokatuak iragarri zuen kontseilari kargugabetuak ostegun honetan entregatuko zuela bere burua Edinburgoko polizia-etxe batean. Alabaina, Eskoziako Justiziak Espainiaren eskaera atzera bota duela ikusita, halakorik ez duela egingo zehaztu du gaur.
“Euro-agindua atzera bota dute, Espainiari hainbat argibide emateko eskatuz. Horrenbestez, Clara Ponsati irakaslea ez da Edinburgoko polizia-etxera joango ostegun honetan eta hango auzitegian egin behar zuen agerraldia bertan behera geratu da”, azaldu du haren abokatuak komunikabide batean.
Ponsatiren aurkako bigarren euro-agindua
2017ko urriaren 1eko erreferendumaren antolaketan parte hartu izan egotzita, Auzitegi Gorenak bi aldiz eskatu du jada Ponsati atxilotzea eta Espainiaratzea.
Lehendabiziko aldia 2018ko uztailean izan zen, baina azkenean Llarena epaileak atzera egitea erabaki zuen eta epaiketa baliogabetu egin zuten.
2017ko urriaren 30ean egin zuen ihes Ponsatik. Lehendabiziko hilabeteak Belgikan eman zituen, Carles Puigdemontekin batera, baina 2018ko Eskoziara joan zen. St Andrews Unibertsitatean irakaslea da.
Zure interesekoa izan daiteke
2030eko Munduko Futbol Txapelketa hartzeko Bilboren hautagaitzari buruzko zalantzak onartu ditu Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. mundu batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du eta lan egitea arreta ona jasotzea jaiotako herrialdearen mende egon ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.
Zuzenean: Bizkaiko Foru Barriaren bosgarren mendeurrenaren ospakizun ekitaldia
Bizkaiko Foru Barriak 500 urte egin dituela ospatzeko ekitaldi nagusia egingo da gaur, Gernikan, eta zuzenean ikusi ahal izango da ETB1en eta orain.eus-en, 11:00etan.
Etxanobe, Bizkaiko Foru Barriaz: "Gaur egun daukagun autogobernuaren oinarria bertan dago, gure arbasoek duela 500 urte idatzitako horretan"
Bizkaiko Foru Barriaren bosgarren mendeurrenean, Bizkaiko ahaldun nagusiak orduko bizkaitarrek "kontraste bidez eta elkarrekin hitz eginda" idatzitako testua goraipatu du, "pertsonen eskubideen defentsan testu juridiko oso aurreratua izan zen".
Albiste izango dira: Bizkaiko Foru Barriaren 500. urteurrena, Bizum dendetara iritsi da eta PPk Voxen babesa beharko du Andaluzian
Gaurkoan Orain-en albiste izango direnen laburpena, bi hitzetan.
Itunpeko ikastetxeen harira sortutako krisia bideratzen saiatzeko bilera egingo dute arratsaldean Nafarroako Gobernua sostengatzen duten alderdiek
Gimeno Hezkuntza kontseilariak itunpeko ikastetxeetan 14 ikasgela ixteko zuen asmoa bertan behera utzi zuten osteguneko bozketan Geroa Baik eta EH Bilduk. Abstenitu egin ziren, eta UPNren lege proposamena atera zen aurrera.