Urkulluk alarma-egoera bertan behera utzi nahi du, eta 3 fasea datorren astean amaitu
Aitor Esteban EAJk Kongresuan duen bozeramaileak astelehen honetan jakinarazi duenez, autonomia erkidego bakoitzak "normaltasun berria" kudeatzeaz arduratzeko dekretua gaur bertan adosten saiatuko dira Espainiako Gobernuarekin; izan ere, bi aldeen arteko elkarrizketak "nahiko aurreratuta" daude.
Goizean, ETB1eko 'Egun on Euskadi' saioan egindako elkarrizketan, Estebanek azaldu du Espainiako Gobernuak "ziurrenik bihar" onartu behar duela normaltasun berrirako dekretua; izan ere, "uharte batzuetan deseskalatze prozesuaren 3 fasea atzean utzi dute jada".
Dekretu berri horretan, Estebanen arabera, egoera berriaren kudeaketa "autonomia erkidegoen esku geratuko litzateke", eta "autonomia erkidegoen arteko garraioari, maskaren erabilerari eta bestelako neurri orokorrei buruzko neurriak ere" ezarriko lirateke. "Hitz egiten ari gara. Elkarrizketak nahiko aurreratuta daude, ea gaur adosten dugun testua", adierazi du.
Hala, EAJk Kongresuan duen bozeramailearen hitzetan, Iñigo Urkullu lehendakariak "alarma-egoera bertan behera utzi nahi du, eta 3 fasea datorren astean amaitu, hori ahalbidetzen duten egoera epidemiologikoak ematen badira".
"Pedro Sanchez Espainiako Gobernuko presidenteak berak Kongresuan argi eta garbi esan zuenez, autonomia erkidego batek alarma-egoera bertan behera uztea erabakiko balu, normaltasun berrira pasatuko ginateke, 3 fasea gaindituz. Horrela, beraz, autonomia erkidegoen arteko mugikortasunaren oztopoak indarrik gabe geratuko lirateke", azaldu du.
Bestalde, Kongresuan egun dagoen "giro nahasi eta ez oso ona" deitoratu du Estebanek, nahiz eta "egoera oso partikularra" izan eta "bakoitzak bere posizionamendua" bilatu nahi izan duen.
Hala, EAJ "lehen unetik zentzuz jokatzen saiatu da, Espainiako Gobernuarekin akordioak lortzen saiatuz", azaldu du. "Hala egin genuen gutxieneko diru-sarrerari buruzko akordioarekin", gaineratu du.
Albiste gehiago politika
Gorenak Cerdanen banku-kontuetan eta posta elektronikoan jarri du orain arreta
Hain zuzen ere, Guardia Zibilaren Unitate Zentral Operatiboa (UCO) PSOEren egoitzan sartu da ostiralean, Cerdanen posta korporatiboa klonatzeko.
Salbuespenezko kartzela-politikaren ondorioak ofizialki aitor ditzatela eskatu du Egiari Zor Fundazioak
Egiari Zor Fundazioak Joxerra Goikoetxea gogoratu du Loiun, espetxean hil zela 40 urte bete direnean. Lau hamarkada hauetan 36 preso eta 16 senide espetxe politikaren ondorioz hil direla salatu dute.
Ibarrolaren arabera, "Chiviteren irtenbide duin bakarra" dimisioa da
Cristina Ibarrola UPNko presidentearen esanetan, "susmopean eta gainbeheran dagoen gobernu baten gidaritzari" eusten dio Maria Chivitek. "Haren ibilbide politiko osoa altxatu, zuzendu eta kontrolatu dutenak erori dira: Cerdan eta Alzorriz. Berak eusten dio oraindik, baina badaki eroriko dela, ezingo duela saihestu", erantsi du.
EAJk "argitasuna" eta "azalpenak" eskatu dizkio PSOEri
EAJ Nafarroan duela 115 urte ezarri zela ospatzeko Iruñean egindako ekitaldian, Aitor Estebanek EBBko presidenteak azalpenak lehenbailehen eman ditzala esijitu dio Pedro Sanchez Espainiko Gobernuko presidente sozialistari. Jeltzaleek ez dutela egoeraz baliatuta etekinik atera nahi esan du Estebanek, eta duintasun demokratikoa babestea dela euren helburua.
Anduezak esan du euskal sozialismoa "zintzotasunaren eredu" dela
Eusko Jaurlaritzaren lehen urtearen balantzea egiteko Barakaldon egindako ekitaldian euskal sozialisten idazkari nagusiak azpimarratu duenez, "ekintzekin" frogatu da PSE-EEren hauteskunde-programa "ez zela ideien zerrenda hutsa, euskal gizartearekiko benetako konpromisoa baizik".
Ibarrola (UPN): "Chiviteren gobernua azkenetan da, eta irtenbide duin bakarra dimisioa da"
UPNko presidentearen hitzetan, PSNren zuzendaritzaren "duintasuna galdu da jada", baina "Nafarroaren eta nafarren duintasuna jokoan dago, eta horri eutsi egin behar zaio".
Gorenak Cerdan inputatu du eta ekainaren 30erako deitu du bere deklarazioa
Epaileak bost enpresaburu ere deitu ditu deklaratzera ikertu gisa. Esleipenen truke ustez legez kanpoko eskupekoak ordaindu zituzten enpresen administratzaileak dira.
Ainhoa Unzuk ordezkatuko du Ramon Alzorriz PSNren Parlamentuko bozeramaile bezala
Unzuk iragarri duenez, lehenik eta behin, "nire talde parlamentarioko kide bakoitzarekin hitz egingo dut, erabakia ezagutzen baitute", eta, ondoren, Foru Gobernua osatzen duten gainerako talde politikoen bozeramaileekin.
UCO Ferrazen sartu da, epaileak aginduta, Santos Cerdanen posta klonatzeko
Ikerketako iturriek jakitera eman dutenez, agenteak PSOEren egoitzara, ADIFen instalazioetara eta Errepide Zuzendaritza Nagusira joan dira, Leopoldo Puente Auzitegi Goreneko epaileak eskatutako informazioa eskatzeko.
UCO Ferrazen sartu da, epailearen aginduz, Cerdanen posta klonatzeko
Ikerketako iturriek jakitera eman dutenez, agenteak PSOEren egoitzan, Adifen instalazioetan eta Errepide Zuzendaritza Nagusian sartu dira, Leopoldo Puente Auzitegi Goreneko epaileak eskatuta.