Hurtado: 'Urtea amaitu aurretik 7.000 euroko laguntzak jasoko dituzte ostalariek'
Javier Hurtado Turismo, Merkataritza eta Kontsumo sailburuak Radio Euskadiko "Boulevard informativo" saioan azpimarratu duenez, ostalaritzarako zuzeneko laguntzak urtea amaitu baino lehen iritsiko dira. Diru laguntza handiena jasoko duten establezimenduek 7.000 euroko diru-laguntzak jasoko dituzte.
"Erresistentzia plan batean gaude. Lehen olatuaren laguntzei udazkenekoak gehitu behar zaizkie, 30 milioi euro, hain zuzen ere. Sailaren aurrekontua bikoizten dugu", esan du sailburuak.
Hurtadok dio 3.000tik 4.000ra bitarteko laguntzak "arinak" direla, eta 20 pertsonako talde batek jasotako 9.800 eskaeratatik 2.000 izapidetu dituela. "Ostalariak onartzea besterik ez da geratzen", azaldu du. "10 egun izango dituzte onartzeko eta berehala jasoko dituzte". Hurtadoren ustez, "urtea amaitu baino lehen 7.000 eurorainoko laguntzak jasoko dituzten establezimenduak egongo dira".
Sailburuak tokiko establezimenduetan kontsumitzeko deia egin du, baina Amazon bezalako online salmentarako plataforma handiei ere ongietorria egin die, betiere baldintza jakin batzuk betetzen badituzte: "Bidezko tributazioa, langileen eskubideak errespetatzea eta tokiko enpresak eta dendak dinamizatzen laguntzea", besteak beste.
"500.000tik 400.000 bonu saldu dira eta 15 milioi euro baino gehiagoko eragina izan dute", zehaztu du Javier Hurtadok: "Bukatzen denean ebaluatu egin beharko da eta 2021ari begira neurri pizgarri gehiago egon beharko dira".
"Euskadin jabe txikien merkatua dugu", esan du Espainiako Gobernuak bultzatzen duen merkataritzari eta ostalaritzari alokairua kentzeko dekretuaren harira.
"Bidaiarien beherakada eta sektore turistikoko diru-sarrerak oso garrantzitsuak dira", esan du Hurtadok, eta gaineratu du udak ez zituela aurreikuspenak bete.
Jatorrizko informazioa Radio Euskadik landu eta eitb.eus-ek itzuli du. Entzun elkarrizketa osoa.
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.