Presoak "etxera ekartzeko" mobilizazioetan parte hartzeko deia egin du Sortuk
Presoak "etxera ekartzea" ahalbidetuko duten "konponbide politikoak" eskatzeko mobilizazioetara pate hartzeko deia egin du Sortuk, hurrengo larunbatean, apirilak 17, Preso Politikoen Nazioarteko Egunarekin bat, Donostian, Bilbon, Gasteizen eta Iruñean Askatasuna! lelopean egingo dituzten manifestazioetan.
Sorturen arabera, "euskal preso eta iheslari politikoak gatazka politikoaren ondorio eta adierazle dira", eta horren jatorrian " Euskal Herriak bere etorkizuna libre eta demokratikoki erabakitzeko duen eskubidearen ukazioa dago".
Zentzu horretan, gogorarazi du Francoren heriotzaren ostean ezarritako Erregimenak "ez ziola arazo politiko horri erantzun demokratikorik eman; ez zuela aurreko erregimenarekin hautsi". Bere ustez, horrek, "gure herriaren etorkizuna kolokan jartzeaz gain, gatazkaren luzamendua ekarri du, alde anitzeko sufrimendua, milaka euskaldunen espetxeratzea".
Azken hamarkadetan espetxean eta ihesean egon diren pertsona guztiei aplikatutako neurri guztiak "kolektiboak eta politikoak izan dira", eta horien helburua "independentismoa kaltetzea" izan da. "Horregatik ez daude oraindik etxean, ETAk borroka armatua utzi zuenetik dagoeneko hamar urte igaro diren arren", azpimarratu du alderdi abertzaleak.
Era berean, Sortuk azpimarratu du ezker abertzaleak eta euskal gizarteak azken hamarkadan "gatazka bideratzeko urrats erabakigarriak" egin dituztela, eta ondorioz, "baldintza eta adostasun nahikoak eraiki direla Espainiako Estatuak ere, orain arte ez bezala, konponbideari hel diezaion".
Sortuk onartu du "eskubide urraketa lazgarri batzuk gainditzeko urratsak" egiten hasi direla, baina "jauzi bat" emateko momentua dela uste du. "Elkarbizitza demokratikoak preso politikoen askatasuna eskatzen du", gehitu du.
Horretarako, alderdi abertzalearen ustez, "adostasun zabalak eta mobilizazio soziala funtsezkoak izango dira", eta azpimarratu du "Soilik euskal jendartearen aktibazioak berma dezakeela ireki den aukera bururaino eramango dugula".
Sortuk herritarrei dei egin die 17an antolatutako mobilizazioetan parte hartzeko, "Euskal Herriak bere etorkizuna demokrazian, bakean eta askatasunean eraiki behar duelako, eta euskal preso eta iheslari politiko guztiak etxean behar ditugulako".
Zure interesekoa izan daiteke
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Ildo horretatik, ziurtatu du ez direla maiatzeko hauteskunde autonomikoekin eta udalekoekin bat etorriko, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten eta euskara lekua irabazten joan den arren legeak bere horretan dirau, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administartiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.
Getxoko Irurak Bat jauregia eraistearen inguruko ikerketarekin jarraitzea zalantzan jarri du epaileak
Epaitegiak bertan behera utzi ditu hainbat eginbide, eta EAEko Justizia Auzitegi Nagusiak duela gutxi emandako epai bati buruzko iritzia eskatu die aldeei, ikertutako gertakarien balorazio penalean eragina izan dezakeelakoan.
Peinado epaileak pieza berri bat ireki du Begoña Gomez auzian, eta beste bi delitu egotzi dizkio Sanchezen emazteari
Sumarioaren zati nagusiari buruzko atariko entzunaldia astelehenean egin zuen magistratuak, eta pieza berri bat zabaltzea erabaki du orain, prebarikazioa eta EBri iruzur egitea egotzita.
Diez Antxustegik espero du enplegu publikoaren legea onartzea eta gerora "ebaluazio bateratua" egitea proposatu dio EH Bilduri
EAJk Legebiltzarrean duen bozeramailearen hitzetan, jeltzaleek egindako proposamena "zuhurragoa" da eta segurtasun juridiko handiagoa ematen du. Behin onartuta, "ebaluazio bateratua" egitea proposatu dio EH Bilduri, "nahikoa ez bada" hartu beharreko neurriak aztertzeko.
Otxandiano, Enplegu Publikoaren Legeaz: "Akordiorik ez badago, lehendakariarekin bilera bat eskatuko dut egoera desblokeatzeko"
"Akordioaren parametroak argi daude", Otxandianoren ustez, eta "akordiorik eza ez da aukera bat eta arduraz jokatzeko momentua da", erantsi du. "Lirika eta erretorikaren gainetik, Agirre lehendakariaren izpiritua eta ondare politikoa hiru herrialde hauetan benetan praktikan jartzeko borondatea dago", EH Bilduko bozeramailearen arabera.
18 pertsona hil dira Israelgo Armadak Libano hegoaldearen aurka egindako bonbardaketetan
AEBrekin lortutako akordio-memorandumari eutsiz, Iranek eskatu du Israelek atzera egiteko eta erasoak bertan behera uzteko. Israelgo Gobernuak, bere aldetik, behin baino gehiagotan adierazi du akordio horrek ez duela bera lotzen.