Datarik ez duen mahaiaren gai-zerrenda zehaztea erabaki dute Sanchezek eta Torrak
Pedro Sanchez Espainiako Gobernuko presidenteak eta Quim Torra Generalitateko presidenteak elkarrizketa mahaiaren hurrengo bilera zehazteko hitz egin dute astelehen honetan, baina oraindik ez dute datarik zehaztu; hala ere, euren taldeek gai zerrenda zehaztea adostu dute.
Joan den astean, Sanchezek konpromisoa hartu zuen ERCren aurrean, irailaren erdialderako Kataluniari buruzko elkarrizketa-mahaiaren beste bilera bat bultzatzeko. Bilera hori otsailean hasi zen, baina COVID-19aren eztandaren ondoren eten egin ziren haren lanak, eta, orain, Torrak hilaren 17an eta 23an egin behar dituen hitzordu judizialek baldintzatuta gera daitezke; izan ere, baliteke bilera hori baliogabetzea.
Generalitateak ohar baten bidez jakitera eman duenez, Sanchezek eta Torrak adostu dute euren kabineteek "gai zerrenda bat lantzea, Bartzelonan egin behar den negoziazio mahaiaren hurrengo bilera egin ahal izateko", eta Kataluniako presidenteak dagoeneko ohartarazi du eduki horietan "autodeterminaziorako eta amnistiarako eskubidea sartu nahi duela".
15 bat minutuko elkarrizketa
18:45ak aldera izan da elkarrizketa, eta 15 minutu inguru iraun du; Sanchezek Torrari proposatu dio mahaiaren data proposatzea, Europa Press albiste agentziaren arabera.
Hala ere, Torrak erantzun du "mahaiaren data instrumentala" dela, "garrantzitsuena gatazkaren erroari heltzea baita".
Elkarrizketan zehar, Kataluniako presidenteak eskatu dio Sanchezi Alarma Estatu berri baten balizko aplikazioa "zehazteko", COVID-19aren pandemiari erantzuteko, joan den ostiraleko Presidenteen Konferentzian hizpide izan zutena.
Bilera horretan egin zuen bezala, Torrak "irtenbide azkarra" eskatu dio berrogeialdia egin behar duten haur guztien gurasoentzat laneko bajak ahalbidetzeko.
Zure interesekoa izan daiteke
Otxandiano: "Hemen ez da etxebizitza politikarik egin, politika inmobiliarioa egin da"
EH Bilduk "anbizio handiko" plan bat aurkeztu du, etxebizitza merkatuan esku-hartzearen aldeko apustua egiteko; Babes Ofizialeko Etxebizitzaren (BOE) "eskala handiko" sustapenaren alde egiteko, "ahalegin publikoa biderkatzeko"; eta etxebizitzaren "funtzio soziala babestearen" alde egiteko plana darabil koalizioak, beraien hitzetan.
Pedrosa: "Ikastetxeen integrazioak familiekin lan egitea eskatzen du; hausnartu egin behar da zergatik ari garen hori egiten, datuekin"
Begoña Pedrosa Hezkuntza sailburuak, Egun Onen, adierazi du Araban bost integrazio egin dituztela, eta "hamar ikastetxe" egon direla "inplikatuta". Bizkaian, ordea, ikastetxe batzuk beste batzuetan integratu direla jakinarazi du.
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.