EAJren eta PSEren arabera, badago oraindik denbora oposizioarekin aurrekontuen inguruko akordioa egiteko
EAJk eta PSEk "oraindik ere denbora asko" dagoela negoziaketarako berretsi dute gaur Radio Euskadiko Parlamento en las Ondas saioan, "oposizioarekin bat egin dezakegun oinarri garrantzitsuak egon daitezke" esan dute bi alderdietako parlamentarioek.
Jose Antonio Suso jeltzaleak eta Alberto Alonso sozialistek berretsi dute aurrekontu proiektua "inoizko sozialena" dela. Baina hori ukatu egin dute EH Bilduko eta Elkarrekin Podemos EBko ordezkarik, eta esan dute hainbat partida sozial oso garrantzitsutan diru kopurua jaitsi egin dela aurreko urteetako aurrekontuekin alderatuta.
Iker Casanova koalizio abertzaleko bozeramailearen ustez, oposizioak proposamenak egin izanak "lekuz kanpo harrapatu du Gobernua", eta Exekutibaren diskurtsoak "oposizioa banatzea" zuela helburu salatu du. Aurrekontu proiektua "txarra" dela adierazi du Casanovak baina onartuta daukala EAJk eta PSEk gehiengo osoa daukatela. Horregatik, "Gobernuari ez onartzea zaila litzaizkiokeen sei proposamen ekonomiko" egin dizkiotela azaldu du.
Elkarrekin Podemos EBko bozeramaile Isa Gonzalezek ere Eusko Jaurlaritzaren jarrera kritikatu du, honek "oposizioaren proposamenak ez direla errealistak" esan eta gero. Euren planteamenduak "errealistak izateaz gain, beharrezkoak" direla defendatu du.
PP-CS koaliziotik, Carmelo Barriok tamalgarritzat jo du negoziaketak "berandu" hasi izana baina hizketan jarraitzeko prest agertu du, naiz eta konbentzituta dagoen "EAJk eta PSEk EH Bildurekin eta Elkarrekin Podemos -EBrekin" egin nahi dutela akordioa.
Bestalde, oposizioko taldeen iritziz, eztabaida fiskala aurrekontuen negoziaketa prozesuan sartu beharko litzateke, Azpiazu kontseilaria aldekoa ez bada ere. Fiskalitatea hizpide izan aste honetan, gainera, Iñigo Urkullu lehendakariaren eta Isabel Diaz Ayuso Madrilgo presidentearen ika-mikaren harira. PP-CS ez beste guztiek gaitzetsi egin dute Ayusoren eredua eta aberastasuna birbanatzen duen sistema fiskalaren alde egin dute.
Zure interesekoa izan daiteke
Eusko Jaurlaritzak eta Espainiako Gobernuak trafiko azterketen eta nekazaritza aseguruen transferentzia sinatuko dute astelehen honetan
Azterketen eta aztertzaileen antolaketa, zirkulazio-baimenak ematea eta ibilgailuen matrikulazioa eskualdatuko dira, baita bide-azterketa eta berreziketarako zentroen kudeaketa ere. Nekazaritzako aseguruei dagokienez, ENESAren funtzioak bere gain hartuko lituzte Jaurlaritzak.
Peinadori espedientea irekitzea aztertuko du Botere Judizialaren Kontseilu Nagusiak, Poliziari buruz esandakoagatik
Begoña Gomez auzipetzeko kaleratutako autoan epaileak esan du Poliziak ihes egiteko laguntza eman liezaiokeela Espainiako Gobernuko presidentearen emazteari.
Peinado epaileak Begoña Gomez epaitzea erabaki du, eta pasaportea kendu dio
Espainiako Gobernuko presidentearen emazteak ustez egindako delituak ikertzen ari da epailea, eta ahozko epaiketa abiatu aurretik hartu ditu kautelazko neurriak. Halaber, Espainiatik ateratzea debekatu dio, eta hamabostean behin epaitegian agertu beharko du. Defentsaren abokatuak helegitea jarriko du.
Londresera Euskadi "kritikatzera" eta etxebizitzaz hitz egitera joatea egotzi dio EAJk EH Bilduri, bere ekarpena "zero" izan arren
Iñigo Ansola EAJren BBBko presidenteak Pello Otxandiano Eusko Legebiltzarreko EH Bildu koalizioko burua kritikatu du aste honetan Londresera joateagatik, EH Bilduk etxebizitzari buruz egindako proposamena aurkeztera, "Euskadi zalantzan jarri eta kritikatzeko". Horren harian, Euskadin etxebizitza publikoa eraikitzeko egin duen ekarpena "zero" dela esan du.
Anduezak esan du PSE-EEk gogoz, esku garbiz eta indarrez jarraitzen duela udal eta foru hauteskundeetarako
Eneko Andueza PSE-EEko idazkari nagusiak adierazi du sozialistek herritarren kezkak konpontzeko lanean jarraitzen dutela. Datorren urteko udal eta foru hauteskundeei begira, gogoz, esku garbiz eta indarrez jarraitzen dutela esan du.
Hauteskunde orokorrak 2027an izango direla berretsi du Sanchezek, udal hauteskundeekin bat egin gabe
Pedro Sanchez Espainiako Gobernuko presidenteak berretsi du hauteskunde orokorrak 2027an izango direla. Maiatzeko hauteskunde autonomikoekin eta udal hauteskundeekin batera ez direla egingo erantsi du, baina ez du zehaztu aurretik edo geroago izango diren.
Euskararen lurgunea gero eta zabalagoa da Nafarroan, baina estuturik dauka Euskararen Legeak berak
Euskararen Foru Legeak 40 urte betetzen ditu aurten, eta euskara lekua irabazten joan den arren, legeak bere horretan jarraitzen du, lurraldea hiru eremutan banatzen, bai eta nafarren hizkuntza eskubideak mugatzen ere. Euskararen ofizialtasuna lurralde osora hedatzea askoren aspaldiko eskakizuna da, baina tramite administratiboaz harago, borondate politiko argia eta negoziazio gaitasuna eskatzen ditu prozesuak.
Hauek dira Zapaterok Plus Ultra auziko epailearen aurrean egindako deklarazioaren pasarte nabarmenenak
Espainiako Gobernuko presidente ohiak ukatu egin zuen Plus Ultra aire konpainiaren erreskatean inolako esku hartzerik izan zuela eta bere bulegoan egindako miaketan aurkitutako bitxien inguruan erantzutea saihestu zuen.
Iraolak EAJren eta EH Bilduren "inkoherentzia" salatu du Eibarko sokamuturraren auzian
Eibarko sanjuanetan sokamuturra berreskuratzea herritarren eskaria izan dela esan du Jon Iraola Eibarko alkateak (PSE-EE). Gaiak eragin duen polemika dela eta, EAJren eta EH Bilduren "inkoherentzia" salatu du, eurek gobernatzen duten udaletan beste jarrera bat omen dutelako. Hauteskunde interesen arabera jokatzea egotzi die biei.
Euskararen alorrean harago joateko eskatu dio Barkosek Chiviteri eta zonifikazioa kentzeko
Nafarroako presidente ohiaren ustez, euskara berezko hizkuntza gisa aitortzeak "ez luke ezer aldatuko", eta hizkuntza lurralde osoan ofizial egitea aldarrikatu du.