EAEko transferentziak lau fasetan egingo dira
Falta diren 32 transferentziak eskualdatzeko Jaurlaritzak eta Espainiako Gobernuak adostutako egutegia lau fasetan banatzen da eta azkenerako utzi dute eztabaida gehien sortzen duena: Gizarte Segurantzaren kudeaketa ekonomikoa.
"Negoziaketa posibleen" egutegi hori Josu Erkoreka Eusko Jaurlaritzako bozeramaileak eta Carolina Darias Lurralde Politikako ministroak Gasteizen izandako bileran adostu da.
Lehen blokean Dariasen eta Erkorekaren aurreko bileran, otsailaren 5ekoan, itxitako transferentziak jaso dituzte. Alegia, eskola-aseguruen, farmazia-produktuen eta enplegu-erregulazioko espedienteak eragindako langileen erretiroen aurreko laguntzen gaineko eskumenak.
Martxorako egongo dira EAEko erakundeen esku (Transferentzien Batzorde Mistoa hilaren 16an bilduko da).
Ministroak azaldu duenez, bigarren blokeak 11 gai jasoko ditu. Horien negoziaketa ekainean hasiko da, hau da, apirilaren 5eko hauteskunde autonomikoetan Eusko Jaurlaritza berria osatu ondoren. Helburua abendurako tranferentzia horiekiko akordio batzuetara heltzea da.
Bigarren bloke horrek bi gobernuek 2019ko urtarrilean alde batera utzitako espetxeen kuadetaren negoziaketa jasoko du.
Era berean, seguruak, zerbitzu pribatuak, meteorologia, nekazaritza aseguruak, errepideko garraioa, zinematografia, arrantza eta itsasoko produktuek merkatua, turismo ostatuak, ISBN eta ISNN esleipena eta kostaldeko kudeaketa ere jasoko ditu.
Hirugarren blokeari dagokionez, "kronograma proposamena"ren arabera, solasaldiak 2021eko urtarrilean hasiko dira, ekainean akordioetara heltzeko itxaropenarekin. Hori izango da transferentzia gehien egindgo diren fasea, 17.
Zehazki, kreditu ofiziala, kreditu eta bankua, balore-merkatua, ikerketa eta laguntza teknikoko zentroak, hidrokarburoak, itsasoko salbamentua, estatuko sektore publikoa, administrazio instituzionala eta berrikuntza teknologikoa, eta linea batzuetako trenen garraioa dira jasotzen dituen gaiak.
Hirugarren bloke horretakoak dira baita aireportuak, interes orokorreko portuak, inmigrazioa, unibertsitate ikasketetako tituluak eta atzerriko ikasketak, garraio baimenak eta ibilgailuen matrikulazioa, udal-hauteskundeen erregimena, arrantza ikuskapena eta ikasketa zentroak, eta obra publikoen esperimentazioa jasotzen dituzten eskuduntzak.
Jaurlaritzak eta Espainiako Gobernuak laugarren eta azken faserako utzi dute Gizarte Segurantzaren kudeaketa ekonomikoa.
Aurreikusitako egutegiaren arabera, 2021eko ekainean "hasiko dira gai horien azterketarako ikerketak" eskuduntza horrekin. Ikerketak urte bereko abendurako bukatzea aurreikusten da.
Gizarte Segurantzaren negoziaketa ez dela Toledoko Ituna berritu arte hasiko adierazi dute Dariasek eta Erkorekak.
Zure interesekoa izan daiteke
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.
Epaileak ekainaren 17 eta 18ra atzeratu du Zapaterok Plus Ultra auzian ikertu gisa egin beharreko agerraldia
Plus Ultra auzia ikertzen ari den Jose Luis Calama epaileari ekainaren 2rako aurreikusita zegoen deklarazioa atzeratzea eskatu dio gaur goizean Espainiako Gobernuko presidente ohiaren abokatuak, kausa ongi aztertu ahal izateko, iturri juridikoek jakitera eman dutenez.
Zupiria: “Gure herrian, herritar batzuek ez dute Poliziarik nahi, ezta Euskal Polizia bada ere”
Bingen Zupiriak Ertzaintzaren jarduna defendatu du Loiuko aireportuan Global Sumud flotillako kideekin izandako istiluetan, eta adierazi du oraindik ere badirela poliziaren figura ukatzen duten herritarrak. Halaber, gogorarazi du Ertzaintzako kideek ETAren terrorismoa eta kale indarkeria jasan zituztela, eta "gaur egun ere iragan horren arrastoak" gizartearen zati batean mantentzen direla.
Peinado epaileak Begoña Gomez epaiketa aurreko entzunaldi batera deitu du, ekainaren 9an
Epaile instruktoreak ikertuei —Begoña Gomez, Cristina Alvarez eta Juan Carlos Barrabes—ohartarazi die epaitegira agertu beharko dutela eta saio horretan kautelazko neurriak hartu daitezkeela.
Zupiriak akatsak onartu ditu Ertzaintzak Loiun izandako jardunean, eta ukatu egin du motibazio politikorik egon zela
Ingelesez hasitako agerraldi batean, Segurtasun sailburuak onartu du Ertzaintzak Loiuko aireportuan izan zuen jokabidea "ez zela gertatu behar", eta barkamena eskatu du nazioartean eragina izan zuten gertakari batzuengatik. Halaber, Zupiriak esan du agenteak oldartu zirela "erasoak" jasan zituztelako.
Nazionalisten arteko "elkar hartzeaz" eta "euskal prozesuaren" arriskuaz ohartarazi du Anduezak
Eneko Andueza PSE-EEko idazkari nagusiaren esanetan, EAJk eta PSE-EEk hizkuntza eskakizunen inguruan landutako adostasunetik atera dira jeltzaleak eta hori dago azken asteetako tentsioaren atzean.
ZUZENEAN | Zupiriaren agerraldia Legebiltzarrean
Bingen Zupiria Segurtasun sailburuak agerraldia egingo du 12:00etan Eusko Legebiltzarreko Erakunde, Gobernantza Publiko eta Segurtasun Batzordean, larunbatean Global Sumud Flotillako sei kide iritsi zirenean Ertzaintzak Loiuko aireportuan izandako jokabideari buruzko azalpenak emateko.
Global Sumudeko kideen aurka Ertzaintzak izandako jokabidea salatu dute hainbat lagunek Legebiltzarraren atarian
Eusko Legebiltzarrean eguerdian Bingen Zupiria Segurtasun sailburuak Loiuko aireportuan ertzaintzak Global Sumudeko kideen aurka kargatu izanari buruzko azalpenak emango ditu. Hori baino lehen, goizeko 09:00etan hasita, Ertzaintzaren jokabidea gogor salatu Legebiltzar atarian 50 lagun inguruk. Ertzainez inguratuta ari dira egiten protesa Gasteizen; oso haserre daudela esan dute eta ertzaintza egin dute gertatu zen guztiaren errudun.
Gurutzetako batzokian Ertzaintzaren aurkako pintadak egin dituztela salatu du Bizkaiko EAJk
EAJk Gurutzeta auzoan, Barakaldon, duen egoitzan, pintadak agertu dira fatxadan, mezu iraingarriekin. Alderdiak gertatutakoa gaitzetsi du, eta egin dituztenak zein "beste aldera begiratzen dutenak" kritikatu ditu.