Mixel Berhokoirigoin 'bakearen artisaua' hil da
Mixel Berhokoirigoin azken urteotan 'bakearen artisau' gisa ezagun egindako laborari eta eragilea hil zen atzo, maiatzak 7, kazeta.eus-ek larunbat honetan jakitera eman duenez. 69 urte zituen Berhokoirigoinek eta azken hilabeteetan atzeman zioten gaixotasun larri baten ondorioz zendu da.
Gamarteko (Nafarroa Beherea) Uhartia baserrian jaioa, nekazaritza ikasketak egin zituen eta esne ekoizpenean aritu izan zen 30 urte baino gehiagoz. 1982an Euskal Herriko Laborarien Batasuna (ELB) sindikatua sortu zuen, laborantza intentsiboaren kontra borrokatzeko, garapen iraunkorraren alde egiteko eta Ipar Euskal Herria onartuko zuen egitura sektorial bat sortzeko, eta 2005etik 2015era Euskal Herriko Laborantza Ganbarako presidente izan zen.
Laborantza arloan eginiko lanaz gain, militante sutsua ere izan zen Berhokoirigoin, azken urteetan batez ere. Bakegileak taldeko kide izan zen eta Luhusoko polizia operazioan atxilotu zuten, Txetx Etcheverry, Betatrice Molle, Stephane Etxegarai eta Mixel Bergougnanekin batera.
Bakegileak edo bakearen artisauak Ipar Euskal Herriko gizarte zibileko ekintzailez eta sindikalistaz osatutako talde bat da, ETArekin inolako loturarik ez duena. Hala ere, bitartekaritza lanak egin zituen, erakundeak borroka armatuari amaiera eman eta "Espainiako eta Frantziako gobernuen blokeo jarreraren aurrean" 2016an ETA armagabetzea lortzeko.
Harreman horien ondorioz, ETAk "jendarte zibilaren esku" utzi zuen armagabetzea, eta 2017ko apirilaren 8an gauzatu zen. Aurrez, baina, 2016ko abenduaren 16an, polizia operazioa izan zen Luhuson, bitartekaritza prozesu horren kontra, eta bost pertsona atxilotu zituzten, Berhokoirigoin tartean. Handik egun batzuetara, libre geratu ziren.
Atxiloketaren lehen urteurrenean 'Irtenbidearen bila' saioa eskaini zuen ETB1ek, Xabier Usabiagak aurkeztuta. ETAren armagabetze prozesua nola bideratu zen kontatu zuten bertan Mixel Berhokoirigoinek eta Txetx Etcheverryk, eta politikoki blokeatuta zegoen egoera nola desblokeatu zuten ulertzeko gakoak azaldu zituzten.
Azken urteetan Bakegileen erreferentzia nagusietarikoa izan zen Berhokoirigoin, bai mobilizazioetan, bai komunikabideetan, eta Ipar Euskal Herriko hautetsi eta jendarte zibileko beste hainbat ordezkarirekin batera, Frantziako Gobernuarekiko interlokutore den Euskal Herriko ordezkaritzaren kide izan zen.
Urtarrilaren 9an egin zituen azken adierazpen publikoak, Baionan, presoen eskubideen aldeko manifestazioan.
Doluminak eta gorazarre sare sozialetan
Mixel Berhokoirigoinen heriotzak oihartzuna izan du sare sozialetan ere. Hainbat norbanako eta pertsona ezagunek zabaldutako mezuez gain, Iparraldeko EAk, EH Bilduk, Foro Sozialak nahiz Sarek, besteak beste, Twitterreko euren kontu ofizialetan oroimen mezua publiko egin nahi izan dute.
Albiste gehiago politika
Cerdanek asteazkeneko bere deklarazioa bertan behera uzteko eta uztailera atzeratzeko eskatu dio epaileari
Auziaren konplexutasuna eta duen oihartzun soziala aipatu ditu idatzian buruzagi sozialista ohiaren abokatuak, data atzeratzea eskatzeko.
