Hauteskundeak aurreratzeak Voxi mesede egingo liokeela ohartarazi dio Ortuzarrek Sanchezi
Andoni Ortuzar EAJren EBBko presidenteak ez du nahi Espainiar Estatuko hauteskundeak aurreratzea, eta Pedro Sanchez Espainiako Gobernuko presidenteari ohartarazi dio onuraduna, PPren krisiaren erdian, Vox izango litzatekeela.
Forum Europa Tribuna Euskadik antolatutako gosari batean, Ortuzarrek esan du "akats larria" litzatekeela hauteskunde orokorrak aurreratzea, egoera ekonomikoagatik eta "beste urtebete galdu bat" ekarriko lukeelako. Jeltzaleen liderraren ustez, Sanchezek "tentazioa" izan dezake, "bere aurkari nagusia ibai erdian zaldiz aldatzen ari delako", PPren barne krisiari erreferentzia eginez, eta ezkerrean hauteskunde alternatiba oraindik "antolatu gabe" dagoelako, baina ohartarazi dio ez lukeela PSOEk irabaziko, baizik eta eskuin muturrak. "Prozesu horretako irabazle nagusia ez litzateke Sanchez izango, Vox baizik", esan du.
PPren barne krisiari dagokionez, jeltzaleen buruak esan du gustatuko litzaiokeela Alberto Nuñez Feijoo Galiziako Xuntako presidentea, popularren hurrengo presidentea izango bada, "moderatua eta Euskal Herriko eta Kataluniako errealitate nazionalekin ulerkorra" izatea, "hiperzentralista" den PP baten aurrean. Ortuzarrek espero du popularren hurrengo liderrak "bere alderdia ondo birmoldatzea". "Gezurra dirudien arren, ez diot ondo geratzeko, guztiok behar dugu PP indartsu bat" Voxen aurrean, esan du.
Ortuzarren ustez, "hori Euskadin gertatuko balitz, ez genituzke aipatuko Ortuzarren eta alderdiko buruzagien arteko kontuak, baizik eta kontratuarekin zer gertatu zen". Jeltzaleak kritikatu egin du Madrilgo Erkidegoaren kontratua "oharkabean" igaro izana. "Ez dakit zenbat denbora mantendu daitekeen pertsona bat (Isabel Diaz Ayuso) frogatzen bada klientelismoa egon dela bere senideekin", esan du.
Carlos Iturgaiz EAEko PPko presidentearen kritiken aurrean, Ortuzarrek esan duenez, "PPk arazo handi bat du, eta Euskadin arazo handi gehigarri bat"; izan ere, "guztiz desitxuratuta" geratu da. Jeltzalearen arabera, EAJren "lasaitasuna, egonkortasuna eta seriotasuna" direla eta, PPren boto-emaileen zati bat "guregana etorri da", eta "horregatik ematen dio egurra Iturgaizek Urkulluri".
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.