Milaka herritar mendi gailurretara igo dira presoen eskubideen alde
Milaka herritar mendi gailurretara igo dira gaur, Sarek eta Bake Bideak tontorretarako igoerak antolatu baitituzte presoen eskubideen alde.
"Salbuespen legediarekin amaitzea", hori izan da gaurko eskari nagusia, eta "aldaketak" badirela baina oraindik legedi hori ez dela bertan behera utzi azpimarratu dute.
650 tontor eta 350.000 kilometro, horixe zen presoen aldeko Sare plataformak gaurko deitua zuen erronka. Euskal Herriko txoko guztietatik milaka pertsonak egin dute bat.
300 herrik parte hartu dute "salbuespeneko espetxe politika desagertzeko" helburua duen 650 tontor ekimenean, eta 1.500 pertsonak online egin dute bat.
Horrela, presoen aldeko sare herritarrak "urruntze politikari amaiera emateko pauso sendorik" eman ez dela salatu du.
Joseba Azkarraga eta Bego Atxa Sareko bozeramaileak Bilboko Artxanda mendiaren igoeran izan dira. "Pertsona presoak eta errefuxiatuak etxera itzultzeko bidea, elkarbizitzarako eta bakerako bidea", aldarrikatu dute biek.
"Pertsona presoen eta errefuxiatuen egoera behin betiko konpontzea nahi dugu. Gaur indarrean jarraitzen duen espetxe politika guztiz bidegabea delako", salatu dute.
Zentzu horretan, "euskal presoei legedi arrunta aplikatuko balitzaie, gaixotasun larriak eta zigorraren hiru laurdenak bete dituztenek etxean egon beharko lukete, eta, gradu aldaketa naturalari esker, gehienek hirugarren graduan egon beharko lukete, baimenekin, birgizarteratzeko prozesuaren baitan", gogorarazi dute bozeramaileek.
"Euskal presoak hurbiltzen hasi dira", onartu dute. Baina "oraindik urruntze politikari amaiera emateko pauso sendorik ez dute eman. Tantaz tanta, pausoz pauso, distantziak murrizten ari dira", azaldu dute. "Gradu aldaketari ate berriak zabaldu dizkiote, baina oso motel", azpimarratu dute.
Bestalde, Sarek "doluminak" adierazi eta "besarkada sendoena" bidali die Mixel Berhokoirigoinen senide, lagun eta kideei Twitter sare sozialean. "Euskal Herriak bake bideari ekiteko gakoa izan zen Mixelen lana. Gure miresmen eta esker on guztia zuretzat lagun! Ezinbesteko pertsona eta militantea", nabarmendu du plataformak.
"Gure omenaldirik sentitu eta goxoena Mixel lagunari, berak hasitako bidea helmugara eramateko lanean jarraituko dugu", erantsi du.
Azkarragaren hitzetan, "duela urte batzuk armak entregatzeko modua adosteko Espainiako Gobernuak ETArekin negoziatzeari uko egiten zion bitartean, Mixelek eta bakearen artisauek aurrerapauso bat eman eta erantzukizuna hartu zuten, nahiz eta askatasun propioa arriskuan jarri". Horregatik, Berhokoirigoinek "bake eta gatazkak konpontzeko gizon baten oroitzapena utzi eta utziko du".
Zure interesekoa izan daiteke
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.
Abascalek PPri eskatu dio Vox sar dezala Gaztela eta Leongo gobernuan, koalizioa osatzeko
Karguez hitz egin baino lehen neurriak eta bermeak dituen programa bat negoziatzea proposatu du Voxeko buruzagiak, eta PPk presioa egin du Extremaduran eta Aragoin ere akordioak lortzeko.
EAJk eskatu du elektrizitatearen gaineko zerga jaistea eta hainbat sektoretan erregaiaren prezioan hobariak ezartzea
Maribel Vaquero EAJk Kongresuan duen bozeramaileak azaldu duenez, Ekialde Hurbileko gerrak eragindako ondorio ekonomikoei aurre egiteko 31 neurri jasotzen dituen proposamena bidali dio talde jeltzaleak Pedro Sanchez buru duen koalizio gobernuari.
Ubarretxenak iragarri du "akordio garrantzitsuak" izan direla aireportuen eskumenari dagokionez
Eusko Jaurlaritzaren bozeramaile eta Gobernantza eta Autogobernu sailburuak azaldu duenez, gaur sinatutako akordioak transferentziaren dokumentuan jasotzen badira, "akordioa gertu egon daiteke".
Espainiako Gobernuak aste honetan aurkeztuko ditu energiaren prezioen igoeraren aurkako neurriak
Aegesen ministroak aurreratu duenez, "erantzun integralerako plana" da eta "eragile sozialekin eta talde parlamentarioen proposamenekin" ari dira lanean; hala ere, ez du zehaztu noiz aurkeztuko duten Iraneko gerrak energiaren prezioetan izan duen eragina arintzeko ekimena.
Sozialistak, Parisko Alkatetzari eusteko moduan
Emmanuel Gregoire buru duen ezkerreko koalizioak irabazi du, eta Anna Hidalgoren lekukoa hartzen saiatuko da bigarren itzulian.
Jaurlaritza eta Espainiako Gobernua Madrilen bilduko dira aireportuen aldebiko kudeaketa negoziatzeko
Ubarretxenak argi utzi du Jaurlaritzak ez duela onartuko Estatuak ostiralean egindako kontra-proposamena, Jaurlaritzak egindako "eskakizun guztiak bertan behera" utzi baititu. Marisol Garmendia Espainiako Gobernuak Euskadin duen ordezkaria, ordea, baikor azaldu da, akordioa lortuko delakoan.