Lan-erreformaren kontra bozkatuko dute EAJk eta EH Bilduk, hainbat moldaketa jaso ezean
Radio Euskadiko Parlamento en las Ondas saioan, besteak beste, Espainiako Gobernuak aurrera atera nahi duen lan-erreforma izan dute hizpide. EAJk eta EH Bilduk argi utzi dute ez dutela testua bere horretan babestuko, eta eurek proposatutako moldaketak jaso ezean, kontra bozkatuko dutela.
Azken asteotan EAJk aurreratu bezala, Jose Antonio Suso legebiltzarkide jeltzaleak hitzarmen autonomikoak Estatukoen gainetik lehenestea jarri du ezinbesteko baldintzatzat, eurek lan-erreforma babesteko. "Lan harremanetarako euskal markoa errespetatu behar da", esan du.
Ildo beretik mintzatu da Iker Casanova EH Bilduko ordezkaria ere. Horren ustez, hitzarmen autonomikoak lehenesteaz gain, badira nahitaez jaso behar diren beste erabaki batzuk, tartean, "45 eguko kalte-ordainak". Ezkerrak urtetan lortutako eskubideei uko egitea litzateke, Casanovaren ustez, errefoma hau onartzea. Horregatik, EH Bilduren babesa lortzea erraza ez duela izango esan dio Espainiako Gobernuari.
Aldiz, Madrilen gobernukide diren PSEk eta Elkarrekin Podemos-IUk "erreformak aurrerapauso garrantzitsuak" ekarriko dituela azpimarratu dute, besteak beste, "behin behinekotasuna amaitzeko". Ekain Rico sozialistak "arduraz jokatzeko" eskatu die alderdi abertzaleei, "langileen eskubideak berreskuratuko dituen lan-erreforma" baten aurrean daudela esanez. Iñigo Martinez Elkarrekin Podemos-IUko legebiltzarkideak ere, Espainiako Gobernuaren proposamena babestu du, baina "abiapuntua" dela adierazi du.
PPk egindako lan-erreformaren alde hitz egin du Carmelo Barrio popularrak, "milioika lanpostu" sortzeko balio izan zuela nabarmenduz. Azkenean, talde abertzaleek Sanchezen proposamenaren alde bozkatuko dutela ziur agertu da. VOXeko Amaia Martinezek, bere aldetik, Espainiko Gobernuaren eta testua izenpetu duten eragileen propagandatzat jo du lan-erreforma.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.