Europak Espainia zigortu du Erkiziaren adierazpen askatasuna urratzeagatik
Giza Eskubideen Europako Auzitegiak Espainia zigortu du Tasio Erkiziaren adierazpen askatasuna urratzeagatik. Ezker abertzaleko buruzagi historikoari urtebeteko kartzela-zigorra eta zazpi urteko gaitasungabetzea ezarri zioten, Jose Miguel Beñaran Argalaren omenaldian parte hartzeagatik.
Estrasburgoko Auzitegiaren ustez, ezarritako zigorra "ez zen neurrikoa izan"; izan ere, "ezin da ondorioztatu auzi-jartzaileak ekintza terroristak justifikatu nahi zituenik". Are gehiago, izatekotan, gaineratu duenez, kontrakoa izan zen; alegia, bide demokratiko berri baten alde egin zuen.
Horrela, Espainiako Gobernuak 6.000 euroko kalte-ordaina eman beharko dio Erkiziari sortutako kalte moralengatik, eta 5.000 eurokoa ordainsaria, Giza Eskubideen Europako Hitzarmenaren (Adierazpen Askatasunaren) 10. artikulua urratu duelako.
Erkizia Jose Miguel Beñaran Argala ETAko kideari Arrigorriagan 2008an egindako omenaldian izan zen. Egindako adierazpenekin terrorismoa goratu zuela ebatzi zuen Auzitegi Nazionalak, eta urtebeteko kartzela-zigorra eta zazpi urtean kargu publikoan aritzeko debekua ezarri zioten.
Ezker abertzaleko buruzagi historikoak helegitea aurkeztu zuen Giza Eskubideen Europako Auzitegian. Orain, Estrasburgoko Auzitegiaren ustez, "ez da frogatu indarkeria terrorista zuzenean edo zeharka bultzatu zuenik, eta auzi-jartzailearen diskurtsoaren helburua bide demokratiko bati ekitea babestea zen". Era berean, Erkiziaren hitzaldia gorroto-diskurtsotzat hartzea baztertu du.
Dena dela, epaia ez da irmoa, Espainiako Gobernuak kasua berrikusteko eska baitezake.
Albiste gehiago politika
Kongresuak Gorenari jakinarazi dio 750.000 eurotik gora ordaindu zizkiola Abalosi, soldata eta dieta artean
'Koldo auziko' instrukzio epaileak egindako errekerimenduari erantzun dio horrela Diputatuen Kongresuak. Izan ere, Leopoldo Puente magistratuaren arabera, buruzagi sozialistaren kontu korronteetako zifrak ez zetozen bat Ogasunak emandako informazioarekin.
Mikel Torresek uste du Sanchezek borondatea duela Diazen Ministerioak kudeatutako transferentzietan oztopoak gainditzeko
Lehendakariorde eta Ekonomia, Lan eta Enplegu sailburuaren arabera, Lan Ministerioaren egungo kudeaketak konpondu beharreko erronkak ditu aurretik, baina atzo Bitariko Batzordean lortutako akordioek etorkizunerako "ate garrantzitsuak" irekitzen dituela iritzi dio.
Epaitegi batek Leire Diezen aurkako auzia ireki du, ustezko influentzia-trafikoagatik
PSOEko militante ohiak UCOri buruz hitz egiten duen audioen berri izan ondoren, Guardia Zibilaren elkarte batek haren aurkako salaketa jarri du eta bertan beste delitu batzuk ere aipatzen ditu, hala nola, eroskeria eta justizia oztopatzea.
Pradalesek "lidergo eta koordinazio handiagoa" eskatu dizkio Sanchezi, oztopo administratiboak eta eragozpen politikoak gainditzeko
"Akordioak betetzeko daude", adierazi du Pradales lehendakariak Lankidetza Iraunkorreko Aldebiko Batzordearen bileraren amaieran. Imanol Pradalesek "borondate politikoa" aitortu du Pedro Sanchezen aldetik, baina "ordena jartzeko" eskatu dio. "Erritmoa bizitu eta edukietan aurrera egin behar dugu, adostutako egutegia betetzeko", gaineratu du lehendakariak.
Eusko Jaurlaritzak eta Espainiako Gobernuak Itsas Salbamenduaren transferentzia adostu dute, eta Gizarte Segurantzaren eskualdaketan aurrera egin dute
Era berean, bi gobernuek kotizazio gabeko lau prestazio adostu dituzte (hiru familia-prestazio eta jaiotzagatiko sorospen berezia), baita eskola-aseguruaren prestazio ekonomikoen kudeaketa ere.
Deport Them Now talde neonaziko buruzagia atxilotu dute, Torre Pachecoko magrebtarren aurkako "ehizaldia" dei egiteagatik
Guardia Zibilak atxilotuaren etxebizitza miatu du Mataron (Bartzelona), eta bi ordenagailu atzeman ditu. Era berean, Deport Them Now talde supremazistak erabilitako bi Telegram kanal itxi dituzte.
Kargu tekniko batek onartu du "zurrumurruak" zeudela Belateren kontratua Accionak eta Servinabarrek eramango zutela
Lorenzo Serena Belateko tuneletako lanen kontratazio-mahaiko idazkaria izandakoak esleipen-prozesuarekinn ez zegoela ados azaldu zuen, eta eskaintzaren balorazioa argudiatzeko eskatu zuen, "susmoak" saihesteko.
Pradales lehendakaria Pedro Sanchezekin bildu da
Pedro Sanchez Espainiako Gobernuko presidenteak Imanol Pradales lehendakaria hartu du Moncloa Jauregian, Estatuaren eta Euskadiren arteko Aldebiko Lankidetza Iraunkorreko Batzordearen buru izan aurretik egindako bileran. Bertan, egiteke dauden transferentziak, euskararen ofizialtasuna Europan, makroeskualde atlantikoa, euskal industriaren ahalmen elektrikoa eta migrazioa aztertuko dira.
Auzitegi Gorenak ez du Bolaños ministroa ikertuko, Begoña Gomezen kasuaren baitan
Bolaños dirua bidegabe erabiltzea eta lekukotza faltsua ematea leporatuta zen ikertzekoa Juan Carlos Peinado instrukzio-epailea.
Europako Batzordeak zalantzan jarri du amnistia legeak "interes orokorrari" erantzuten dionik
Europako Batzordearen izenean parte hartu duen abokatu espainiarraren arabera, argi dago amnistia legea Sanchezen inbestidura lortzeko akordio politiko baten ondorio dela. Halaber, nabarmendu du Veneziako Batzordeari entzungor egin eta legea premiaz tramitatu izanak klase politikoaren, erakundeen eta gizartearen arteko "arrakala are sakonagoa" izatea eragin duela.