Inbestidurarik ezean hauteskundeak otsailaren 14an izango direla esan du Torrentek
Inbestidurarik ezean, eta epe guztiak agortzen baldin badira, hauteskundeak automatikoki otsailaren 14rako deituko dituztela iragarri du Roger Torrent Kataluniako Parlamentuko presidenteak, Auzitegi Gorenak Quim Torra pankarta batengatik inhabilitatu ondoren.
Torrentek talde politikoekin bilera-sorta abiatu du ostiral honetan, presidente izateko “benetako aukerak dituen” hautagairen bat dagoen egiaztatzeko. Horretarako aukera handirik ez dagoela dirudi oraingoz; izan ere, Ganberan gehiengo zabala duten indar independentistek ez dute inbestidurarik aurreikusten.
Bileretan, “inbestidura eztabaida batean garaipena lortzeko benetako aukerak” dituen hautagairik izango ez dela antzemanez gero, inbestidura-saiorik deituko ez duela azaldu du Torrentek, “alferrikakoa” eta alderdi bakar baten “mesedetan” izango litzatekeelako, nahiz eta Ciudadanosek helegitea aurkezteko asmoa agertu.
Horren ordez, Parlamentuko zerbitzu juridikoen txosten batek esan bezala ekingo du Torrentek, hau da, ekitaldi baliokide bat deituko du, “egoera baieztatzeko” eta bi hilabeteko atzerako kontaketa martxan jartzeko. Ondoren, inbestidurarik ez baldin badago, hauteskundeak automatikoki deituko dituzte, 54 egun geroago.
Horrek automatikoki ekarriko luke hauteskundeak egiteko eguna 2021eko otsailaren 10a izatea, asteazkena, “lan eta eskola eguna”, baina indar politikoekin bildu ondoren, Torrentek azken data finkatzeko tartea izango luke ekitaldi baliokide hori deituta. Ondorioz, otsailaren 14rako (igandea) deitzeko aukera izanen du buruzagiak.
“Aldez aurretik inbestidura eztabaidarik ezean, otsailaren 14ra goaz”, zehaztu du Torrentek. Horren harian, ez duela bere burua aurkeztuko adierazi du berriro, eta Ganberako presidente gisa jarraitzea gustatuko litzaiokeela erantsi du.
Zure interesekoa izan daiteke
Hauteskundeak, Andaluzian: zer du jokoan alderdi bakoitzak M17an?
Gauerdian amaituko da hauteskunde kanpaina Andaluzian. Inkesta guztiek Juanma Moreno PPko hautagaia jotzen dute irabazle, baina ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin, azken unera arte ahalegindu nahi du azken urteotan galdutako boto-emaileak berreskuratzen.
Euskadiko zerga turistikoa 6 egunekoa izango da, eta etxebizitza turistikoak gehiago zergapetuko ditu
Podemosek zazpi zuzenketa adostu ditu EAJrekin eta PSE-EErekin, tasa turistikoa "progresiboagoa, malguagoa eta udalentzat erabilgarriagoa" izan dadin.
Pradalesek Osasun ministroari egotzi dio medikuen grebaren erantzukizuna
Monica Garcia Espainiako Gobernuko Osasun ministroa defendatzea aurpegiratu dio Imanol Pradales lehendakariak Jon Hernandez Sumarreko legebiltzarkideari, medikuen greba "berak eragindakoa" izan arren.
Etxebizitza planarekin lursailak eta etxebizitza pribatuak "desjabetu" nahi dituen argitzeko eskatu dio Pradalesek EH Bilduri
Imanol Pradales lehendakariak Eusko Legebiltzarreko kontrol saioan erantzun dio EH Bilduk etxebizitza eskuratzeko krisiari buruz egindako galderari. Pello Otxandianok esan duenez, etxebizitzaren alorrean "gauza asko egin behar dira", baina "nagusia" prezioak jaistea da, "errenta ertaineko langileei benetan eskuragarriak diren etxebizitzak" eskaintzeko.
Euskadin inbertsio ekonomiko iraunkorra arintzeko legea iragarri du Pradalesek
Ekimenaren helburua "autobide arautzaile bat" sortzea da, epe administratiboak legezko berme guztiekin murriztea eta herrialdearen garapen ekonomikorako lehentasunezkotzat jotzen diren proiektuak bizkortzea ahalbidetuko duena.
Andaluzia: ezkerraren gotorleku eraitsia, eskuinaren bastioi berria
Zalantza nagusi bat dago igandeko hauteskundeei begira: PPk gehiengo osoa lortuko duen ala Voxen babesa beharko duen. Andaluzia ezkerraren gotorlekua zen, baina eskuina hegemonikoa da gaur egun. “Ezkerreko indarren higadura eta eztabaida politikoaren gai nagusien aldaketa giltzarriak izan dira”, adierazi du Ainara Villaño politologoak.
Podemos Euskadik akordioa lortu du EAJrekin eta PSE-EErekin EAEn tasa turistikoa ezartzeko
Alderdi moreak aurreratu duenez, bihar emango dituzte itunaren xehetasunak, Donostian egingo duten prentsaurrekoan. Turismo egonaldien gaineko zergaren Foru Arauaren proiektua tramitazio bidean dago Arabako, Bizkaiko eta Gipuzkoako batzar nagusietan.
Euskadiko Gardentasun Legearen gakoak: informazio publikorako sarbidea, kontrol handiagoa eta kexa-postontzia
Gardena izeneko organo independenteak legea betetzen dela bermatuko du. Sektore publikoko administrazio, organismo eta erakunde guztiak eta pribatuak hartuko dituen jarduera-eremua izango du, baldin eta ez betetzea Euskadira mugatzen bada.
Zurekin Nafarroa: “Hautsi egin da Geroa Bairengan geneukan konfiantza”
Carlos Guzman Zurekin Nafarroaren Parlamentuko bozeramaileak adierazi duenez, Geroa Bairekin zuten konfiantza "hautsi" egin da, UPNk hezkuntza itunduaren inguruan egindako lege proposamenaren bozketan abstenitu egin baita.
Geroa Baik esku hartzeko eskatu dio Chiviteri, gobernukideak berriro adiskidetu daitezen
Pablo Azcona Geroa Bairen bozeramaileak Maria Chivite Nafarroako presidenteari eskatu dio "egoera bideratzeko, leheneratzeko, egonkortasuna bermatzeko eta gobernukideek elkar uler dezaten bermatzeko". Horretara mintzatu da, UPNk proposatutako itunpeko hezkuntzari buruzko lege proposamena onartu ostean.