Espetxe politika aldatzeko eskatu dute milaka lagunek Bilbon eta Baionan
Milaka lagunek manifestazioa egin dute igande honetan Bilbon eta Baionan, Igor Gonzalez Sola ETAko presoaren heriotza salatzeko eta "salbuespenezko eta mendekuzko" egungo kartzela politika alda dezatela eskatzeko.
Bilboko manifestazioa Moyua plazatik abiatu da, Espainiako Gobernuak Bizkaian duen Ordezkaritzaren egoitza dagoen lekutik, eta hiru ilaratan banatuta egin dute erdigunetik Plaza Berriarainoko bidea segurtasun distantziak mantentzen, "salbuespen legediak hiltzen du" leloa zuen pankarta batek eta presoen hurbilketa eskatzen zuen beste batek atzean.
Sarek deitu du manifestazioa, eta presoen aldeko beste erakunde batzuek ere bat egin dute deialdiarekin; izan ere, Gonzalez "urruntze politika gehien pairatu zuen presoetako bat" izan zela salatu dute, eta "legedia arrunta aplikatu izan balitzaio, bere eskubideak errespetatuz, bizirik” legokeela gaineratu dute.
Inaxio Oiartzabal Sareren ordezkariak esan du “kartzela politikaren porrotaren” erakusgarri dela Solaren heriotza, eta “salbuespen legediaren” aldaketarako garaia dela. Horren harira, bide horretan lan egiteko eta denek eskaera horrekin bat egiteko deia egin die eragile guztiei.
Mobilizazioarekin bat egin dute EH Bilduko hainbat ordezkarik, hala nola, Maddalen Iriartek. "Mendekuzko eta indarkeriazko espetxe politika amaitu" behar dela adierazi du. Euskal preso guztiak kartzeletatik ateratzeko lan egin beharra ere aldarrikatu du, "bizikidetzaren bidean" aurrera egiteko helburuarekin.
Sortutik, Arkaitz Rodriguezek azpimarratu du Igor Gonzalezena ez dela “heriotza naturala izan”, eta saihestu egin zitekeela “zigorraren hiru laurdenak bete zituelako eta gaixo zegoelako". Horregatik, heriotzaren erantzule egin ditu Espainiako Gobernua eta espetxe politika horri eusten laguntzen duten alderdi guztiak.
Era berean, ELAko eta LABeko buruzagi sindikalek Espainiako Gobernuari eskatu diote alda dezala ETAko presoei ematen dien tratamendua: "Krudela eta ankerra, Igorren bizitza aurretik eraman duena".
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.