EH Bildu sektore berrietara zabaltzeko apustua egin du Sortuk, erakundeetan agintea lortzeko
Sortuk zuzendaritza berritzeko eta etorkizuneko erronkei aurre egiteko Kongresua egin du, eta bertan EH Bildu sektore berrietara zabaltzeko apustua berretsi du.
Arkaitz Rodriguez orain arte ere idazkari nagusi izan denak alderdikideen ia erabateko babesa jaso du karguan jarraitzeko (% 89), eta bere taldean zenbait izen berri egongo dira, tartean David Pla ETAko kide ohia.
Herrigaia izeneko ponentzia babestu du zuzendaritza berriak, eta horrela, "borroka ezberdinak artikulatu eta aliantza zabalak sortzea" jarri du helburu.
Ezker abertzalea ordezkatzen duen alderdiak bere hirugarren Kongresua itxi du gaur Bilboko Bizkaia pilotalekuan, eta koronabirusaren eraginez mugak izan badituzte ere, azkenean 800 militante elkartu dira, nazioarteko ordezkaritzarekin batera (Galiziatik, Kataluniatik, Kolonbiatik, Palestinatik, Kurdisandik, Uruguaitik eta Irlandatik etorriak).
Zuzendaritza edo Nazio Kontseilu hautatu berriak % 89ko babesa lortu du, eta kontrako botoak % 6 besterik ez dira izan. Izen berrien artean, David Pla ETAko buruzagi ohiarena da azpimarragarriena, eta norabidetze estrategikorako gunearen arduradun izango da.
Ezker abertzaleko "belaunaldi ezberdinak" ordezkatuko omen ditu zuzendaritzak, mugimendu feministan, ekologistan, euskalgintzan, hezkuntzan, eta abarretan ibiliak.
EH Bildu eta EH Bai sektore berrietara zabaltzea
Euskal presoen aurkako espetxe politika amaitzeko eskaerarekin eta elkarbizitzaren aldeko deiarekin hasi du hitzartzea Arkaitz Rodriguez idazkari nagusi izaten jarraituko duenak. Azken urteetako balantzea egin du, eta azpimarratu du "gaur herri hau baketik eta askatasunetik gertuago" dagoela.
Aurrera begirako erronkei dagokienez, "zibilizazio berri baten eraikuntza, zibilizazio sozialista batena" aldarrikatu du, "bizitza eta zaintza erdigunean" jartzen dituena.
Hori lortzeko, ezinbesteko jo du "gehiengo sozialen lan eta bizi baldintzak hobetuko dituzte proposamen, borroka eta egitasmo zehatzak mahai gaineratzea". Puntu horretan pentsiodunak, Tubacexeko langileak, Ipar Euskal Herriko etxebizitza eskubidearen aldeko mugimendua eta beste hainbat aipatu ditu.
"Bidezko estatu" batean bizi ahal izateko, ezinbesteko jo du "burujabetza berreskuratzea", eta euskal estatu propio bat eraikitzea.
Azkenik, ezker subiranista indartze aldera, EH Bildu eta EH Bai sektore gehiagotara zabaltzeko lan egiteko konpromisoa hartu du Rodriguezek, "ahal den erakunde guztietan agintzeko", hori "ona delako askapen prozesurako".
Albiste gehiago politika
Feijoo: "Gure herrialdea berreraikitzea da nire konpromisoa"
PPren burua berriro hautatu dute alderdiko presidente botoen % 99,24ko babesarekin. Hain zuzen ere, Feijooren lidergoa indartzea eta gobernu-alternatiba gisa agertzea helburu dituen XXI. Kongresu Nazionala egiten ari dira popularrak asteburu honetan.
Yolanda Diaz: "Pedro Sanchezek ez du herrialdea demokratikoki berreraikitzeko neurririk proposatu"
Espainiako Gobernuko Lan ministroak Pedro Sanchezek PSOEren Batzorde Federalean egindako agerraldia kritikatu du, eta, ohartarazi duenez, "aldaketarik ezean", asteazkenean Kongresuko osoko bilkuran egingo duen agerraldian "Alderdi Sozialistaren izenean hitz egingo du Sanchezek, ez Gobernuaren izenean".
Sanchezek hamahiru neurri proposatu ditu alderdi barruko ustelkeria kasuei aurre egiteko
Rebeca Torro valentziarra, orain arte Industriako Estatu idazkari zena, izango da Cerdanen ordezkoa. Ezagunak ziren polemikez gain, orain beste bat gehitu zaie, Salazarrek uko egin baitio bere karguari sexu-jazarpen salaketengatik.
Sanchezek barkamena eskatu die sozialistei "merezi ez zutenengan" konfiantza izan zuelako, baina, "arduragatik" aurrera egin behar dela berretsi du
Pedro Sanchez Espainiako Gobernuko presidente eta PSOEko idazkari nagusiak Batzorde Federalean onartu du une zailak bizi dituela alderdiak, baina, traizioak traizio, "lortu dugunagatik eta lortzeko diugun guztiagatik" lanean jarraitzeko deia egin du.
Donostiako Udalak hiru plaka berri jarri ditu, 1979an ETAk hildako Espainiako hiru polizien omenez
Murtziatik etorri berriak, Donostiara iritsi eta hurrengo egunean hil zituzten. 41, 30 eta 29 urtekoak ziren hildakoak, ezkonduta zeuden eta seme-alabak zeuzkaten. Euren senideak, oso hunkituta, izan dira gaurko omenaldian.
Osasun Ituna hobetzeko "tarte handia" dagoela ohartarazi dio EH Bilduk Eusko Jaurlaritzari
Koalizioaren aburuz, sektoreko sindikatu gehienak kontra dituen ituna ez da batasun akordio bat. Dena den, neurri horiek aplikatzeko orain hasiko den laugarren fasera begira, erantzukizunez jokatuko dutela iragarri du, osasun sistema publikoa bermatu dadin ziurtatzeko.
Francisco Salazarrek uko egin dio PSOEren zuzendaritzari, sexu-jazarpen salaketen ostean
Rebeca Torro Antolakuntza idazkariaren albokoa izan behar zuen Hauteskunde Ekintza eta Analisirako Idazkaritzan. Salazar ez da PSOEren Exekutiba Federal berriko kide izango, eta Pedro Sanchezen aholkulari gisa Moncloan zuen kargutik "behin-behinean" kentzeko eskatu du. Zehazki, Gobernuko Lehendakaritzaren koordinatzaile instituzionala zen.
Andueza: "Euskal sozialistok badakigu egoera zailenetan ondo lan egiten"
PSE-EEren idazkari nagusiak esan du lan egiten jarraitzeko asmoz joan direla PSOEren Batzorde Federalera, "ibilide orri eta norabide berria" ezartzeko prozesuan parte hartzera.
EAEk "aldez aurretik egindako ahalegina" kontuan hartu izana baloratu du Melgosak: "Orain beste erkidego batzuek egin behar dute"
Nerea Melgosa Ongizate, Gazteria eta Erronka Demografikoko sailburua pozik agertu da Ministerioak kontuan hartu duelako Euskal Autonomia Erkidegoak adingabe migratzaileak hartzeko "aldez aurretik egindako ahalegin etengabea": "Orain beste erkidego batzuek egin behar dute", erantsi du.
PSOEk bere Kode Etikoa aldatuko du prostituzioa erabiltzen dutenak kanporatzeko
Pedro Sanchez bere alderdiko Berdintasun idazkariekin bildu da erreformari heltzeko. Kode Etiko berriak PSOE abolizionista dela azpimarratuko du, prostituzioa "emakumeen aurkako indarkeriaren adierazpena" baita.