Neurriak adosteko, EAEn eta Nafarroan mahai bana eratzea proposatu du EH Bilduk
COVID-19aren pandemiari aurre egiteko neurriak adosteko Euskal Autonomia Erkidegoan eta Nafarroan mahai bana eratzea proposatu du EH Bilduk, eta foro horietan administrazioez gain, eragile politiko, sozial eta ekonomiko guztiek parte hartu beharko luketela azpimarratu du.
Arnaldo Otegik agerraldia egin du Donostian koalizio soberanistak egin duen analisiaren berri emateko, eta esan du egoera "larri" honi ezin zaiola "bakarka" aurre egin, "ezta gehiengo absolutua izanda ere". Horregatik, bi erkidegoetan mahai bana sortzea ezinbestekotzat jo du, "denon artean metodo bat diseinatzeko, herri honen indar guztiak baliatuz eta zentzuz jokatuz, salbuespenezko larrialdi egoera honi aurre egiteko".
Helburua kutsatze kopurua jaistea izanik, "salbuespeneko neurriak hartzeko, estrategia bat definitzeko eta akordio handiak egiteko", datu errealak konpartitzea eta inplikatutako sektore guztiak elkarlanean aritzea oso garrantzitsua dela esan du. "Denon artean eraginkorragoak izango gara", azpimarratu du.
Horrez gain, lehentasuna herritarren osasuna bermatzea dela esan du, "osasunik gabe ez dagoelako ekonomiarik", eta hainbat neurri zehatz aipatu ditu: mugikortasuna eta harreman sozialak murriztea; aztarnari kopurua boskoiztea; eta sektore kaltetuenei laguntzea, hala nola ostalariei eta dendariei.
Ildo berean, Osasun zerbitzuetan "langile gehiago kontratatzea" eskatu du eta "baheketa masiboak" egitearen alde agertu da.
Otegik nabarmendu du EH Bilduren asmoa konponbidea bilatzea dela, eta ez errudunak seinalatzea. Alabaina, neurri asko berandu hartu direla eta azken urteetan osasun publikoan egindako "murrizketen ondorioak" orain pairatzen ari garela deitoratu du.
Horrela, bada, herritarrei "egia osoa" esateko eta "irizpide argiak" emateko eskatu die gobernuei, "egoera larria delako eta litekeena baita datozen asteetan gehiago okertzea".
Amaitzeko, "benetako" politika egiteko eta, batez ere, aurrerantzean "gauzak beste modu batean egiteko" deia egin du Otegik, "egoera zailenetan ere Euskal Herrian gauzak beste era batera egiten ditugula erakusteko".
Albiste gehiago politika
PPk "autogobernuari buruz" hausnartzea eskatu du, "ondo kudeatu" behar baita, "ongizatea ekarri ekartzen duen arren"
Laura Garridok EAEk dituen eskumenei eta horiek kudeatzeko moduari buruzko "hausnarketa" egiteko eskatu du, "arazoak" ditugulako eskumenak ditugun eremuetan. Legebiltzarreko PPren bozeramailearen ustez, "oso argia" da etxebizitzaren auzian, besteak beste. "40 urte daramatzagu EAJrekin eta PSErekin Jaurlaritzan, eta jarraitu dituzten politikek ez dute etxebizitzaren arazoa konpondu, haien legeek tenkarazi dute merkatua", gaineratu du.
Begoña Gomez herri epaimahai batek epaitzea proposatu du Peinado epaileak, diru publikoa bidegabe erabiltzea egotzita
Datorren larunbatean epaitegira joateko dei egin dio, 18:00etan, aurretiazko agerraldia egin dezan. Espainiako Gobernuak Peinadoren erabakia kritikatu du, "surrealista" dela iritzita, eta epaimahai inpartzial batek "gauzak dagokien tokian" jarriko dituela espero du.
Kongresuak atzera bota du migrazio eskumena Kataluniako Gobernuaren esku uzteko Juntsek eta PSOEk adostutako lege proposamena
Podemosek lege testuaren aurka bozkatu du PPrekin eta Voxekin batera, "arrazista" dela iritzita. Horiei Sumarreko bi diputatu batu zaizkie, boto diziplina hautsita. Miriam Nogueras Juntseko bozeramaileak muturreko eskuina eta muturreko ezkerra kritikatu ditu Kataluniaren aurkakoak direla iritzita.
Albiste izango dira: EAEko aireportuen kudeaketa, Palestinaren aldeko manifestazioa Zinemaldian, eta NBEren Batzar Orokorra
Gaurkoan Orain-en albiste izango direnen laburpena, bi hitzetan.
Autobus batek Nafarroa eta Gipuzkoa zeharkatuko ditu, Mikel Zabalzaren oroimenez
Gazte nafarra hilik agertu zen Bidasoa ibaian 1985ean, Guardia Zibilak atxilotu eta 20 egunera.
Israeli arma enbargoa ezartzea onartu du Espainiako Gobernuak
Edonola ere, errege dekretuak klausula bat aurreikusten du, eta, horren arabera, salbuespen kasuetan eta Estatuaren interesaren eta interes orokorraren izenean, Ministroen Kontseiluak Israelekin merkataritza harremanak baimendu ahalko ditu.
Goiak Donostiako autobus geltokiko kafetegia lekuz aldatzea proposatu du, itxarongunea handitzeko
Donostiako alkatearen arabera, "garai batean aurreikusi zen gaur egun instalazio hori erabiltzen duten autobus askok, Gasteiz eta Bilbo jatorri-helmuga dutenek, desagertuko zirela 'euskal Y' abiadura handiko trenaren zerbitzua martxan jartzean", baina "asko atzeratzen" ari da. "Ez dakigu zein urtetan erabili ahal izango dugun abiadura handiko trena", deitoratu du.
Eusko Jaurlaritzak adierazi du Txiki eta Otaegi biktimak direla, eta eskatu du urteurrena ez dezatela instrumentalizatu
"'Txiki' eta Otaegi gobernu frankistak fusilatu zituen, biktimak dira, eta giza eskubideen urraketa onartezina jaso zuten, baina urteurren hau ezin da instrumentalizazio gisa erabili", adierazi du Maria Ubarretxena Eusko Jaurlaritzaren bozeramailea gobernu bilareraren osteko prentsaurrekoan.
Jon Goikolea, Arkautiko akademiako zuzendari berria
Goikolea Juan Mari Atutxaren eskuineko eskua izan zen Segurtasun sailburu izan zen urteetan. Miren Dobaranek abuztuan utzi zuen kargua, Amaya Angulo zuzendariordearekin batera. Biek urtebete eskas egin zuten postuan.
"Txiki eta Otaegi ez ziren heroiak ezta martiriak izan": Fernando Buesa Fundazioak eta Covitek fusilamenduen urteurrenean ETA goratzea salatu dute
Bi elkarteek, halaber, ohar bateratu bidez, erakunde publiko, lokal, autonomiko eta estatuko guztiei eskatu diete "pertsona horien omenezko ekitaldiak ez sustatzeko eta ez babesteko".