Foro Sozialak 'irabazleen eta galtzaileen' eredua gainditzea eskatu du
Nafarroako Foro Sozial Iraunkorrak "irabazleen eta galtzaileen logika" gainditzeko eta eredu "barnehartzailea" defendatzeko deia egin du, "bizikidetza demokratikoa eraikitzeko".
Expe Iriartek eta Fernando Armendarizek prentsaurreko batean azaldu dutenez, "elkarrizketarako, bat egiteko eta bizikidetzarako erreia zabaldu" nahi dute gaurko eskaerekin.
Aitortu dute Nafarroan sektore bat badagoela "bizikidetza barnehartzailearen aurkakoa, pisu handia duena", baina uste dute "Nafarroako gizartearen gehiengoak bizikidetzan oinarritutako etorkizuna" nahi duela.
Bozeramaileek hiru "korapilo" aipatu dituzte oraindik askatzeko daudenen artean: Biktima guztiei, "diskriminaziorik gabe", egia, justizia eta konponketa eskaintzea; preso edo erbestean dauden 34 pertsonen egoera konpontzea, eta "etorkizunari begiratuko dion memoria kritiko partekatua" eraikitzea.
Onartu dute ez direla "zerotik" hasiko, aurreko legegintzaldian lotutako akordioak hor daudelako, preso gaixoen eta gerturatzearen alorrean.
PSNrekin, Geroa Bairekin, EH Bildurekin, Ahal Dugurekin, Ezkerrarekin eta sindikatuekin egindako akordioak izan ziren horiek, eta "oinarrizko kanpaleku" gisa hartzen dituzte, gaur egindako hiru eskaerak lortzeko bidean.
Aurten ere izan omen dute "bilera sorta zabala erakundeetako eta alderdi politikoetako eragileekin", eta datozen asteetan jarraituko dute eragile sindikal eta sozialekin.
Bestalde, 'Hitzorduak' topaketak iragarri dituzte, "hitz egiteko, entzuteko eta parte hartzeko unea" delako. Azaroaren 20ean eta 26ean izango dira topaketa horiek.
Azaroaren 20koan, 'Bizikidetza demokratikoa Nafarroan: Legealdi honetako aukerak eta erronkak' izenekoan, Guillermo Mugica Gogoa Foroko kideak, Vicente Madoz Argibide Fundazioaren sortzaileak eta Camino Osle Iruñeko Udaleko zinegotzi ohiak parte hartuko dute.
Bigarren topaketa Nafarroako Parlamentuan izango da, hilaren 26an, eta Roberto Manrique Hipercorreko ETAren biktimak eta Idoia Zabalza Mikelen arrebak hartuko dute hitza.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.