Konfinamendua arintzeko plana osasun eremuka egitea aztertuko du Osasun Ministerioak
Konfinamendua arintzeko plana garatzeko orduan, Espainiako Gobernuak ezarritako lurralde unitateak (probintziak eta uharteak) soilik kontuan hartu beharrean, neurriak osasun-eremuen arabera hartzea eskatu dute autonomia erkidegoek, eta, horren aurrean, deseskalatze plana beste lurralde unitate batzuen arabera egiteko proposamena aztertzen ari dela jakinarazi du Osasun Ministerioak.
Deseskalatze plana lau fasetan egingo dute, eta neurri guztiak probintzien edo uharteen datuen arabera ezarriko dituzte. Horrela, ekainaren amaierara arte luzatuko litzateke konfinamendua biguntzeko plana.
Testuinguru horretan, Salvador Illa Osasun ministroak ez du baztertu autonomia erkidegoen proposamena aztertzea, "normaltasun berrira" iritsi aurretik atzean utzi behar diren fase horiek probintziaka eta uharteka egin ordez osasun-eremuen arabera egiteko.
Alabaina, mugikortasunari dagokionez, unitate bakoitzaren isolamendua bermatu nahi du Osasun ministroak. Horrez gain, aztertu beharreko beste irizpide epidemiologiko, tekniko, sanitario eta ekonomiko batzuk daudela gaineratu du.
Bestalde, Sanchezek aurreratutako trantsizio-plana baztertu du Iñigo Ukullu lehendakariak, Nekane Murga Osasun sailburuak bezala, Espainiako Gobernuak "probintzien estatu bat" planteatu duela iritzita, eta "aniztasuna bultzatu beharrean zentralizazioaren bidetik atzeraka joan delako".
Hori dela eta, euskal erakundeekin "aldebiko elkarrizketa" ezartzeko eskatu dio Urkulluk Espainiako presidenteari, Euskadin koronabirusak eragindako pandemia atzean uzteko trantsiziorako "edozein plan" garatzeko.
Zure interesekoa izan daiteke
Madrilgo Erkidegoko sei alkate ohi zigortu dituzte "Punica" ustelkeria sareagatik
Auzitegi Nazionalak "praktika ustelak" egotzi dizkie David Marjaliza enpresaburuari, Cofelyko arduradunei eta Madrilgo hainbat udalerritako alkate ohiei, gehienak PPkoak. Guztira, 29 pertsona zigortu ditu ANk.
Miguel Angel Gallardok dimisioa eman du Extremadurako sozialisten idazkari nagusi gisa
Extremadurako sozialisten idazkari nagusiak kargua utzi du, igande honetan Extremaduran PSOEk inoizko emaitzarik txarrenak lortu ostean.
Chivitek gobernatzen jarraituko duela esan du, "batzuek Gobernua ezegonkortu dadin saiatzen jarraituko duten arren"
Eguberriak zoriontzeko asmoz astelehen honetan Nafarroako Jauregian egindako ekitaldi batean, presidenteak adierazi du bere gobernuak onartutako aurrekontuekin eta "zergadunen % 70ri inguru lagunduko dioten neurri fiskalekin" amaitzen duela urtea.
Eusko Jaurlaritza "oso kezkatuta" agertu da eskualdatzeen auzian izandako "atzerapausoengatik"
Eusko Jaurlaritzako bozeramaile eta Autogobernu sailburuak ohartarazi duenez, nahiago dute transferentziarik ez egitea, "eskualdatze txarra" izatea baino. Gaur arratsaldean Elma Saiz ministroarekin bilera du Ubarretxenak, eta espero du egoera bere onera etortzea.
Babes sozialerako neurriak 2026 urte osoan luzatzea hitzartu du EH Bilduk Espainiako Gobernuarekin
Adostutako neurrien artean daude, besteak beste, beste bizilekurik ez duten familia zaurgarrientzat etxegabetzeak debekatzea, oinarrizko hornidurak (argia, ura eta gasa) ez etetea eta bonu sozial elektrikoa luzatzea.
Milagros Tolonek hartuko du Hezkuntza ministerioa eta Elma Saiz izango da Espainiako Gobernuaren bozeramaile berria
Aldaketak Espainiako Gobernuaren birmoldaketaren barruan sartu ditu Sanchezek, eta legegintzaldiaren azken zatian indarra hartzea dute helburu.
PPk gehiengo absoluturik gabe irabazi du Extremaduran, eta PSOEk inoizko daturik txarrenak izan ditu
PPk 29 eserleku izango ditu (bat gehiago), PSOEk 18 (hamar gutxiago), VOXek 11 (sei gehiago), eta Unidas por Extremadurak 7 eserleku (hiru gehiago). PPk Voxen beharra du gobernatzeko.
Extremadurako hauteskundeetako parte hartzea % 50,60koa izan da 18:00etan, 2023an baino 6,5 puntu txikiagoa
890.985 herritarrek dute botoa emateko eskubidea. Inkesten arabera, PPk irabaziko ditu bozak, gehiengo osorik lortuko ez badu ere, eta PSOEk zartakoa hartuko du. Voxek eta Unidasek, aldiz, gora egingo dute, inkestek iragarritakoa betez gero.
Estebanek uste du hauteskunde orokorrak izango direla Espainian 2026an
La Sexta telebista-katean egindako elkarrizketa batean, EAJko presidenteak adierazi du Espainiako hauteskunde orokorrak aurreratu egingo direla. Horren ustez, 2026an izango dira, Espainiako legegintzaldiak ezin baitio gehiago eutsi. EAJren buruaren arabera, Pedro Sanchezek "ezin du bere burua ostruka baten antzera ezkutatu, ezta VOXen atzean ere".
Ernaik eskuin-muturraren igoeraren aurka antolatzeko deia egin die gazteei
Bilbon egindako mobilizazioan, gazte erakundeak ideia erreakzionarioak eta euskararen aurkako erasoak salatu ditu. Itsas Kapitaintzaren aurrean, Espainiako bandera bat erre eta Bilbo euskalduna, antifaxista eta feminista aldarrikatu du. Era berean, ELAk eta LABek martxorako deitu duten greba orokorrarekin bat egin du, eta independentzia helburu dutela antolatzeko deia egin die gazteei.