ETAren indarkeriaren kontakizuna "egian oinarritzea" eskatu du Anduezak
ETAren indarkeriaren kontakizuna "egian oinarritzea" eskatu du Eneko Andueza Gipuzkoako PSE-EEren idazkari nagusiak, "Euskadin elkarbizitza eraikitzeko".
PSE-EEk Isaias Carrasco militante eta zinegotzi ohi sozialistari omenaldia egin dio Arrasaten (Gipuzkoa). ETAk hil zuen duela 13 urte. Lore eskaintza egin dute herrian.
Idoia Mendia bigarren lehendakariordeak, Carrascoren alargunak eta hiru seme-alabek hartu dute parte ekitaldian.
"Ezin dugu utzi ETArekin jasan genuen indarkeria ahaztea", azpimarratu du Eneko Anduezak. Horregatik, gertatutakoaren kontakizuna idaztea beharrezkoa dela uste du, eta "beti hain funtsezkoa den egian oinarritzea", "Euskadin elkarbizitza eraiki" ahal izateko.
Anduezak ohartarazi duenez, "batzuek gertatutakoa makillatu nahiko dute, beste batzuek ahaztu, hemen ezer gertatu ez dela mundu guztiari sinestarazteko manta bat gainetik bota", baina "hemen gauza asko eta oso larriak gertatu ziren". "Jipoitu gintuzten, eta hil, estortsionatu eta jazarri; familiak suntsitu zituzten, eta hori sekula, sekula, sekula, ezin da barkatu", gogorarazi du.
Gipuzkoako sozialisten idazkari nagusiaren ahotan, Isaias Carrasco "sozialista izateagatik" hil zuten, "ez abertzalea", eta, gainera, "pertsona ona" izateagatik. "Pertsona zaurgarria" zen, eta ondorioz, "helburu erraza", erantsi duenez. Lau arrazoi horiengatik ETAk hiltzea erabaki zuen, nabarmendu duenez.
Era berean, "biktima guztiek egia ezagutzeko eskubidea" dutela aldarrikatu du. Hilketa guztiak argitzea eskatu du politikariak, salbuespenik gabe, memoria eraikitzeko; izan ere, euskal gizarteak biktimekin eta haien senitartekoekin duen "zorra" da.
Azkenik, "gaur hobeto gaude ETA existitzen ez delako eta gure bizitzan ez dagoelako", ziurtatu du. "Talde terroristak porrot egin zuen", adierazi du. Iragan astean Pedro Sanchez Espainiako gobernuburuak eta Idoia Mendiak "porrot hura eszenaratu zuten, alderdikideen bizitzekin amaitu zuten armak suntsituz", azpimarratu du.
Lore eskaintza Arrasaten (Gipuzkoa). Argazkia: EFE
Zure interesekoa izan daiteke
Espainiako Gobernuak astelehenean eskualdatuko dio Jaurlaritzari Zubietako espetxearen gaineko eskumena
Denis Itxaso Etxebizitza sailburuak eta Maria Jesus San Jose Justizia sailburuak otsailean jakitera eman zituzten epeak beteko dituzte horrela, kartzela berria 2026ko maiatza eta ekaina bitartean irekiko zutela iragarri baitzuten.
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.