Iñigo Urkulluk hirugarrenez zin egin du lehendakari gisa
Iñigo Urkullu lehendakari izendatu berriak karguaren zina egin du larunbat honetan, hirugarrenez. Gernikan egin ohi den ekitaldiak, baina, ez du aurreko biekin zerikusirik izan, covid-19aren pandemia tarteko.
Eusko Jaurlaritza osatuko duten kideen izen-abizenak ez ditu 15:00ak arte jakinaraziko lehendakariak, batzuk jada ezagunak badira ere.
Ekitaldia, eitb.eus-ek zuzenean eskaini duena, 12:00etan abiatu da Gernikako batzar etxean, segurtasun neurri zorrotzen artean. Izan ere, batzar etxeak edukiera mugatua izan du, eta gehienez 72 pertsona batu ahal izan dira; tartean egon dira legebiltzarkideak, Iñigo Urkulluren senitartekoak eta Ana Otadui Bizkaiko Batzar Nagusietako presidentea.
Urkullu emaztearekin iritsi da gaurko ekitaldira. Bakartxo Tejeria Legebiltzarreko presidentea zuen zain, eta 'Gernika Arbola' doinuarekin sartu dira Batzar Nagusietara. Aurrekoetan ez bezala, gaurkoan ez da zin egiteko ekitaldian izan bere ama.
Iñigo Urkullu iritsi den unea. EiTBren zuzeneko emankizunetik hartutako irudia.
Leiarpeko Aretoan, berriz, 63 pertsona bildu dira, denak jesarrita. Handik jarraitu dute kazetariek ekitaldia. Talde parlamentarioek ezin izan dute gonbidaturik eraman. Agintariei dagokienez, honakoak egon dira: Fernando Grande-Marlaska Barne ministroa, Espainiako Gobernuaren izenean, eta Maria Chivite Nafarroako presidentea, Foru Gobernuaren ordezkari.
Ekitaldia hasi den unea. EiTBren zuzeneko emankizunetik hartutako irudia.
Zin egitea
Lehendakari izendatu ostean, Iñigo Urkullu Juntetxetik irten da Gernikako Zuhaitzaren aurrean zin egiteko. Bere ondoan joan da hara ere Bakartxo Tejeria.
Urkulluk euskaraz egin dio zin Eusko Jaurlaritzako lehendakari karguari, eta bere agintaldia "leialtasunez beteko" duela esan du.
'Apal-apalik, Jaungoikoaren eta gizartearen aurrean, eusko-lur gainean zutik eta Gernikako haritzaren azpian, asaben gomutaz, herri-ordezkari zareten zuen aurrean, nire agintea zintzo beteko dudala zin dagit' izan da erabili duen formula.
Zin egitea amaitutakoan, Ertzaintzaren musika bandak "Euzko-Abendaren Eserkia" jo du.
Jaurlaritza berria
EAJ eta PSE-EEren koalizio-gobernuak izango dituen bi lehendakariordetzak eta 11 sailak nortzuek gidatuko dituzten hemendik ordu batzuetara jakingo da. Lehendakariordetza horietako bat EAJren esku geratuko da, eta bestea, PSE-EEren esku. Ziurtzat jotzen da Idoia Mendia lehendakariorde eta Enplegu eta Lan sailburu izango dela.
Baieztatuta dago Jokin Bildarratz senatari jeltzalea ere Jaurlaritzan sartuko dela. Hain justu, Estefania Beltran de Heredia orain arte Segurtasun sailburu izan denak hartuko du haren lekua goi ganberan, EAJk horretarako proposatu baitu. Hainbat iturriren arabera, zortzi urtez Tolosako alkate izandakoak Cristina Uriarte ordezkatuko du Hezkuntza Sailean, baina Lehendakaritzatik ez dute albistea baieztatu eta Urkulluren iragarpenaren zain egoteko eskatu dute.
Sonia Perez sozialistak ere ez du Turismo, Merkataritza eta Kontsumo Sailean jarraituko, eta Javier Hurtado PSE-EEko Arabako diputatuak hartuko du haren tokia.
Iñaki Arriolak, berriz, Gobernuan jarraituko du. Ingurumen Saila utziko du, baina Etxebizitza Saileko buru izaten segituko du eta litekeena da Garraio Departamentuko arduradun izendatzea ere.
Gainerakoan, Lehendakaritza iturrietatik aurreratutakoaren arabera, EAJk Gizarte Politikak, Justizia eta Ingurumena hartuko ditu bere gain.
Sailburuek irailaren 8an (asteartea) egingo dute karguaren zina, eta egun berean egingo dute hamabigarren legealdi honetako lehen gobernu bilera.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.