Frantziak euskal presoei "heriotza zigorra" ezarri diela salatu du Euskal Elkargoak
Euskal presoen eskubideen aldeko mozioa onartu dute gaur goizean Baionan, Euskal Elkargoa osatzen duten hautetsiek. Zehazki, Frantziako Estatuak "de facto" euskal presoei "heriotza zigorra" ezartzen diela salatu dute eta "espetxe politikaren aldaketa" eskatu dute.
Jean Rene Etchegaray Euskal Elkargoko presidenteak urgentziaz aurkeztu du mozioa Baionako Laugan egiten ari ziren bileran, eta Euskal Irratiek jakitera eman dutenez, 232 hautetsitatik 200 baino gehiagok baiezko botoa eman dute.
Lapurdiko hiru presok 30 urte egin dituzte jada espetxean: Jakes Esnalek, Frederic Haranburu Xistorrek eta Ion Kepa Parotek. Maiatzean kalera irtetea onartu zioten Esnali, baina apelazio auzitegiak atzera bota du erabaki hori aste honetan. Ostegunean izan zen, berriz, Haranbururen apelazio saioa, eta fiskala libre uztearen kontra agertu zen.
Gauzak horrela, testuinguru honetan aurkeztu du gaur Etchegarayk urgentziazko mozioa. Gogoan izan behar da Etchegarayk parte hartze aktiboa izan zuela ETAren amaieran eta bake prozesua amaitzeko, Estatuak ere aurrerapausoak eman behar dituela esan izan du behin eta berriro. Eskari horrekin, 1.300 pertsona bildu ziren duela bi asteburu Baionako suprefekturan, Frantses Gobernuaren 'blokeo egoera' salatzeko, eta ekintza sinboliko bat gauzatzeko, Etchegaray bera ere han zela.
Gaurkoan, hautetsien aurrean egin duen hitzaldian, Euskal Elkargoko buruak esan du "baldintzapeko askatasuna ukatzea presoak heriotzara kondenatzea" dela, Jakes Esnal eta Txistor Haranbururen kasuak ahotan.
Bake prozesuak izandako faseak aipatu ditu, eta Frantzia ordezkatzen duen prokuradorearen zein Parisko Auzitegi Antiterroristaren jarrera salatu ditu. Emmanuel Macron Gobernuan denetik Frantziako Exekutiboaren jarrera "okertu" egin dela ere gaineratu du eta mozioa bozkatzera deitu ditu hautetsiak. Eskua altxatuta, ia aho batez atera da aurrera.
Zure interesekoa izan daiteke
Erorien Monumentua eraisteko eskatu dute berriz ere Iruñean
Elkarte memorialistak kalera atera dira berriro larunbat honetan, Erorien Monumentua eraistea eskatzeko, eta PSNk, EH Bilduk eta Geroa Baik adostutako proiektua atzera botatzea eskatzeko.
Ertzaintzaren pilotakada bat jaso ostean hil zen Rosa Zarraren omenezko plaka jarri du Donostiako Udalak
Orain arte, 37 plaka jarri ditu Udalak, "terrorismoaren eta motibazio politikoko indarkeriaren biktima izan zirenei espazio publikoan ikusgarritasuna emateko".
Aurrekontuak adosteko proposamen "errealistak eta bideragarriak" eskatu dituzte EAJk eta PSE-EEk, "eredu aldaketarik gabe"
Datorren astean hasiko dira hurrengo urterako Euskadiko aurrekontuak negoziatzen. EH Bilduk eta Sumarrek "koherentzia" eskatu diete Eusko Jaurlaritzako bazkideei, "ezin delako guztiekin aldi berean negoziatu", eta PPk "hobekuntzak" proposatu ditu, batez ere, Osasunean eta Segurtasunean.
Istiluak Lasarte-Orian Voxen presentziaren aurkako protesta batean
Ertzaintzak segurtasun hesia jarri du Voxen mahaiaren inguruan, eta bertan bildutako antifaxisten aurka oldartu da. Lasarte-Oriako PSE-EE, EH Bildu, EAJ eta Elkarrekin Podemos alderdiek ere gaitzetsi dute Vox bertaratu izana.
Espainiako Gobernuak 2027ra arte lanean jarraituko duela ziurtatu du Sanchezek
Brasilen Nazio Batuen Erakundeak klimaren inguruan deitutako COP30 goi-bilera hasi aurretik agintariek izandako bileran parte hartu ostean emandako prentsaurrekoan, Pedro Sanchezek esan du Junts "oso serio" hartzen dutela, baina legegintzaldia amaitzearen aldeko apustua egin du, "ahaleginak merezi duelako"; izan ere, "Espainia azken 45 urteetako unerik onenetako bat igarotzen ari da". Sanchezen arabera, Gobernuak 2026rako aurrekontu-proiektua aurkeztuko du, baina, kontu berriak onartu zein onartu ez, "Espainiak aurrera egiten jarraituko du, eta Gobernuak bere bide-orriarekin jarraituko du 2027an legegintzaldi hau amaitu arte".
Jaurlaritzaren arabera, EAEko erakunde publikoen % 35ek ez dute euskarazko akreditazio-maila "benetan" betetzen
Eusko Jaurlaritzako lehen lehendakariorde eta Kultura eta Hizkuntza Politikako sailburu Ibone Bengoetxeak jakinarazi duenez, EAEko erakundeen % 35ean "ez da benetan egiaztatu" euskarazko hizkuntza-egiaztapenaren indizea. PPk "gaztelania hiztunen diskriminazioa" salatu arren, popularrak "ez daude batere kezkatuta" % 35 horrekin, eta horrek argi islatzen du PP nolakoa den, Bengoetxearen iritzian.
Euskadik eta Kanariek aldi baterako lan baimenak eskatu dituzte migratzaileentzat
Bakarrik dauden migratzaile adingabeen egoerak "nahiko trabatuta" jarraitzen duela adierazi du Kanarietako Gobernuko presidenteak, eta lurraldeen arteko lankidetza defendatu du.
Ertzaintza tiro errazeko poliziatzat azaltzea egotzi dio Estebanek Otegiri, eta segurtasun forora joateko eskatu dio
EBBko presidenteak deitoratu egin du EH Bilduko buruak euskal polizia autonomikoarekiko "gorrotoa" eragitea "arrazoi politikoengatik", eta segurtasun ereduari buruz eztabaidatzeko eskatu dio lehendakariak bultzatutako foroan.
Lehendakariak esan du ezker abertzalea sistemara hurbildu dela baina euskal gizartearekin oraindik zor etiko izugarria duela
Amaia Martinez VOXeko legebiltzarkideak "ezker erradikalak euskal politika munduan gero eta protagonismo gehiago" izatearen gainean galdetu dio lehendakariari. Pradalesek esan dio ezker abertzalea erakunde sistemara etorri dela azkenean, nahiz eta oraindik euskal gizartearekin zor etiko izugarria duen, eta PSE-EErekin duen koalizio gobernua defendatu du.
Sabino Arana Fundazioak omenaldia egin die nazismoak deportatutako EAJko militanteei
Bilboko egoitzan egin duten ekitaldian, plaka bat jarri dute nazien esku egondako, gutxienez, 13 kide jeltzaleen omenez.