Anduezak ostiral honetan aurkeztuko du PSE-EEren idazkari nagusi izateko hautagaitza
Euskadiko Alderdi Sozialistak baieztatu duenez, Eneko Andueza Gipuzkoako sozialisten idazkari nagusiak ostiral honetan aurkeztuko du Idoia Mendiaren ordezko izateko hautagaitza PSE-EEren idazkaritza nagusian.
Mendiak astelehenean iragarri zuen ez dela PSE-EEko idazkari nagusi izateko primarioetara aurkeztuko. Idazkaritza nagusia uzteko erabakia duela urtebete hartu zuela eta Pedro Sanchezi orduan jakinarazi ziola azaldu zuen.
Gauzak horrela, Alderdi Sozialistaren baitan hasieratik ziurtzat eman dute Eneko Anduezak idazkari nagusi izateko hautagaitza aurkeztuko duela eta bera izango dela buruzagi berria. Alderdiak azaroaren 20an eta 21ean egingo hauteskunde primarioak.
Legebiltzarrean egiten ari diren opor osteko lehen osoko bilkuraren atarian, Eneko Anduezak hitz gutxitan "gaur ez, gaur ez" esan du Euskadi Irratiko mikrofonoen aurrean; izan ere, gaur ez, bihar izango da bere hautagaitzaren aurkezpena Bilbon, eta Idoia Mendiaren babesa ere izango du.
"Betidanik hurbilekoa izan da, lankidetzan aritu gara eta postu garrantzitsua eman nahi izan nion aurreko legealdian", esan du Mendiak, orain arte PSE-EEren idazkari nagusia izan denak.
Eibarren jaioa, Euskal Herriko Unibertsitatean egin zituen Politika eta Administrazio Zientzietako ikasketak. 17 urte zituela hasi zuen bere ibilbide politikoa, Euskadiko Alderdi Sozialistan eta Euskadiko Gazte Sozialista elkartean afiliatu zenean. Ordiziako Udaleko zinegotzia izan da, aldi baterako, ETAren indarkeriaren presioaren ondorioz bere kargua bete nahi izan ez zuten tokiko zenbait lankideren postua betetzeko.
Gainera, Gobernuaren Euskadiko ordezkariaren aholkularia izan da, Iñaki Arriolaren Kabineteko burua, eta alkateordea Eibarko Udalean, non tokiko elkarte sozialistaren idazkari nagusia ere izan den.
Ondoren, Batzarkide Sozialisten Taldeko bozeramaile izan da Gipuzkoako Batzar Nagusietan, eta gaur egun Eusko Legebiltzarreko kide da.
Soraya Morla Basauriko zinegotzi ohia ere, hautagai
Soraya Morla Basauriko Udaleko PSE-EEko zinegotzi ohiak ere Idoia Mendia ordezkatzeko hautagaitza aurkeztuko du.
50 urteko zinegotzi sozialista ohia Basaurin jaio da, eta irailaren 27ra arteko epea du bere burua hautagai gisa aurkezteko. Europa Press albiste agentziari egindako adierazpenetan adierazi duenez, bere asmoa da alderdiak "lehengo izaera berriro berreskuratzea" eta EAJrekin dituen gobernu akordioak ez errepikatzea.
"Herritarrentzako beharrezkoak diren gauza puntualak babestu daitezke, baina gure nortasuna izan nahi dugu berriro, diluitzen ari garelako. Gai organikoa da, ez politikena, sozialista guztiok baitugu ideia bat ", gaineratu du.
Zure interesekoa izan daiteke
"Immobilismoa ez da aukera bat", ohartarazi dio Sumarrek Sanchezi, eta aldaketak eskatu dizkio berriro
Ernest Urtasunek adierazi duenez, legealdiko une "oso larria" da, PSOEri eragiten dioten ustezko ustelkeria kasuak eta buruzagi sozialisten aurkako sexu-jazarpen salaketak direla eta.
