Deseskalatzearekin batera euskal presoak gerturatzea eskatu dute
Urtzi Errazkin Etxerat euskal presoen senideen elkarteko bozeramaileak presoak Euskal Herrira "gerturatzea" eskatu du "ahal denean, deseskalatzea hasi den honetan".
"Iraganeko errezetei erantzuten dieten atzerapenik" eta "salbuespen egoerarik gabe" prozesu hori martxan jartzeko eskatu du, "guztiontzat horren gogorra" izaten ari den COVID-19aren pandemiaren "ziklo honetan", "behingoz kargarik gabe eta sufrimendua pilatzen jarraitu gabe" euskal gizarteak normalkuntzarantzat aurrera egin dezan.
Etxeraten buruzagiak adierazpen horiexek egin ditu prentsaurreko telematiko batean, Joseba Azkarraga Sareren bozeramailearekin eta Cesar Manzanos Arabako Salhaketaren buruarekin batera, kartzeletan pandemia nola kudeatu duten kritikatzeko sinatu duten adierazpenaren aurkezpenean.
Errazkinek azaldu duenez, "osasun larrialdi egoera ezarri zenetik espetxeetan hartu dituzten neurriekin", Espainiako eta Frantziako gobernuek lortu dutena da "presoak izatea pertsona isolatuenak eta, aldi berean, egoera arriskutsuenean daudenak COVID-19aren aurrean".
Etxeratek aste honetan bertan txosten bat argitaratuko omen du presoen senideek emandako informazioarekin, eta lan horren ondorio nagusia omen da espetxe agintaritzaren lehentasuna presoak "espetxean edukitzea dela lehentasuna, eskubideak, arauak eta NBEren MOEren eta Europako Kontseiluaren aholkuak bazterrean utzita".
Horren harira, Frantziako Estatuan pandemia hasi zenetik libre utzi dituzten 6.000 presoetatik ETAkoa "bat bera ere ez" dela salatu du, eta gogorarazi "sei gutxienez gaixo daudela edo oso zaurgarriak izateko adinak" dituztela. Espainiako Estatuan, berriz, inor ez dutela askatu azpimarratu du, eta "kasu apurren batean bideodeiak" egiteko aukera eman diotela presoren bati "familiarekin komunikatzeko".
Bestalde, Joseba Azkarragak esan du presoen "portzentaje altu batek" bete egiten dituela "nazioarteko erakundeek familiarekin egotera etxera bidaltzeko" eman zituzten jarraibideak, adinekoak direlako, askok gaixotasun larriak dituztelako eta 161ek 15 urtetik gora daramatelako kartzelan.
Manzanosek adierazpenaren puntu garrantzitsuenak laburbildu ditu, eta horien artean aipatu ditu nazioarteko erakundeek emandako aholkuak bete ez izana, preso guztiei eta funtzionarioei testak egin ez izana, eta prebentzio eta arreta egitasmo berezirik ez edukitzea.
Manzanosek, era berean, "Eusko Jaurlaritzak izan duen jarreran" ere jarri du azpimarra, "espetxeetako osasun eta segurtasun arloen eskumena" duelako.
Zure interesekoa izan daiteke
?fmt=webp-alpha&qlt=80)
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.
PPk irabazi ditu Gaztela eta Leongo hauteskundeak 33 eserlekurekin, PSOEk 30 lortu ditu, eta Voxek 14
Bestalde, PSOE izan da indar bozkatuena Trebiñuko konderri historikoan, eta Vox izan da bigarrena. Gaztela eta Leonen, oro har, % 65,22ko parte-hartzea izan da hauteskunde hauetan, baina % 48,26koa Trebiñun.
Ipar Euskal Herriko udal hauteskundeek aldaketak utzi dituzte Lekuinen, Arrosan, Alduden, Donapauleun eta Senperen, besteak beste
Laurent Intxauspek Donibane Garaziko auzapez izaten jarraituko du, Eneko Aldanak Ziburun eta Emmanuel Alzurik Bidarten. 11 herri joango dira bigarren itzulira, Angelun, Senperen eta Getarian lehen itzulitik argitu baita nor izango den hurrengo alkatea.
Jean-Rene Etchegaray izan da garaile Baionan, bigarren itzuliaren zain
Etchegaray zentrista bigarren itzulira iritsi da, Jean-Claude Iriart hautagai abertzalearekin, Henri Etcheto sozialistarekin eta, lehen aldiz, eskuin muturreko hautagai batekin, Pascal Lesellierrekin. Hain zuzen ere, ultraeskuinak bere emaitzak bikoiztea lortu du sei urtean, aurreko hauteskundeetatik.