"Herri bat irabazteko" apustua berretsi du Iriartek
"Herri bat irabazteko" apustua berretsi du Maddalen Iriarte EH Bilduko lehendakarigaiak, "guztien eskubideak errespetatuz", "presoak etxera" hurbilduz eta "biktima guztiei erreparazioa" eskainiz.
Gainera, Euskal Herriak "bere etorkizuna erabaki ahal izateko larrua" utziko duela agindu du.
Maddalen Iriarte lehendakarigaia aurkezteko ekitaldia egin du EH Bilduk Durangon (Bizkaia). Mahai Politikoko kideak, tartean Arnaldo Otegi, legebiltzarkideak, besteak beste, Jasone Agirre, eta Inma Garrastatxu Durangoko alkatea ekitaldian izan dira. Martin hautagaiaren semeetako batek lehendakarigaia aurkezteko ardura izan du.
Hitzaldian, "herri bat irabazteko" prest agertu da Iriarte. EH Bilduko lehendakarigaiaren hitzetan, "herritar bakoitzaren eguneroko lana ezinbestekoa da euskal errepublika askea" eraikitzeko.
Euskal Herrian "bizi eta lan egiten duten gizon eta emakume guztiek egindako" herri bat aldarrikatu du legebiltzarkideak, baina baita "gure diaspora zabaleko herritarrek, erbesteratuek, deserriratuek eta espetxeratuek" egina ere. "Guztiona", zehaztu du.
"Egoera azkar aldatzeko, lurra zaintzeko" konpromisoa hartu du, "zuhaitz bat landatzearekin ez delako nahikoa, erraustegia martxan dagoen bitartean edo zabortegietan amiantoa gupidarik gabe botatzen denean".
"Kalean eta erakundeetan borroka" egiteko "prest eta ilusionaturik" azaldu da. "Munduan borrokarik gabeko gizarte aldaketarik ez dela izan aldarrikatu nahi dut. EH Bilduk behartsuenen borrokarekin bat egingo du beti", adierazi du.
Euskal Herria "herri txiki bat" dela onartu du, baina "gauza handiak egiteko" kapaz dela erantsi du. "Herri askea" lortzeko konpromisoa errepikatu du.
Bestalde, Zaldibarko zabortegiaren luizian lurperaturik geratu ziren bi langileak gogora ekarri ditu Iriartek.
"Senitartekoei eta lagunei gure elkartasuna adierazi eta besarkada bat bidali nahi diegu une latz hauetan", esan du. Era berean, aurten hildako 19 beharginei "besarkada beroa" eman nahi izan die.
Zure interesekoa izan daiteke
Francori eta Molari emandako ohorezko tituluak baliogabetuko dituzte Arabako Batzar Nagusiek
EH Bildu, EAJ, PSE-EE eta Elkarrekin Araba taldeek foru arau proposamen bat aurkeztu dute, diktadoreari eta militarrari emandako 'Probintziako Aita' eta 'Ohorezko Diputatu Nagusia' tituluak kentzeko.
Bizkaiko Foru Aldundia Ministerioarekin negoziatzen ari da Urdaibain inbertsioa mantendu dezan, museoaren proiektua bertan behera geratu den arren
EH Bilduko eta PPko taldeek eskatuta Batzar Nagusietako Batzorde Instituzionalean egindako agerraldian, Elixabete Etxanobe Bizkaiko ahaldun nagusiak esan du museoen proiektua bertan behera uztea eragin zuen irizpide aldaketa "erantzukizunak" gidatu zuela, bere kontrako prozesu judizialek eta egiteke dauden tramitazioek zortzi urte inguru atzeratuko zutela egiaztatu baitzuen.
EBri Israelekin duen elkartze akordioa etetea eskatzeko, Europako Herritar Ekimena abiatu du EH Bilduk
Milioi bat sinadura bildu nahi dituzte, eta dagoeneko martxan da horretarako web orria. Datozen asteotan, berriz, koalizioko kideak herriz herri arituko dira sinadurak biltzen.
Eusko Jaurlaritzak ohartarazi du transferentzien batzordea "kolokan" dagoela, gaiek "irekita" jarraitzen dutelako
Horregatik, Maria Ubarretxena bozeramaile eta Gobernantza, Administrazio Digital eta Autogobernuko sailburuak seriotasuna eskatu dio Espainiako Gobernuari, eta bi gobernuen artean uztailean sinatutako akordio instituzionalak errespetatzeko. Gainera, adierazi du Eusko Jaurlaritza prest dagoela "azken unera arte" lan egiteko eta akordio bat lortzeko "beharrezkoak diren" orduetan.
Sanchez eta Feijoo astelehenean bilduko dira, Ukrainara tropak bidaltzeko aukeraz mintzatzeko
Dena dela, PPren buruzagiak dagoeneko ohartarazi duenez, bere alderdiak ez du aukera hori babestuko, baldin eta Gobernuak ez badio aurretik datu eta azalpen zehatzik ematen.
Pradales lehendakariak Davoseko Foroan parte hartuko du
Euskadik Munduko Ekonomia Foroan parte hartuko duen lehen aldia izango da. Lehendakaria buru duen euskal ordezkaritza Suitzan izango da hilaren 20tik 22ra bitartean.
Frantziako Hezkuntza Ministerioak baxoa euskaraz egiteko proposamena aurkeztuko duela hitzeman du
Geffray ministroaren jarrera "ona" azpimarratu dute harekin bildu diren Euskararen Erakunde Publikoko ordezkariek eta Asanbleako euskal hautetsiek, baina Seaskak "esku-hutsik" itzuli direla deitoratu du, asmoez harago ekintzak behar direla iritzita, eta mobilizazioak iragarri ditu hilaren amaierarako.
Eskualdatzeke dauden transferentziak: zeintzuk dira? zertan dira negoziazioak?
Asteon gauzatu beharko liratekeen bost eskumenez harago, Autonomia Estatutuak aitortutako beste 15 transferentzia falta ditu EAEk. Eskumenen nahas-mahasean ez galtzeko, honatx egin gabekoen zerrenda gaurkotua.
Alokairuaren prezioa igotzen ez duten etxejabeei hobari fiskalak emango zaizkiela iragarri du Sanchezek
EH Bilduk zein ezkerreko gainerako talde parlamentarioek aurreratu dute ez dutela neurria babestuko. EH Bilduren arabera, "neurriz kanpoko alokairuak kobratzen" ari diren jabeak "zergak ordaintzetik libratu" nahi izatea "adarjotzea da".
Nafarroako Gobernuko kideak bat datoz, eta legegintzaldia agortzea espero dute
PSNk, Geroa Baik eta Contigo-Zurekin alderdiek sintonia ona agertu dute Nafarroako Gobernuaren akordio programatikoaren jarraipen batzordearen bileraren ostean. Bertan, bat egin dute Gobernuaren ekimenari bultzada politiko handiagoa emateko beharrarekin, legealdia amaitzeko geratzen diren 15 hilabeteetan.