Sanchez Junquerasekin (ERC) bilduko da urte hasieran, legegintzaldian aurrera nola egin aztertzeko
Juntsi dagokionez, Pedro Sanchezek aitortu du Kataluniako alderdiarekin "harremana hautsita" dagoela, baina akordioak betetzeko "erabateko borondatea" agertu du.
Sanchezek adierazi du "feminismoarekiko erabateko konpromisoa" duela eta ustelkeriaren aurka "irmo" diharduela
Espainiako Gobernuko presidenteak agerraldia egin du Moncloan, urtearen balantzea egiteko. Azpimarratu duenez, legealdia amaitzeko borondatea du, eta horretarako babesak "harrien azpian ere" bilatuko dituela hitzeman.
Espainiako Gobernuaren egoera "jasanezina" dela dio Urkulluk
'Forum Europa. Tribuna Euskadi' saioan egindako hitzaldian, Euskal Herriko gaurko egoera politikoa ere aztertu du eAtlantic Fundazioko presidenteak, eta garrantzia kendu die EAJren eta PSEren arteko "desadostasunei", horren iritzian, "egonkortasunaren" alde adosteko gai diren alderdiak direlako.
Aske utzi dute CAFen aurkako protestan atxilotutako laguna
Protesta larunbat eguerdian egin zuten, Bilboko erdigunean, CAF euskal enpresari Israelekin dituen kontratuak bertan behera uztea eskatzeko. Protestan, lau ertzain eta manifestari batzuk zauritu ziren.
Harrera hunkigarria egin diote Donostian Mikel Zabalzaren omenezko autobus martxari
Guardia Zibilak duela 40 urte hil zuen autobus gidari nafarraren kasua oroitzeko ekimenaren amaieran, ekitaldia egin dute igande eguerdian Boulevardean. Zabalzaren senideek "egia, justizia eta erreparazioa" galdegin dituzte bertan, eta euskal erakundeei "akuilu" gisa aritzeko eskatu diete auzia behingoz argitzeko.
CAFen aurkako protesta egin dute Donostian, eta Israelekin negoziorik ez egiteko eskatu diote
Euskotrenen geltokian egin dute protesta, eta trenen zirkulazioa eten dute zenbait minutuz, trenbidearen gainean pankartak jarrita. Joseba Alvarez protestarien ordezkariak azaldu duenez, “ezin da horrelako proiektu bat aurrera eraman sionismoarekin kolaboratu gabe”, eta horregatik eskatzen diote CAFi bertan behera uzteko Israelekin egindako trenen proiektua.
Sanchezek gobernatzen jarraitzeko nahia agertu du, "egoera zail hau gorabehera"
Caceresen egindako mitin batean, buruzagi sozialistak azpimarratu du PSOE "irmotasunez eta gardentasunez" aritu dela ustelkeria eta sexu-jazarpen kasuen aurrean. Sumar koalizio gobernuko kideak eta inbestidurarako beste bazkide batzuek, EAJk kasu, auzitan jarri dute gobernagarritasuna, eta Sanchezen gaineko presioa areagotu dute.
Auzitegi Nazionala Tubos Reunidosen kontratu bat ikertzen ari da, Leire Diazi ustez eskupekoak emateagatik
Guardia Zibilaren txostenaren arabera, 113 milioi euroko kontratu baten esleipena azkartzeko, komisioak ordaindu zizkion enpresak. Nafarroako Erri Berri enpresarekin egindako beste kontratu bat ere badago ikerketapean.
Gure Eskuk "gehiengoaren borondatea ikuspegi alderdikoien gainetik jartzea" eskatu du eta erabakitzeko eskubidea aldarrikatu du
Erabakitzeko eskubidearen aldeko plataformak Bazkideen Batzarra egin du Gasteizen. "Eragile politiko eta sozialek ardura eta anbizioz jokatu behar dute une historiko honetan burujabetza osoaren bidean urrats sendoak egiteko", adierazi dute.