PSOEk, Mas Madridek eta Unidas Podemosek Ayusoren ustezko ustelkeria ikertzeko eskatu diote Fiskaltzari
Madrilgo Asanbladako ezkerreko alderdiek (Mas Madrid, PSOE eta Unidas Podemos) Ustelkeriaren Aurkako Fiskaltzara jo dute Isabel Diaz Ayusoren familiarekin lotutako enpresa bati egindako musuko enkargu baten harira ikerketa abia dezan.
Kontratu horri esker Ayusoren anaiak komisio bat jaso zuen, eta, Mas Madriden arabera, "ustelkeria kasu handiago baten lehenengo harria" da hori.
Monica Garcia Mas Madriden ordezkariak kontratuei buruzko mezuak jaso zituen, eta Fiskaltzan sartutako idatzian esleitu ditu. Hala ere, Fiskaltzaren esku utzi du erabakitzea "prebarikazioa, eroskeria edo eraginen trafikoa" ote den.
"Inputazioak ekarriko dituen ustelkeria kasu handiagoa baten lehenengo harria da, eta ez da Fiskaltzara etorriko garen azkeneko aldia izango", adierazi du Garciak, ikerketapean daudenak "hegazkinak, Zendal ospitalea eta beste premiazko kontratu batzuk" direla argitu aurretik.
Fiskaltzaren esku utzitako mezuen inguruan, esan du 11 SMS jaso zituela berak, eta hauek dira horietako batzuk:
- "Monica agurgarria, Iñigo agurgarria. Diaz Ayusoren anaiaren ustelkeria kasu larri baten berri ematen dizuet"
-"Eta Madrilgo Erkidegoaren diru-sarrera egin zuenean 300.000 euroko transferentzia egin zion Tomas Diaz Ayusori"
-"Transferentzia horren gaia da 'Madrilgo Erkidegoan bitartekaritza'"
-"Baina bitartekaritza delitua izateaz gain, kontratu baten % 25a ordaintzeak esan nahi du Alcazar Tomas Ayusoren izen-mailegatzailea dela"
Mas Madriden bozeramaileak esan du mezu horiek alderdiaren talde juridikoak aztertu dituela eta Fiskaltzaren esku geratu direla, "agiri pribatuen faltsutze delitua edo leialtasunik gabeko administrazio delitua" izan daitezkeelako.
Juan Lobato PSOEren bozeramaileak, berriz, Pablo Casado PPren buruari eskatu dio bera ere joan dadila Fiskaltzara "gardentasun osoz" joka dezan, baina gogorarazi du "duela sei hilabete" egin beharko zukeela hori, presidentearen anaiak komisioa jaso zuela jakin zuenean.
Carolina Alonso Unidas Podemosekoak esan du koronabirusaren lehenengo olatuan esleitutako premiazko kontratu guztietan dutela susmo txarra.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.