Frantziak azaroaren 17an erabakiko du Urrutikoetxea Espainiaren esku uzten duen
Frantziako Auzitegi Gorenak azaroaren 17an ebatziko du Josu Urrutikoetxea ETAko buruzagi ohia Espainiako Estatuaren esku uzten duen. Espainiako Justiziak iaz eskatu zuen Urrutikoetxea estraditatzea 1987an Zaragozako kuartel-etxearen kontra egindako atentatuan parte hartu zuelakoan. 11 pertsona, tartean sei ume, hil zituen ETAk.
Parisko Apelazio Auzitegiak urtarrilaren 8an emandako autoaren kontrako helegitea aurkeztu zuen Urrutikoetxeak. Auzitegiak ontzat eman zuen Urrutikoetxea atentatu horregatik Espainian epaitzea (20-30 urteko kartzela zigorra ezar liezaiokete).
Urrutikoetxea baldintzapeko askatasunean da uztailetik. Osasun eta adin arrazoiak tarteko utzi zuten libre, eskumuturreko telematiko baten kontrolpean betiere.
Defentsak bere eskaeran emandako bi argudioen kontra egin du Fiskaltzak. Urrutikoetxearen abokatuaren arabera, txosten judizialean agiri bat falta zen, eta Auzitegi Nazionalak egindako estradizio eskaerak kutsu politikoa du.
Lehenengoaren inguruan, fiskalak esan du ustez falta zen agiri hori egon badagoela txostenean. Goreneko epaileak berretsi egin du.
Bigarrengoari buruz, Ministerio Publikoak gogorarazi du Apelazio Auzitegiaren instrukzio aretoak berak prozeduraren kutsu politikoa baztertu zuela. Zehazki, argitu du Espainiako Auzitegi Nazionalak 2002ko azaroaren 14an leporatu zion Urrutikoetxeari Zaragozako atentatua, eta orduan igaro zela ETAko kidea klandestinitatera.
Defentsak, ordea, bestelakoa uste du. Argudiatu duenez, Espainiako Justiziak denbora luzea eduki zuen Urrutikoetxea auzipetzeko aukera, eta ez zuen egin.
Ez dute berehalakoan estraditatuko
Gorenak Urrutikoetxearen helegitea baztertu eta Espainiaren esku uztea ebatziko balu, presoa ez lukete berehala Espainiako justiziaren esku utziko. Izan ere, hainbat auzi ditu zabalik Frantziako justizian.
Zure interesekoa izan daiteke
Albares Kongresuan izan liteke ostegunean, Global Sumud Flotillaren egoeraren berri emateko
Kongresuko Osoko Bilkuran ministroaren agerraldia eskatu zuten Sumarrek, ERCk, EH Bilduk, Podemosek, BNGk eta Compromisek duela egun batzuk, Global Sumud Flotillan parte hartzen duten ontzi eta pertsonak babesteko eta laguntzeko hartuko dituen ekintzak zein erabakiak azal ditzan.
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.