Esparza eta Sayas aurrez aurre, UPN alderdiaren presidentetzarako
UPN alderdia bere 12. Kongresua egiten ari da gaur, Iruñean, eta, aurrera begirako bide-orria ezartzeaz gain, datozen urteotan alderdia zuzenduko duen presidentea aukeratuko dute militanteek. Bi dira hautagaiak: Javier Esparza alderdi erregionalistako egungo presidentea eta Sergio Sayas Kongresuko diputatua.
Martxoaren amaieran zen egitekoa Kongresua, baina COVID-19aren pandemia dela eta, ekainera atzeratzea erabaki zuten. Gaurko ekitaldiak ere, segurtasun neurri zorrotzekin egingo dituzte, eta, besteak beste, bozketa lekuak hainbat herritan jarri dituzte, jende pilaketak ekiditeko; Iruñean, Tuteran, Lizarran, Tafallan, Elizondon eta Kasedan UPNk dituen egoitzetan jarriko dituzte hautetsontziak.
Militanteen boto zuzenaren bidez aukeratuko dute presidentea, eta 16:00etatik aurrera emango da jakitera emaitza, Baluarte Jauregian egingo den ekitaldi batean.
Esparzak, bere aldetik, Enrique Maya Iruñeko alkatea eta Yolanda Ibañez UPNko idazkari nagusia ditu bidelagun bere hautagaitzan, presidenteorde kargurako aurrena, eta idazkari karguan jarraitzeko bigarrena.
Sayasek aurkeztu duen zerrendan, berriz, Raquel Garbayo da presidentordetzarako hautagaia, eta Maribel Garcia Malo, idazkari nagusi kargurakoa.
Lan-talde "berritzailea, eraginkorra, profesionala, gaitasun politiko handikoa eta anitza" duela defendatu du Esparzak. Horren hitzetan, militanteek erabakitako estrategia eta programa gauzatzeko hautagaitza da mahai gainean jarri duena.
Sayasek ere, lan-taldea osatzen dutenen "perfil aniztasuna" defendatu du. "Talde bateratzailea eta berritzailea, Nafarroa osoko herritarrekin osatutakoa: gazteak eta beteranoak, gure erkidegoko sektore ezberdinak ordezkatzen dituztenak", zehaztu du.
Zure interesekoa izan daiteke
Zer da Plus Ultra auzia eta zer lotura du, ustez, Zapaterorekin?
Ustezko ustelkeria auzi hau 2021ean Plus Ultra konpainiari emandako 53 milioi euroko erreskate publikoarekin lotuta dago. Auzitegi Nazionala ikertzen ari da ea Zapaterok bitartekari lana egin ote zuen erreskatea lortzeko, ordain ekonomikoen truke.
PSOEk Zapatero babestu du, Plus Ultra auzian inputatu ostean
Justiziarekiko errespetua eskatu dute sozialistek, eta Jose Luis Rodriguez Zapatero Espainiako Gobernuko presidente ohiaren errugabetasun-presuntzioa azpimarratu dute.
Zapateroren inputazioaren osteko erreakzioak: PPk Sanchezek agerraldia egin dezala eskatu du, eta Voxek, hauteskundeak aurreratzea
Auzitegi Nazionalak inputatu gisa deklaratzera deitu du datorren ekainaren 2an, Plus Ultra hegazkin konpainiaren erreskatearen auzian. Albisteak erreakzio soka luzea ekarri du panorama politikoan.
Epaileak Jose Luis Rodriguez Zapatero inputatu du Plus Ultra auzian, eta dirua zuritzeagatik ikertuko du
Espainiako Gobernuak Plus Ultra airelineari emandako 53 milioi euro modu irregularrean erabili ote ziren ikertzen ari da Jose Luis Calama Auzitegi Nazionaleko magistratua. Inputatu gisa deklaratu beharko du Zapaterok ekainaren 2an.
Munduko Futbol Txapelketaren egoitza izateko Bilbo hautagai izango den zalantzak dituela aitortu du Etxanobek
Elixabete Etxanobe Bizkaiko ahaldun nagusiak Euskadi Irratian adierazi duenez, inplikatutako erakundeek "hausnarketa sakona" egiten jarraitzen dute Bilbo 2030eko Munduko Futbol Txapelketaren egoitzetako bat izateko aukerari buruz. Bestalde, sozialistek eta popularrek Etxanoberen zalantzak kritikatu dituzte eta aukera "historikoa" dela uste dute.
Krisia “gainditutzat” eman dute Nafarroako Gobernuan
Hezkuntza itunduaren harira joan den ostegunean parlamentuan izandako haustura konpontzeko goi-bilera egin dute exekutiboa osatzen duten hiru alderdiek.
Pandemien Itunari "behin betiko bultzada" ematea eskatu du Pedro Sanchezek, "osasun globala indartzeko"
Espainiako Gobernuko presidenteak Munduko Osasun Erakundearen (MOE) 79. batzarrean parte hartu du, Genevan (Suitza). Bertan, munduko herrialde guztietan osasuna hobetzeko neurriak hartzearen alde egin du, eta azpimarratu du lan egin behar dela arreta ona jasotzea sorterriaren araberakoa izan ez dadin.
Andaluziako hauteskundeen gakoak: PSOEren hondoratzea, PPren garaipen gazi-gozoa eta Voxen “lehentasun nazionala”
PSOEk laugarren kolpea jarraian jaso du hauteskunde autonomikoetan, eta inoizko emaitzarik txarrena lortu du. PPk nagusi dela berretsi du, baina Vox beharko du berriro.
Bizkaiko Foru Barriaren bosgarren mendeurrenaren ospakizuna, Gernikako Batzar-etxean
Imanol Pradales lehendakaria eta Elixabete Etxanobe Bizkaiko ahaldun nagusia "gaitasun berriak" dituen euskal autogobernuaren alde mintzatu dira Gernikan, egungo erronkei aurre egiteko (migrazioa aipatu dute, berbarako) eta "garapen nazional osoa" lortzeko, Bizkaiko Foru Barriaren V. mendeurrena ospatzeko Batzar-etxean egindako ekitaldian. Hitzordu horretan, foru-sistemak duen balioa nabarmendu dute, elkarlanean eta berme juridikoetan oinarritutako eredu gisa.
PPk nabarmendu du Moreno "bermea" dela; PSOEk, berriz, Monteroren etorkizunaren inguruan erabaki beharko du
PPk "historikotzat" jo du hauteskundeen emaitza. Sozialistek, aldiz, onartu egin dute emaitzak ez direla nahi zituztenak, eta Voxek politikak aldatzea eta "nazioa lehenestea" eskatu du. Bestalde, Maillok (Por Andalucia) dimisioaren aukera baztertu du, eta Jose Ignacio Garciak (Adelante) iritzi dio Por Andaluciarekin batuta "emaitza txarragoak" lortuko zituela.