EPPK: "Sektore jakin batek ezker abertzalea erasotzeko baliatu du Ruizen egoera"
Euskal Preso Politikoen Kolektiboak (EPPK) "aitortu eta eskertu" egin ditu Euskal Herrian, Espainiako Estatuan eta nazioartean euskal presoen eskubideen defentsan azken boladan egin diren ekimen politikoak.
Horien artean, Espainiako Kongresuan bederatzi alderdi politikok egindako adierazpen bateratua eta presoak Euskal Herriratzeko Jaurlaritzak Espainiako Gobernuari egindako eskaera aipatu ditu. Aldarrikapen horrekin bat egiten duela eta azken helburua "kartzelak hustea" dela azpimarratu du EPPK-k Naiz eta Berria atari digitaletara igorritako agiri batean.
Horrez gain, koronabirusaren pandemiaren harira ezarri diren neurrien ondorioz espetxeetan bizi-baldintzak "gehiago okertu" direla eta euskal presoek bisitarik gabe jarraitzen dutela ohartarazi du.
"Espero dugu pandemiaren garapenean eta horren aitzakiaz hartu ez diren neurriak egoera arintzen ari denean hartuak izango direla", adierazi du alderdi politikoek eta Jaurlaritzak egindako proposamenei aipu eginez.
Bestalde, Patxi Ruiz presoaren kasua ere aipatzen du agirian. Preso nafarrak 19 egun daramatza gose-greban. EPPK-k dio Murtzia II espetxean dauden gainerako euskal presoak Ruizi laguntzen saiatu direla eta kartzelako zuzendaritzari konponbidea exijitu diotela.
Alabaina, Euskal Herriko "sektore jakin batek" haren egoera EPPK, Etxerat, Sare, EH Bildu eta Sortu "erasotzeko" baliatu duela salatu du.
"Estualdian eta egoera larrian den preso bati laguntzeko modu eraginkorrak bilatu eta lantzea baino erosoagoa zaie EPPK eta orokorrean ezker abertzalea erasotzea", gaineratu du.
Espetxe-politikaren helburua presoa "pertsonalki eta politikoki suntsitzea" dela nabarmenduta, Ruizen egoera "politika anker horren ondorioa" dela salatu du.
ATAren erantzuna
ATAk EPPkren komunikatuari erantzun nahi izan dio eta “herri mugimenduaren aurka egitea” leporatu dio “kontrolpean ez dutenari kalte egiteko”.
Horrela, EPPKri “kalean duten hegemonia galtzeko” beldur izatea leporatu dio, eta euren ekintzak beldur horren eraginpean antolatzen dituztela adierazi dute.
Horri lotuta, ATAk Patxi Ruiz presoaren egoera Sortu, EH Bildu, Etxerat, EPPK edo sare kirikatzeko erabiltzea ukatu du. “Patxi Ruiz heriotzara bultzatzea leporatu digute, eta akusazio zeken horien aurrean gure jarrerari irmo eutsiko diogula esan nahi dugu”, adierazi dute.
“Bizi dugun egoera zail honetan, ez dugu horrelako erasorik onartuko, are gutxiago hauteskundeetan baino pentsatzen ez dutenen aldetik”, esan dute larunbat honetan ateratako oharrean.
Zure interesekoa izan daiteke
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.