Erabakitzeko eskubidea gauzatzeko ordua iritsi dela aldarrikatuko dute Bilbon
Erabakitzeko eskubidea lege bilakatzeko "aukera historiko batean" gaudela iritzita, Euskal Herri mailako mobilizazioa deitu dute Hamaika Gara eta Gure Esku herri ekimenek gaur arratsalderako, Bilbon. 'Hamaika Gara erreferendumaren alde' lelopean egingo da kultura eta politika uztartuko dituen ekitaldia.
Euskal herritarren gehiengo zabal batek bere etorkizuna libre eta demokratikoki erabaki nahi duela aldarrikatuko dute antolatzaileek, eta horretarako, erreferenduma eskatuko dute. Kataluniaren eta Euskal Herriaren gatazka politikoa konpontzeko "bidea herriari galdetzea" dela nabarmendu dute.
Ildo horretan, udazkenean EAEko estatus politiko berriari buruzko eztabaida berriro abian jartzeko asmoaren aurrean, herritarrek euren nahia adierazteko ordua dela uste du erabakitzeko eskubidearen aldeko mugimenduak
Asteon Euskadi Irratian egindako elkarrizketan, Amalur Alvarez Gure Esku ekimeneko bozeramaileak esan du covid-19aren osasun krisiak agerian utzi duela "EAEren autogobernu mailaren ahulezia". Horren hitzetan, "zintzotasunez" onartu behar da etorkizuneko erronkei erantzuteko "tresna politiko propiorik ez" duela Eusko Jaurlaritzak. "Eskuduntzak baditugu, baina horiek garatzeko eta sakontzeko bermeak behar ditugu", gehitu du.
Erabakitzeko eskubidearen aldeko bidean urrats garrantzitsuak eman direla nabarmendu du Alvarezek, eta Kataluniako prozesua jarri ditu adibidetzat. "Ate instituzionalak zabaltzen" ari direla esan du. Horren aurrean, "euskal herritarrek eragiteko duten gaitasuna" erakusteko ordua dela iritzi dio.
Bilboko ekitaldia
17:30ean abiatuko da Bilboko ekitaldia, eta jende pilaketak saihesteko, 17:00etarako bertaratzeko deia egin diete herritarrei antolatzaileek.
Bi agertoki jarriko dituzte; Areatzan ipiniko duten oholtzatik zabalduko dute mezu politikoa, eta ibaian barrena ibiliko den ontzi batetik emanaldiak eskainiko dituzte Zetak, Olatz Salvador, Dupla eta Itziar Ituño sortzaileek.
Azkenik, burujabetzaren aldeko aldarriekin norberak bere kartela eramateko deia ere egin die herritarrei Gure Eskuk, eta horretarako, Hamaika Gara plataformaren webgunean hainbat eredu jarri dituzte
Zure interesekoa izan daiteke
Euskadik, Gaztela-Mantxak eta Kanariek bitartekotza independentea proposatu diote Osasun ministroari, greba medikoa desblokeatzeko
Euskadiko, Gaztela-Mantxako eta Kanarietako osasun-arduradunek gutun bat bidali diote Monica Garcia Osasun ministroari. Bertan, Pazienteen Erakundeen Plataformaren bitartekaritza independentea proposatu dute, greba-batzordearen eta Ministerioaren arteko elkarrizketa errazteko eta greba desblokeatzeko.
Ministroen Kontseiluak neurri ekonomikoak adostuko ditu gaur, Ekialde Hurbileko gerraren eragina arintzeko
Lege-dekretua datorren ostegunean onartu beharko dute Kongresuan. Lau arlotan egituratutako plan zehatza jarriko dute mahai gainean: egiturazko neurriak, zerga-paketea, sektore kaltetuentzako berariazko laguntzak eta pertsona zaurgarrientzako laguntzak biltzen dituena.
Sanchezek aurrekontuen aurkezpena baztertu du uneotan, gerrari erantzuteko
Ez du baztertu aurrekontuak aurrerago aurkeztea, horietan lan egingo dutela adierazi baitu, baina argi utzi du ez dela hilabete honetan izango, "politika, bizitza bezala, ez delako aurreikusi daitezkeen planen araberakoa", eta inork ez zuelako Ekialde Hurbileko gerra aurreikusten.
Rufian eta Montero elkarrekin, ezkerraren etorkizunari buruzko ekitaldi publiko batean
Ezkerreko alderdiek ongietorria eman diote apirilaren 9an Bartzelonan izango den ekimenari. Sumarrek eta PSOEk begi onez ikusten dituzte ezkerreko fronte bat eraikitzen lagunduko duten ekintzak eta elkarrizketak.
Espainiako Gobernuak baztertu egin du adostasunik ez duten neurriak krisiaren aurkako planean sartzea
Alokairuko etxebizitzetan bizi direnei nolabaiteko babesa emateko neurriak negoziatzen ari dira oraindik. Dekretua ostiralean onartuko dute Ministroen Kontseiluan eta datorren astean bozkatu Kongresuan.
Bengoetxea: "Euskara defendatzea batzea da, ez baztertzea"
Korrikaren inguruan sortutako polemikaren harira, Ibone Bengoetxea Eusko Jaurlaritzako Kultura eta Hizkuntza Politikako sailburuak esan du Korrika beti izan dela "euskararen inguruko topagune sozial handia", eta "garrantzitsua" dela "batzen duen espazioa izaten jarraitzea". "Ez da harresi edo lubaki gehiagorik behar. Euskarak zubiak behar ditu", adierazi du.
Etchegarayk ez dio sinesgarritasunik eman Baionan eratu duten ezkerreko aliantzari
Azken 12 urteotan Baionako alkate izan denak hautesle abertzaleei gogorarazi die Etcheto sozialista jakobinoak Euskal Hirigune Elkargoa sortzearen aurka egin zuela.
PSE-EEk ez du Korrikan parte hartuko "CCOOri jarritako betoagatik"
Alderdi sozialistak ohar batean kritikatu duenez, "CCOOren ordezkaritza baztertzea euskarak merezi ez duen intolerantzia adierazpen bat da".
?fmt=webp-alpha&qlt=80)
Ezkerreko alderdiek akordioa itxi dute Baionan eta Biarritzen, bigarren itzulira elkarrekin aurkezteko
Lapurdiko hiriburuan, Jean-Claude Iriart abertzalea izango da ezkerreko aliantzaren zerrendaburu, eta helburua da Jean-Rene Etchegaray orain arteko auzapeza kargutik kentzea. Elgarrekin Baionarentzat izena hartuko du zerrenda berriak.
Negoziazioak ezker-eskuin, auzapezak erabaki gabe geratu diren 11 udalerrietan
Baionan, Biarritzen, Hendaian, Kanbon eta beste zazpi udalerritan datorren igandean erabakiko da nork gidatuko duen herriko etxea datozen sei urteotan. Bihar arratsaldeko 18:00ak arteko epea dute zerrendak bateratzeko, hala erabakitzen duten kasuetan.