Audientzia Nazionalak Sorturen Kalera Info aldizkaria eta kalerakalera.eus webgunea ixteko agindu du
Auzitegi Nazionalak Sortuk argitaratzen duen "Kalera Info" aldizkaria eta Kalerakalera.eus webgunea "berehala" ixteko eskatu du, terrorismoa goratzea leporatuta.
Sortuko bozeramaile Haimar Altunak eta Oihana Garmendiak asteazken honetan Donostian emandako prentsaurrekoan egin dute iragarpena, eta gertatutakoa "larria eta kezkagarria" dela esan dute; izan ere, azpimarratu dutenez, "alderdi baten jarduera komunikatiboaren aurka egiten du".
Auzitegi Nazionalaren erabakia Fiskaltzaren eskaera baten ostean etorri da; hark eskatu zuen bi argitalpenak aldi baterako ixtea, kautelazko neurri gisa, ETAren terrorismoari gorazarre egiten zitzaiola ulertuta.
Ministerio Fiskalaren eskaera Madrilgo Instrukzioko 6 zenbakiko Epaitegi Zentralaren auto batean onartu dute; irailaren 15eko data darama autoak. Oihana Garmendiak azaldu duenez, Sortuko abokatuek helegitea jarri dute eta behin betiko ebazpenaren zain daude orain.
Garmendiak adierazi du Kalera Info aldizkaria presoei informazioa eskaintzeko tresna bat dela, haiei eragiten dien auzi judizialen berri ematen duena, "beraien ibilbide penitentziarioa egiteko interesekoa den informazioa eskaintzen duena eta presoen eskubideen alde egiten diren mobilizazioen berri ematen duena". "Ez gehiago, ezta gutxiago ere". adierazi du.
2017an argitaratu zen lehenengoz aldizkaria eta hiru hilean behin argitaratzen da. bertan ETAko presoei buruzko informazio zehatza, argazkiak eta espetxe-egoera biltzen ditu, baita espetxe-graduen sistemari buruzko datuak ere.
Garmendiak Auzitegi Nazionalean ETAko presoei egindako harrerengatik Sortu taldeko sei kideren aurka irekitako sumarioaren barruan kokatu du erabakia.
"Estatuaren estolderiaren eraso larria" da Sorturen ustez dekretu hau: "alderdi baten jarduera komunikatiboaren aurka jo dute, informatzea bezalako eskubide eta jarduera zilegia oztopatuz", esan du Garmendiak.
Nabarmendu duenez, "konponbiderako ireki den aukera-leihoa kosta ahala kosta itxi nahi dute, gehiengoaren borondatearen kontra, elkarbizitza eraikitzearen kontra.
Azkenik Espainiako Estatuari eskatu dio "uko egin diezaiola behingoz biolentzia erabiltzeari, gatazkari irtenbide demokratiko bat emate aldera. Erantzukizunez jokatzeko garaia da", esanez amaitu du.
Zure interesekoa izan daiteke
Hondartzetan mobilizazioa egin dute atzera ere Sarek eta Etxeratek, ETAko preso guztiak etxera itzultzea aldarrikatzeko
Ehunka pertsona bildu dira Bizkaiko eta Gipuzkoako 11 hareatzetan, oraindik ere erregimen itxian dauden presoei espetxe politika arrunta aplikatzea eskatzeko.
"Muga zabalik", "Haraga Ceuta": horrela hauspotu zuten sare sozialek Ceutako sarrera masiboa
Sare sozialek berebiziko garrantzia izan zuten milaka gazte Ceutan sartzera animatzeko orduan.
Ceutan, desagertutako senideen bila ari dira familia ugari, eta gorpuak identifikatzeko toki bat ireki dute
Oraingoz, 72 hildako zenbatu dituzte, baina urpekariek gorpu gehiago aurkitu dituzte.
Ceutako muga normaltasuna berreskuratzen ari da pixkanaka, baina hildakoak 67 dira jada
Migratzaile batzuek esan dute berriro saiatuko direla, eta "Poliziaren estrategia" kritikatu dute, saltokiei ixteko eskatu dietelako. 50.000 etorkin inguru itzuli dira Marokora.
Zergatik alda dezake hesi berriak Ceutako mugaren kudeaketa?
Azpiegitura berriak 500 metro ditu, eta berehalako itzulketen inguruko auzi juridiko bati erantzun nahi dio.
Marlaskaren arabera, Maroko "ez da mehatxua", eta Ceutara iritsitako migratzaileek ezingo dute euren egoera erregularizatu
Barne ministroak adierazi du Espainiako Gobernua lanean ari dela uztailaren 30ekoa bezalako sarrera masiborik berriro gerta ez dadin, baina onartu du ezin duela bermatu halakorik berriro ez gertatzea.
Sanchezek EBko Barne ministroen premiazko bilera eskatu du, Ceutako migrazio krisiaren harira
Espainiako Gobernuko presidenteak "kezka larria" helarazi dio Ursula von der Leyeni Europako zenbait gobernuren erreakzioagatik, eta Italiak iragarritako mugen itxiera gogor kritikatu du.
Espainiako Gobernuak hesi bat jarri du Ceutan, mugako morruan
Auzitegi Gorenak ebatzi zuen "mugako elementuak" gainditzen dituztenak bakarrik itzul daitezkeela heldu eta berehala. Hesia jarrita baldintza hori bete nahi dute.
Milaka migratzaile Marokora itzuli dira jada, Ceutara masiboki iritsi ondoren
Armadak bere tankeak jarri ditu kai-muturretik hirirako sarbidean, sakabanatzea eragozteko. Hildako etorkinak 57 dira jada. Pedro Sanchezek Espainiaren lurralde-osotasuna urratu dutela salatu du Ceutatik.
Italiak Schengen akordioa eten du Espainiarekin, eta kontrolak ezarri ditu portu eta aireportuetan
Gutxienez hilabetez, kontrolak ezarriko dizkie Espainiatik doazen eta europar jatorria ez duten bidaiariei; Europar Batasuneko gainerako herrialdeetatik doazenek, berriz, ez dituzte kontrol horiek gainditu beharko.