Etxean dira jada Luhuson atxilotutako bost lagunak
Michel Berhokoirigoin laboraria eta Michel Bergougnan enpresaria gaur goizean iritsi dira Baionako tren geltokira. Zain zituzten etxekoak eta lagunak. Beatrice Molle kazetaria eta Stephane Etxegarai Bizi mugimenduko koordinatzailea, berriz, atzo iluntzean iritsi ziren; Mollek autoz egin zuen Parisetik Lapurdirako bidea, eta Etxegarai trenez heldu zen. Bosgarrena, Txetx Etxeberri bideogilea, arratsaldean da iritsi da Baionako geltokira, 19:30 aldera.
Bost auzipetuei elkarrekin harremana izatea galarazi die epaileak, eta, beraz, nor bere aldetik itzuli da Euskal Herrira; Frantziaren eremutik ateratzea eta armak edukitzea ere debekatua dute.
Iritsi berritan, Berhokoirigoin eta Bergougnan "pozik" agertu dira, baina egun "gogorrak" izan direla adierazi dute. "Momentu gogorra izan da, hala ere, atxiki dugu konfiantza beti. Azkenean, ondo bukatu da", esan du Berhokoirigoinek.
Bergougnanek emazteak Radio Euskadin adierazi duenez, "Luhusokoaren ondoren, egoera aldatu egingo da, ez dago atzera bueltarik". "Epaileak esan du; ez dira terroristak, egoera aldatu nahi duten pertsonak dira", gaineratu du.
Frantziako Auzitegiko epaileak kontrol judizialpean aske utzi zituen atzo ETAren armagabetze prozesuan parte hartzen aritzeagatik Luhuson (Lapurdi) atxilotutako bost lagunak.
Fiskaltzak eskatu bezala, armak eta lehergaiak gordetzea eta garraiatzea leporatzen die epaileak. Era berean, gaizkile taldearekin harremanak izatea egotzi die; ez, ordea, ETAko kide izatea. Ostiralean atxilotu zituzten bostak, Luhuson, Mollen etxebizitzan.
Pertsona ezagunak dira denak Ipar Euskal Herrian, eta preso hartu zituztenetik, babes zabala jaso dute. 'Bakearen artisauak askatu' lelopean, mobilizazio ugari egin dira azken egunotan.
Polizia-operazioa gauzatu aurretik, Berhokoirigoinek, Etxeberrik eta Michel Tubiana Frantziako Giza Eskubideen Ligako presidenteak adierazpen bat argitaratu zuten ETAren armategiaren zati bat baliogabetzeko prozesuan parte hartuko zutela jakinaraziz.
Zure interesekoa izan daiteke
Anduezak euskara langileentzako mehatxu dela esan izana larritzat hartu du Estebanek, eta ulertezintzat jo du PSE-EEren jarrera
EBBko presidenteak esan du haserre dagoela, ez dela onargarria gobernukide den alderdi batek horrelakoak egitea eta, okerragoa dena, gezurretan ibiltzea.
Lehendakariak Euskadiren nazioarteko proiekzio kulturala bultzatuko du datorren astean Italiara egingo duen bidaian
Bidaiaren ardatz nagusia mundu mailan arte garaikidearen agertoki nagusietako bat den Veneziako Bienalaren baitan antolatu diren ekitaldietan parte hartzea izango da, 1976an bienalean izandako lehenengo euskal presentziaren 50. urteurrenean.
Andueza, polemikari buruz: "EAJk liskar artifiziala sortu zuen euskarari buruzko akordioa bertan behera utzi zuelako"
Hasi da hauteskunde kanpaina Andaluzian
Sevillan ekin die kanpainako ekitaldiei Alderdi Popularrak; Granadan, Alderdi Sozialistak. Moreno Bonilla PPko hautagai eta gaur egungo presidenteak gehiengo absolutua nahi du; ez du Vox nahi bere gobernuan. Jarraitzaileei botoa ematera joateko deia egin die, inkestek iragartzen duten gehiengo absolutua ziurra ez delakoan. Alderdi Sozialistaren hautagai Maria Jesus Monterok, berriz, inkestek iragartzen dizkioten emaitza txarrak irauli nahi ditu eta zerbitzu publikoen aldeko defentsan oinarritu du kanpaina.
Medikuen gatazkan esku hartzeko eskatu diote EH Bilduk eta PPk Osasun sailburuari
Medikuen grebaz aritu dira gaur, besteak beste, Eusko Legebiltzarrean. EH Bilduk medikuen lan-baldintzak hobetzeko mozioa eraman du ganberara, eta Rebeka Ubera koalizioko legebiltzarkideak Alberto Martinez Eusko Jaurlaritzako Osasun sailburuari eskatu dio, fitxa mugitu eta neurriak hartzeko aferan. Alderdi Popularreko Laura Garridok ere defendatu du Jaurlaritzak badituela eskuduntzak, medikuen egoera hobetzeko.
Koldo Garciak bere "errugabetasuna" defendatu du eta maskaren erosketan erabakitzeko ahalmenik ez zuela gaineratu du
Maskarak iruzurra eginda erosi ziren ala ez ikertzeko egiten ari diren epaiketan, Abalosen aholkulari izandakoak esan du ez duela gogoratzen esleipena egokitu zitzaion eskaintza Aldamak igorri ote zion.
Hauteskundeak, Andaluzian: zer du jokoan alderdi bakoitzak M17an?
Bihar abiatuko da hauteskunde kanpaina Andaluzian. Inkesta guztiek Juanma Moreno PPko hautagaia jotzen badute ere irabazle, ikusteko dago Voxen botoak beharko dituen ala ez gobernatzeko. PSOEk, berriz, Maria Jesus Montero hautagaiarekin indar erakustaldia egin nahi du, azken urteotan galdutako boto-emaileak berreskuratuz.
Atzerri Ministerioak Israelgo enbaxadako arduraduna deitu du Global Sumuden aurkako erasoagatik
Bien bitartean, EH Bilduk, Sumarrek, Podemosek, ERCk, BNGk eta Compromisek Albares ministroaren agerraldia Kongresuan eskatu dute, ontziak eta atxilotuak babesteko hartuko dituen neurriak azaldu ditzan.
Enplegu Publikoaren Legeari zuzenketak egiteko epea bukatuta, jarrerek elkarrengandik oso aldenduta jarraitzen dute
Azken orduetan, zuzenketak erregistratu eta beren jarrerak azaldu dituzte talde parlamentarioek, eta agerian geratu da zein urrun dagoen administrazioan euskararen etorkizunerako funtsezkotzat jotzen den legea erreformatzeko akordioa.
PPren ustez PSE-EE "plantak egiten dabil", eta kritikatu du euskara arloko politiketan "konplizea" dela
Laura Garridok EAJren eta EH Bilduren hizkuntza politikak babestea leporatu dio PSEri, eta enplegu publikoan euskarari buruz egindako erreformak kritikatu ditu.