Eusko Jaurlaritzak azken hamar urteetako kontratu publikoak berrikusiko ditu
Imanol Pradales lehendakariak azaldu duenez, ez dute ustelkeria zantzurik edo susmorik aurkitu, ezta UCOren txostenean aipatzen diren enpresekin kontraturik ere.
Abalosek azpimarratu du Cerdan eta Garciaren ustelkeria “dinamika” Nafarroatik zetorrela eta “erabili” egin zutela
Garraio ministro ohiak Ser irrati kateari eskaini dion elkarrizketan azaldu duenez, Cerdanek eta Koldok ministerioan jarri zuten eta ondoren “presio” egin zioten kontratazio publikoetan "eragiteko".
PSNk gaur aukeratuko du Alzorrizen ordezkoa, azken horrek Cerdan auziagatik dimisioa eman ondoren
Atzo zabaldutako ohar batean, Servinabarrek ukatu egin zuen Santos Cerdanekin inolako loturarik duenik, eta nabarmendu zuen ikertzaileek ez dutela orain arte delitu zantzurik ikusi enpresaren jardunean.
Servinabarrek ukatu egin du Santos Cerdanekin inolako loturarik duela
Enpresa eraikitzaileak gogorarazi duenez, ez diote deliturik leporatu "ez UCOren txostenean", ezta ikerketa judizialean ere. Gainera, Antxon Alonso Egurrola administratzailearen eta Cerdanen arteko harremana "pertsonala" eta "bakoitzaren jarduera profesionaletatik kanpokoa" dela gaineratu du.
Zazpi ministro sozialisten eta PPko hainbat buruzagi ohiren datu pertsonalak argitaratu ditu ultraeskuineko Telegram talde batek
Mezu horiek agertu diren Telegram taldeak 92.000 jarraitzaile baino gehiago ditu, eta Alvise Perezen jarduera politikoarekin lotutako argitalpenak zabaltzeko erabiltzen dute erabiltzaileek, baita Espainiako Gobernuari eraso egiteko edo mezu xenofoboak zabaltzeko ere.
PSNk, Geroa Baik, Zurekin Nafarroak eta EH Bilduk ikerketa batzordea osatzea adostu dute
Cerdan auziko azken berriak ezagutu ondoren adostu dute neurria. Guardia Zibilak egindako txostenean agertzen diren enpresei egin zaizkien esleipenak aztertuko ditu batzordeak eta uda honetan bertan hasiko da lanean.
Sanchezek neurri "sendoak" ezarri behar dituela eta "ausardiaz" jokatu behar duela azpimarratu du EH Bilduk
Mertxe Aizpurua EH Bilduk Kongresuan duen bozeramaileak ostegun honetan Kongresuko osoko bilkurara heldu denean zehaztu duenez, Pedro Sanchez presidenteak ustelkeriaren aurkako neurri "sendoak" ezarri behar ditu, eta "ausardiaz" jokatu behar du, "EH Bilduren babesa izaten jarraitu nahi badu".
Eneko Andueza konbentzituta dago 'Koldo auziak' ez duela PSE-EEn eraginik izango
PSOE eta Nafarroak Alderdi Sozialista astintzen ari den ustezko ustelkeria kasuaren aurrean, Eneko Andueza PSE-EEko idazkari nagusia konbentzituta dago ez duela eraginik izango Euskadiko Alderdi Sozialistan. Halaber, sozialistak kritikatzen ari direnei zuhur jokatzeko gomendioa egin die. Izan ere, horren esanetan, orain fokoa sozialisten gainean badago ere, litekeena da auzia beste alderdi batzuengana ere zabaltzea.
Maria Chivite: "Erortzen dena erortzen dela esan nuen, eta betetzen ari naiz"
Ramon Alzorriz PSNren idazkariorde nagusi eta Parlamentuko bozeramailearen dimisioaren ostean, Maria Chivite Nafarroako Gobernuko presidenteak agerraldia egin du hedabideen aurrean, eta adierazi du berak ez duela "dimititzeko argudiorik".