Garrido: "Nazio aniztasunaren eztabaidari heltzeko unea iritsi da"
Pilar Garrido Podemos Euskadiko koordinatzaile nagusiak igande honetan adierazi duenez, "nazio aniztasunaren eztabaidari heltzeko unea iritsi da". "Erkidegoen Estatuan lurralde antolakuntza berri bat onartzeko unea iritsi da", erantsi duenez.
Podemosek barne-hauteskundeak izango ditu laster. Ione Belarraren 'Hazi' hautagaitzak ekitaldia egin du Bilbon. Garridok, Isa Serra eta Alejandra Jacinto Madrilgo diputatuekin batera, parte hartu du.
Alderdi moreko koordinatzaile nagusiak defendatu duenez, "Estatu nazio anitzaren ideia gauzatzeko lurralde antolakuntza berri" bat beharrezkoa da.
Garridoren ahotan, "lurralde guztiak gustura egoteko bizikidetza proiektu komuna, neurrira, sortu behar dugu Estatuaren oskol handiaren barruan".
Garridok ziurtatu duenez, Podemos Euskadik "ekarpen handia" egin behar du arlo horretan, eta "lurralde antolakuntza eredu berri bat osatzeko erabakigarria izango da Euskadin zein Madrilen". "Proiektu komuna, adostua" izan behar dela gaineratu du.
Podemos Euskadiko koordinatzaile nagusiak Belarraren hautagaitza babestu du, "bizitza zaintzea erdigunean jarriko duen proiektu kolektibo baten" aldeko apustua egiten duelako.
Garridoren hitzetan, Belarraren hautagaitza "perfektua" da alderdiaren etorkizuneko erronka nagusiei aurre egiteko, besteak beste, "antolamendua sortzea", bere iritziz, "konpondu gabeko arazoa".
Era berean, Isa Serra Madrilgo diputatuak "nazio aniztasunaren proiektua" aldarrikatu du, "gure herriaren hizkuntzak, kulturak, nortasunak eta historiak onartzen eta aitortzen dituelako".
Serraren ustez, "benetako gizarte demokratiko baterantz aurrerapausoak emateko modu bakarra nazio anitzeko errepublika feminista da, guztiaren gainetik eskubide sozialak defendatu eta bermatuko dituen errepublika, egungo pribilegioekin bukatzeko".
Zure interesekoa izan daiteke
Espainiako Poliziak Bilbon egindako esku hartzea "onartezina" izan dela esan du berriz Zupiriak
Bingen Zupiria Eusko Jaurlaritzako Segurtasun sailburuak Euskadi Irratian egin dioten elkarrizketan azpimarratu duenez, polemika hau ez da hasi Espainiako Poliziak egindako atxiloketekin, Espainiaren futbol partidaren harira izan ziren istiluekin baizik.
Zapateroren eta haren alaben eta idazkariaren kontuei buruzko informazioa eskatu die banketxeei Calama epaileak
Auto batean, Plus Ultra auziaren ardura duen magistratuak dio zantzuak daudela esateko Espainiako Gobernuko presidente ohiak "egitura antolatu bat" zuzentzen zuela, bezero jakin batzuei mesede egiteko, legez kanpoko jardueren bidez.
Jon Insaustik afari solidarioak bizilagunak gizarteratzea eta laneratzea errazteko kudeatzearen alde egin du
Afari solidarioen debekuak piztu duen polemikaren harira, Donostiako alkate Jon Insaustik, asteazken honetan, azaldu du ekimenak administrazioaren erantzuna behar duela, eta gizarteratzea eta laneratzea sustatzera bideratuta egon behar duela. Era berean, nabarmendu du inguruko udalerriek ere neurri horiek lehenago edo geroago hartuko dituztela.
Etxanobek itun handia proposatu du Bizkaiaren etorkizuna eraikitzeko
Urtero legez, Bizkaiko aldundiak San Inazioko harrera ekitaldia egin du. Bizkaiko eta Gipuzkoako patroiaren eguna ospatzeko abuztu aurreko azken ekitaldi politiko nagusia da, eta ordezkari ugari biltzen du. Elixabete Etxanobe ahaldun nagusiak itun handi bat proposatu du Bizkaiaren etorkizuna eraikitzeko. Lurraldeen arteko aldeak eta berezitasunak errespetatu egin behar direla adierazi du, benetako berdintasuna lortzeko.
Bi urteko kartzela-zigorra, sare sozial batean terrorismoa goratzeagatik eta ETAren biktimak umiliatzeagatik
Atxilotuari haur-pornografia ere aurkitu zioten konfiskatutako gailuetan.
Espainiako Poliziako sindikatuek Zupiriaren adierazpenak kritikatu dituzte
Espainiako Poliziaren Konfederazioak ziurtatu du ez duela Eusko Jaurlaritzaren baimenik eskatu behar lurralde horretan jarduteko; bitartean, Sindicato Unificado de Policiak (SUP) Zupiriari aurpegiratu dio "10 egun" izan dituela erasoak ikertzeko.
EH Bilduren arabera "kezkagarria da" hainbat erakundek hizkuntza eskakizunetan "atzera egitea"
Koalizio abertzaleak azaldu duenez, Gipuzkoako Foru Aldundiak azken Lan Eskaintza Publikoan hizkuntza eskakizuna egiaztatu duten plazen kopurua % 89tik % 66ra murriztu du, eta Bizkaiko Foru Aldundiak, berriz, % 85etik % 54ra.
Transferentziez hitz egiten segitzen dutela esan du Ubarretxenak eta uda ostean "zorte hobea" izatea espero du
Maria Ubarretxena Gobernantza, Administrazio eta Autogobernu sailburuak Radio Euskadin egin dioten elkarrizketan azaldu duenez, akordioek sakonak izan behar dute Bitariko Batzordea biltzeko.
Espainiako Gobernuak indultu partziala eman dio Laura Borras Kataluniako Parlamentuko presidente ohiari
Kataluniako Letren Institutuaren zuzendari zen garaian hainbat kontratu publiko modu irregularrean esleitzeagatik lau urte eta sei hilabeteko kartzela zigorra ezarri zion Kataluniako Auzitegi Nagusiak, baina auzitegiak berak indultua emateko eskatu zuen, espetxera sartzea saihesteko. 13 urteko inhabilitazioa eta 36.000 euroko isuna ere ezarri zizkioten, eta zigor horiek ez dizkiote kendu.
Amaitu egin da Kitchen auziaren epaiketa, lau hilabeteren ostean
Lau hilabetean zehar, 100 lekukok baino gehiagok deklaratu dute, eta epaiaren zain gelditu da prozesua.