Autogobernurako proposamena tramitatzeko eskatu die EH Bilduk EAJ, Podemos eta PSEri
Estatutua berritzeko landu duten testu artikulatua ahalik eta azkarren lege-proposamen gisa erregistratu dezatela eskatu die EH Bilduk EAJri, Elkarrekin Podemosi eta PSE-EEri, tramitazioa legealdi honetan has dadin.
Legebiltzarreko autogobernu lantaldeak Gernikako Estatutua erreformatzeko testu artikulatu bat egiteko mandatua eman zien bost legelariri. Legelari horiek talde parlamentarioek izendatu zituzten.
EAJk eta EH Bilduk adostu eta Elkarrekin Podemosek partzialki babestutako dokumentu bat oinarri hartuta egin behar zuten testu artikulatu hori. PSE eta PP testuaren kontra agertu ziren.
Azkenean, baina, legelariek hiru proposamen egin dituzte. EAJk, Elkarrekin Podemosek eta PSEk aukeratutako juristek testu bat egin dute, baina puntu askotan boto partikularrak aurkeztu dituzte, besteak beste, autodeterminazio eskubidearen harira dituzte desadostasunak.
Bigarren dokumentua EH Bilduren legelariak aurkeztu zuen. Koalizio soberanistak azpimarratu zuen EAJrekin adostu zuen testuan oinarritzen dela eta, beraz, Legebiltzarrak emandako mandatuari erantzuten diola.
Alderdi Popularrak, berriz, beste dokumentu bat aurkeztu du, Gernikako Estatutua berritzeko egin diren proposamen gehientsuenak Konstituzioaren aurkakoak direla salatuz.
Autogobernu lantaldeko agerraldiak gaur amaitu dira. Ateak itxita egin dituzte guztiak eta, ondorioz, han esandakoak ez dakizkigu.
Juan Ignacio del Burgo PPk aukeratutako juristak uko egin dio lantaldean parte-hartzeari, eztabaida horrek publikoa izan behar zuela iritzita.
Berriro noiz bilduko diren eta aurrerantzean lanerako metodologia zein izango den zehaztu gabe amaitu dute gaurko bilera.
Batzarra amaituta, Unai Urruzuno EH Bilduko legebiltzarkideak soilik egin ditu adierazpenak komunikabideen aurrean. "Zentzuzko tarte batez" beren dokumentua lege-proposamen moduan erregistra dezatela eskatu die EAJri, Elkarrekin Podemosi eta PSEri.
Koalizio soberanistak ez du proposamen hori babesten, baina Legebiltzarrean eztabaidak jarraitzea nahi du, "orain arte egindako lan guztia bertan behera geratu ez dadin".
Hala egiten ez badute, EH Bilduk oraindik ez du erabaki bere testu artikulatua erregistratuko duen edo ez.
Zure interesekoa izan daiteke
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.