Voxek ohiko denboraren herena izango du hitz egiteko, eta aholkulari bakarra
Voxek legebiltzarkide bakarra du Eusko Legebiltzarrean, Amaia Martinez, eta Legebiltzarrean gainerako taldeen inguruan hitz egiteko izan ohi den denboraren herena izango du, eta laguntzaile bakarra, EAJk, EH Bilduk, PSE-EEk eta Elkarrekin Podemos-IUk adostuta, Europa Press albiste-agentziari jakinarazi diotenez. Banaketa hori ostegun honetan eramango dute Legebiltzarreko Mahaira, eta Bozeramaileen Batzordeak onartuko du.
Martinezen alderdiak ezin izan du talde propioa osatu, horretarako gutxienez hiru eserleku behar direlako, eta talde mistora pasatu da. Hala ere, Vox ez da UPyD Gorka Maneiro legebiltzarkide bakarrarekin izan zen modu berean izango talde mistoan.
Orduan (2012 eta 2016. urteen arteko legealdia), honek gehiengoak aukeratzeko giltza zuen, Amaia Martinezek gaur egun ez bezala, eta taldeek denbora bera eta hiru aholkulari izan zituzten. UPyD "gaindimentsionatuta" zegoela ondorioztatu zuten gainerako alderdiek agintaldi hartan.
Hain zuzen ere, hori eragotzi nahi izan dute denboren banaketa adostu duten alderdiek, PP+Cs eta Vox ez beste guztiek.
Jeltzaleen, koalizio subiranistaren, sozialisten eta moreen arteko akordioa ere izan da osoko bilkuretako eztabaida-denborei begira, eta, ondorioz, Voxeko ordezkariak gainerako taldeek hitzaldietarako duten denboraren herena izango du.
Horrela, Amaia Martinezek hiru minutu izango ditu osoko bilkuretan parte hartzeko, inbestidura-saioan eta politika orokorrari buruzko saioetan edo saio monografikoetan izan ezik, horietan hamar minutu izango baititu hitz egiteko.
Halaber, talde parlamentarioek bi ekimen erregistratu ahalko dituzte osoko bilkura arrunt bakoitzean, eta Voxek, berriz, hiru osoko bilkura bakoitzeko bakarra proposatu ahalko du.
Azkenik, Martinezek interpelazio bat eta lau galdera baino ezingo ditu erregistratu, eta gainerako alderdiek interpelazio bat eta lau ahozko galdera egin ahalko dituzte Jaurlaritzako kideen jarduna kontrolatzeko osoko bilkura bakoitzean.
Zure interesekoa izan daiteke
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.
Javier Lasagabaster hil da, Lurralde Politika eta Herri Lan sailburua 1980 eta 1984 artean
Lasagabaster Carlos Garaikoetxea buru zuen Jaurlaritzako kide izan zen lehen legegintzaldian, 1980 eta 1984 artean.
Burlatako jaietan zinegotzi bati egindako erasoa salatu du UPNk
Alderdiaren esanetan, Carlos Otok bularrean kolpea jaso zuen UPNren egoitzan. Nafarroako presidenteak eta hainbat alderdik erasoa gaitzetsi dute eta babesa agertu diote zinegotziari.
Baionako eta Sarako herriko etxeek euskarari egindako aitortzak atzera bota ditu, behin-behinean, Paueko Auzitegiak
Euskara lekuko hizkuntza modura aitortzen duen ebazpen onartu zuen Sarako herriko etxeak uztailaren 2an eta Baionakoak 23an. Prefetaren eskariari men eginez, Paueko Auzitegi administratiboak bertan behera utzi ditu bi ebazpenak. Bi udalek helegitea aurkeztuko dute astelehenean bertan.