Otegik "Estatuaren indarkeriari" egotzi dio Gonzalez Solaren heriotzaren errua
Arnaldo Otegi EH Bilduren koordinatzaile nagusiak Igor Gonzalez Sola ETAko presoa Martuteneko espetxean hil izanaren erantzule egin du espetxe politika, eta adierazi du "Estatuaren indarkeria desagertzen ez den bitartean" nekez hitz egin ahal izango dela bizikidetza demokratikoaz.
Gonzalez Sola hilda aurkitu zuten ostiralean Donostiako espetxeko ziegan, eta lehen zantzuen arabera, baliteke bere buruaz beste egin izana, espetxeko iturrien arabera.
2005eko martxoan sartu zuten kartzelan, 20 urteko kartzela zigorra betetzeko, ETAri laguntzea, armak gordetzea eta dokumentuak faltsutzea egotzita.
Otegik Gernikan, Iñigo Urkulluk lehendakari kargua hartzeko ekitaldian, egin dituen adierazpenetan azaldu duenez, "bost dira" 2011tik kartzelan hil diren ETAko presoak.
Gertakari horiek, haren ustez, "erantzule batzuk" dituzte, "presoen aurkako salbuespenezko espetxe politika kriminala mantentzen dutenak eta babesa ematen diotenak".
EH Bilduren koordinatzailearen esanetan, "iraganeko indarkeriei buruzko autokritika egitea eskatzen denean, ondo esaten da"; izan ere, "indarkeria bat zegoen, ETArena, duela urte asko amaitu zena", baina "Estatuaren indarkeria ez da desagertu".
"Benetako bizikidetza demokratikoa eraikitzeko, indarkeria guztiak desegin behar dira, eta Estatua ez dago horretarako prest", adierazi du Otegik, eta "indarkeria guztiek desagertu” behar dutela eta "biktima guztiek" justizia, memoria eta konponketa izan behar dutela azpimarratu du.
LABek, ESK-k eta Foro Sozialak ere salatu dute
LAB eta ESK sindikatuek ere, Foro Sozialarekin batera, Igor Gonzalez Solaren heriotza salatu dute, eta "giza eskubideak errespetatzea eta legea betetzea" exijitu dute.
LABek ohar baten bidez adierazi duenez, Gonzalez Solak "kalean egon beharko zukeen, martxoan zigorraren hiru laurdenak bete ostean", eta gaixotasun larriak dituzten ETAko presoak eta 65 urtetik gorakoak askatzeko, presoak Euskal Herriko kartzeletara hurbiltzeko eta gradu aldaketak ahalbidetzeko eskaerak berretsi ditu.
Zure interesekoa izan daiteke
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.