ETAko hiru preso Euskal Herriratuko eta beste hiru hurbilduko dituzte
Espainiako Espetxe Erakundeetako Idazkaritza Nagusiak ETAko hiru preso Iruñeko kartzelara lekualdatuko ditu, eta beste hiru Euskal Herritik gertuagoko espetxeetara eramango ditu. Sei hurbilketen artean, urrunen daudenak Jose Maria Dorronsoro eta Henri Parot dira, Cadizen, 1000 kilometrora. Iruñera eta Leonera aldatuko dituzte, hurrenez hurren.
Dorronsoroz gain, Idoia Mendizabal eta Jon Gonzalez ere Iruñera aldatuko dituzte, Valentziatik. Bikotea dira eta hiru urteko seme bat dute.
Jose Lorenzo Ayestaran Legorburuk, bestalde, Alacanteko kartzela utzi eta Soriako kartzelan beteko du zigorra. Kartzela berara Castellotik Oscar Celarain Ortiz ere helduko da.
Espetxeetako Idazkaritza Nagusiaren komunikatuaren arabera, Henri Parotek legea onartu du, eta bigarren gradura igaro da. 2020ko otsailean zigorraren hiru laurdenak bete zituen.
Parotek bezala, Cadizko kartzela utziko du Jose Maria Dorronsorok. 2001etik dago preso. 30 urteko zigorra betetzen ari da eta 2023an hiru laurdenak beteta izango ditu. Espetxeetako Idazkaritza Nagusiaren arabera, Dorronsorok idatzi bat helarazi du indarkeria arbuiatuz eta "eragindako kalteagatik sentikor" azalduz.
Mendizabal eta Gonzalezi dagokienez, Valentziatik Iruñera lekualdatuko dituzte. Idoia Mendizabalek 25 urteko kartzela zigorraren hiru laurdenak 2030eko abuztuan beteko ditu.
Besteak beste, 2002an Eduardo Madina gazte sozialisten buru ohiaren kontrako eta Maria Luisa Guerrero Antela 3eko ordezkariaren kontrako atentatuetan parte hartzea leporatu zizkioten.
Jon Gonzalez, Mendizabalen bikotea, 2011n espetxeratu zuten, eta 25 urteko zigorra betetzen ari da. Hiru laurdenak 2030eko abenduan beteko ditu. Besteak beste, 2002an Portugaleteko (Bizkaia) PSEren alkateorde Esther Cabezudo hiltzen saiatzeagatik zigortu zuten.
Jose Lorenzo Ayestaran Legorbururi 27 urteko kartzela zigorra jarri zioten 1980an Eugenio Lazaro Valle Gasteizko Udaltzaingoaren burua hiltzeagatik. 30 urteko kartzela zigor metatua betetzen ari da eta ez ditu hiru laurdenak beteta izango 2037ra arte.
Azken hurbilketa Oscar Celarain Ortizena da. 50 urteko kartzela zigorra jarri zioten, ETAko beste kideekin batera UPNko zinegotzi Jose Javier Mugica hiltzeagatik, Leitzan (Nafarroa), besteak beste.
AVTren salaketa
Terrorismoaren Biktimen Elkarteak (AVT) salatu duenez, sei presoen artean 45 hilketa egin dituzte. Horietatik, 39 Henri Parotekin lotzen dira.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.