Sortuk "erabateko burujabetza" defendatu du COVID-19ari aurre egiteko
Arkaitz Rodriguez Sortuko idazkari nagusiak aldarrikatu duenez, COVID-19aren pandemiaren ondorio guztiei aurre egiteko “erabateko burujabetza” beharrezkoa da.
Rodriguezek Sorturen IV. Konferentzia Politikoa itxi du larunbat honetan, Donostian. Biltzar telematikoa egin du ezker abertzaleko alderdiak “Zer egin?” lelopean, datozen hilabeteetarako norabide politikoa finkatzeko.
Sortuko buruzagiaren ahotan, “lehentasuna” orain, “noski”, pandemiaren ondorioei aurre egitea da, baina horretarako “burujabetza ezinbestekoa” izango da.
“Erabateko burujabetza behar dugu, gehiengo sozialaren zerbitzura dagoen errepublika bat, batzuek diotenaren kontrakoa da; burujabetza ez da nortasun kontu bat soilik, banderen gai bat, demokrazia, justizia, askatasuna eta ongizateari lotuta dago”, azpimarratu du.
Une gogor hauetan euskal gizartea “altxatu behar da”, norabidea aldatu eta “ospitaletako eta ikastetxeetako baliabide falta, lanpostu prekario, adinekoen egoitzen egoera kaskarra eta enpresen itxieraren” atzean dauden “politikei” amaiera emateko, erantsi duenez.
Lau erronka
“Kalitatezko demokrazia bat eraikitzeko burujabetza behar dugu”, defendatu du Rodriguezek. Sorturen “erronka nagusiak” laburbildu ditu: osasun pandemiari aurre egin, “pandemia sozial eta politikoari” erantzun eta euskal presoei aplikatzen zaien “salbuespeneko espetxe politikarekin” bukatzea.
Igor Gonzalez Sola ETAko presoa (Martuteneko kartzelako ziegan hilik aurkitu zuten) “gatazkaren azken biktima” izatea espero du Rodriguezek. Sortuko buruzagiaren esanetan, “ezin da elkarbizitzaz, bakeaz, hitz egin” presoek “kartzelan jarraitzen” duten bitartean.
Urte politikoaren laugarren eta azken erronka EH Bildu koalizioa sendotzea litzateke, EA, Aralar eta Alternatibarekin batera. EH Bilduk ekainean egingo du biltzar politikoa.
Albiste gehiago politika
Puigdemontek babes-helegitea jarri du Auzitegi Konstituzionalean eta atxilotze-agindua baliogabetzeko eskatu du
Auzitegi Gorenak eta instrukzio-epaileak emandako autoei jarri die errekurtsoa. Gorenak amnistia ukatu zion, diru publikoa bidegabe erabiltzea leporatzen diotelako.
Eusko Jaurlaritzak elkarrizketa esparruak errespetatzeko eskatu dio PPri, eta "Euskadiri bizkarra ematea" egotzi dio
Nerea Melgosa Eusko Jaurlaritzako Ongizate, Gazteria eta Erronka Demografikoko sailburuak berretsi du Euskadik ez duela migratzaile adingabe gehiago hartuko, "erantzunkidea" izan delako "urte askotan".
Espetxera bidali dute Deport them Now talde neonaziko buruzagia, Torre Pachecon etorkinen "ehizaldia" deitzeagatik
Gorrotoa bultzatzea, legez kanpoko erakundeko kide izatea eta armak legez kanpo edukitzea leporatzen diote 29 urteko espainiarrari. Fidantzarik gabeko espetxealdi komunikatua ezarri diote.
Montorok jakinarazi du PPko afiliatua izateari utziko diola, epaile batek inputatu eta biharamunean
PPren Eskubide eta Bermeen Batzordeak atzo erabaki zuen auzi honekin lotutako informazio prozedura bat irekitzea. Alderdiko Eskubide eta Bermeen Batzordeak auzi honekin lotutako informazio prozedura bat abiatzea erabaki zuen bart, baina, iragarpen honekin, prozedura bertan behera geratu da.
Jaurlaritza "oso kezkatuta", udaletan euskara lehenesten duten hainbat artikulu baliogabetu ondoren
Maria Ubarretxena bozeramailearen arabera, Eusko Jaurlaritza gehien kezkatzen duena "erabaki politikoak judizializatzen hastea" da, bereziki, euskararen alorrean. Halaber, iruditzen zaio "apurtu" egin dela euskararekiko alderdi politiko ezberdinen artean zegoen nolabaiteko "itun soziala".
Bertan behera geratu da adin-txikiko migratzaileen lekualdatzeak aztertzeko Konferentzia Sektoriala, PPk planto egin ondotik
Alderdi Popularraren esku dauden hainbat erkidegotako ordezkariek dagoeneko iragarria zuten ez zirela gaurko bilerara joango, banaketa sistemarekin ados ez daudela argudiatuta. Espainiako Gobernuaren arabera, Nafarroak 118 haur eta nerabe jaso beharko ditu, eta EAEk, bat ere ez.
Jaurlaritzak kezkaz hartu du Gorenak euskarari buruz emandako epaia,“erabaki politikoak judizializatzen hastea”
Auzitegi Gorenak EAEko udal legearen dekretutik hainbat artikulu baliogabetzea berretsi eta biharamunean, Maria Ubarretxena Eusko Jaurlaritzako bozeramaile eta Gobernantza, Administrazio Digital eta Autogobernurako sailburuak kezka adierazi du. "Kezka sorrarazten diguna da erabaki politikoak judizializatzen hastea", nabarmendu du.
Fiskaltzak 3 urte eta 9 hilabeteko kartzela-zigorra eskatu du Ayusoren bikotekidearentzat, iruzur fiskalagatik
Maiatzaren 29an, Alberto González Amador ikertzen ari den epaileak auzipetu egin zuen, 350.951 euroko iruzur fiskala eta dokumentuak faltsutzea egotzita.
Cristobal Montoro Ogasun ministro ohia ikertzen ari dira, "ordainketa esanguratsuen" truke gas konpainiei mesede egiteagatik
Air Liquide, Abello, Messer, Praxair eta Sociedad Española de Carburos Metalicos gas enpresak ere ikerketapean daude. Epailearen arabera, "onartu egin zuten" Equipo Economico sozietateari "ordaintzea" zergetan erreformak lortzeko.
Sanchezek migrazio "seguru, arautu eta ordenatua" aldarrikatu du Mauritanian, Torre Pachecoko olatu arrazistaren aurrean
"Gaur egun, Espainiaren aurrerabideak eta egoera ekonomiko onak asko zor diote bizitza proiektu bat garatzera etorri den migrazioaren ekarpenari", aitortu du Espainiako gobernuburuak.