Presoen auzia konpontzeko eta gatazka politikoari irtenbide demokratikoa emateko eskatu du Sortuk
ETAk jarduera armatua bukatutzat eman zuenetik 10 urte bete direnean, Sortuk agerraldia egin du Donostian. Ehun bat militante batu dira eta tartean izan dira ezker abertzaleko buruzagi historiko ohiak, hala nola Rufi Etxeberria, Joseba Permach, Jone Gorizelaia, Tasio Erkizia, Joseba Alvarez, Rafa Diez Usabiaga, David Pla eta Antton Lopez Ruiz.
Arkaitz Rodriguezek hiru aldarrikapen azpimarratu ditu: euskal presoen auzia konpontzea, indarkeria guztietako biktima guztiak aitortzea eta Euskal Herriko gatazka politikoari irtenbide demokratikoa ematea.
Sortuko idazkari nagusiak adierazi du bakea eta bizikidetza eraikitzeko "une erabakigarria" dela eta ezker independentistak "oraindik itxita dauden ateak irekitzeko lanean" segituko duela agindu du.
"Inolako zalantzarik gabe, Euskal Herrian bizi dugun egoera duela 10 urte baino hobea da orain. Hamar urte geroago esan dezakegu biolentzietako bat betirako desagerrarazten lagundu dugula", erantsi du.
Aieteko Adierazpenean jasotako konpromiso guztiak berretsita, presoen auzia konpontzea, indarkeria mota guztietako biktima guztiak aitortzea eta gatazka politikoari aterabide demokratikoa ematea ezinbestekoa dela nabarmendu du.
"Aukera hau zintzotasunez eta ausardiaz elikatzen jarraituko du, eta horren erakusgarri da Urriaren 18ko Adierazpena". ETAren biktimek jasandako mina aitortu zuten EH Bilduk eta Sortuk, "inoiz gertatu behar ez" zela esanez.
Hala, urratsak ematen segituko dutela nabarmendu du, "batzuentzat beti eznahikoak izango diren arren". "Ondo eta gaizki egindakoa gure gain hartzen dugu. Guztiok arduraz jokatzeko unea da", adierazi du Rodriguezek.
Zure interesekoa izan daiteke
Guardia Zibilaren Unitate Zentral Operatiboa PSOEren Ferrazeko egoitzan sartu da
Kortajarenaren ustez, Zupiria "justifikaezina justifikatzen" saiatu da, eta neurriak eskatu dizkio
Legebiltzarreko EH Bilduko bozeramailearen hitzetan, neurriak hartu ezean, "inpunitateari autobide bat irekitzen" zaio.
Rufian: "Beti esan izan da legealdiek EAJk dioena irauten dutela"
EAJk Pedro Sanchez Espainiako Gobernuko presidenteari hauteskunde orokorrak ez aurreratzea "arduragabea" litzatekeela esan ostean, Gabriel Rufian ERCk Kongresuan duen bozeramaileak esan du beti esan izan dela EAJk erabakitzen duela legealdien iraupena. Kongresuko pasilloetan egindako adierazpenetan, buruzagi kataluniarrak azaldu du bere alderdiak hauteskundeak aurreratzea eskatuko lukeela PSOEren finantziazio irregularra frogatuko balitz.
Vaquerok uste du arduragabea dela Espainiako legealdia 2027ra arte eramatea
Maribel Vaquero EAJren Diputatuen Kongresuko bozeramailearen arabera, Espainiako legealdia ezin da 2027an bukatu, amaierara arte eramanda, aurreikusita dagoen moduan. Bere ustez, Espainiako Gobernua arduragabe jokatzen ari da, eta azken auzi judizialek amorrua areagotu dute Kongresuan.
Loiun gertatutakoaren kronologia, Zupiriaren arabera
Bingen Zupiria Eusko Jaurlaritzako Segurtasun sailburuak adierazi duenez, Ertzaintzak Loiuko aireportuan egindako esku-hartzea agenteen aurkako "aldez aurreko eraso" eta "probokazio" bati emandako erantzuna izan zen, baina dispositiboaren kudeaketa "beste modu batera" egin behar zela onartu du. Zupiriak ordena publikoko arazo bat izan zela defendatu du, eta barne ikerketa batek indarraren erabilera proportzionala izan ote zen zehaztuko duela baieztatu du.
Oposizioak salatu duenez, "neurriz kanpoko jokaera basati batek Ertzaintzaren irudia kaltetu du"
Bingen Zupiria Segurtasun sailburuaren agerraldiaren ostean, EH Bilduk esan du "polizia ereduaren arazo bat" dagoela. Sumarrek sailburuari leporatu dio bere azalpenak "poliziaren jarduera justifikatzera bideratuta" egon direla. Bestalde, PPk jazotakoa ikertzeko eskatu dio, indarkeriaren erabilera proportzionala izan ote zen jakiteko.
Epaileak ekainaren 17 eta 18ra atzeratu du Zapaterok Plus Ultra auzian ikertu gisa egin beharreko agerraldia
Plus Ultra auzia ikertzen ari den Jose Luis Calama epaileari ekainaren 2rako aurreikusita zegoen deklarazioa atzeratzea eskatu dio gaur goizean Espainiako Gobernuko presidente ohiaren abokatuak, kausa ongi aztertu ahal izateko, iturri juridikoek jakitera eman dutenez.
Zupiria: “Gure herrian, herritar batzuek ez dute Poliziarik nahi, ezta Euskal Polizia bada ere”
Bingen Zupiriak Ertzaintzaren jarduna defendatu du Loiuko aireportuan Global Sumud flotillako kideekin izandako istiluetan, eta adierazi du oraindik ere badirela poliziaren figura ukatzen duten herritarrak. Halaber, gogorarazi du Ertzaintzako kideek ETAren terrorismoa eta kale indarkeria jasan zituztela, eta "gaur egun ere iragan horren arrastoak" gizartearen zati batean mantentzen direla.
Peinado epaileak Begoña Gomez epaiketa aurreko entzunaldi batera deitu du, ekainaren 9an
Epaile instruktoreak ikertuei —Begoña Gomez, Cristina Alvarez eta Juan Carlos Barrabes—ohartarazi die epaitegira agertu beharko dutela eta saio horretan kautelazko neurriak hartu daitezkeela.
Zupiriak akatsak onartu ditu Ertzaintzak Loiun izandako jardunean, eta ukatu egin du motibazio politikorik egon zela
Ingelesez hasitako agerraldi batean, Segurtasun sailburuak onartu du Ertzaintzak Loiuko aireportuan izan zuen jokabidea "ez zela gertatu behar", eta barkamena eskatu du nazioartean eragina izan zuten gertakari batzuengatik. Halaber, Zupiriak esan du agenteak oldartu zirela "erasoak" jasan zituztelako.