Semperren erabakiak PPren 'deriba ikaragarria' jarri du agerian, PSEren iritziz
PSE-EEren Gipuzkoako idazkari nagusi Eneko Anduezaren iritziz, Borja Semperrek astearte honetan jakinarazitako erabakiak "oso agerian jarri du Espainiako PPren deriba ikaragarria"; izan ere, Gipuzkoako PPko presidente, Donostiako zinegotzi eta EAEko PPren Legebiltzarreko bozeramaileak politika utziko du. Anduezaren esanetan, Pablo Casadoren alderdiak "Voxen besoetan ipini du bere burua"; Semper, berriz, "tolerantea eta zintzoa" da politika egiten, Gipuzkoako PSE-EEko liderraren ustez, "eta horrek ez du bat egiten Espainiako PPren egungo diskurtsoarekin".
Onda Vascari eman eta Europa Pressek zabaldu duen elkarrizketan Anduezak nabarmendu duenez, "beti harritzen zaitu" horrelako albiste batek, "baina espero modukoa zen, egungo egoera politikoa zein den kontuan izanik". Anduezaren ustez, EAEko PPk "aktibo garrantzitsua" galdu du. "Politika modu zintzoan egiten du Borjak; ez die bere ideiei uko egiten, baina lasaiago babesten ditu, modu pluralagoan, egungo PPk baino askoz ere modu toleranteagoan", gaineratu du.
Anduezaren hitzetan, Semperren falta sentituko du; izan ere, "gaztetatik" dute elkarrekin harremana, Juventudes Socialistas eta Nuevas Generaciones taldeetan hasi ziren garaitik. "Lubaki berean geunden, tamalez", esan du, ETAren mehatxua baitzegoen garai hartan.
Egun, "ia-ia ondoan geunden eserita Legebiltzarrean", eta, "maiz", Legebiltzarreko "jokaldirik onenak komentatzen genituen, txantxetan". "Borjari ez diot ezer txarrik opa; hori ezinezkoa da, pertsona ona baita, eta estimatzen dudalako. Zorte ona opa diot. Nire iritziz, historia egin du euskal politikan", esan du.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.