Casadok apirilera arte jarraituko du PPko presidente izaten, eta hautagaitza aurkezteko eskatu dio Feijoori
Pablo Casadok apirilaren 2an eta 3an egingo den alderdiaren XX. Kongresura arte jarraituko du PPko presidente karguan, baina ez da hautagai izango, eta Alberto Núñez Feijoo Galiziako Xuntako presidenteari aurkezteko eskatu dio, nahiz eta azken horrek oraingoz ez duen bere hautagaitza baieztatu.
PPko zuzendaritza nazionaleko iturriek jakitera eman dutenez, Casadok Galiziako buruzagiaren aurrerapausoa eskatu du. Autonomia-erkidegoetako presidente guztiek ere eskatu dute, Casadok eta baroiek Genovan egindako bileraren berri izan duten iturriek Eferi jakinarazi diotenez.
Feijook ez du baieztatu hautagaitza aurkeztuko duenik, ez alderdiko burukideen aurrean, ezta komunikabideen aurrean ere. "Aurkeztu ala ez erabaki behar duena ni naiz", adierazi du Feijook, eta azpimarratu du ez duela erabakia aurreratuko kongresu hori formalki deitu arte, kontrakoa "arinkeria" izango litzatekeelako.
"Utz diezaiegun gauzak normaltasunez egiten, edozein militante aurkez daitekeelako", gaineratu du Feijook, eta eskerrak eman dizkie alderdikideei alderdia gidatzeko pertsona "egokia" dela pentsatzeagatik.
PPk ohar baten bidez jakinarazi duenez, Pablo Casadori karguan jarraitzeko eskatu diote "ezohiko eta premiazko Kongresura arte".
Gainera, PPko presidenteak proposatuta eta aho batez, alderdiaren koordinatzaile nagusi izendatuko dute ordura arte Kongresuko Talde Parlamentario Popularraren bozeramaile Cuca Gamarra.
Esteban Gonzalez Pons eurodiputatua izango da Kongresuko Antolaketa Batzordeko presidentea, eta lurralde-erakunde bakoitzak izendatutako kide batek, gutxienez, osatuko du.
Bileraren berri izan duten iturriek Eferi azaldu diotenez, praktikan, Casado ez da alderdiaren eguneroko kudeaketaren buru izango, Cuca Gamarraren esku geratuko baita.
Horrela, Casadok presidente izaten jarraituko du Kongresuan afiliatuei agur esan arte. Koordinazio orokor berriak etapa honi amaiera emango dion puntu eta aparte bat izan nahi du, baita Genovaren eta Isabel Diaz Ayuso Madrilgo presidentearen arteko gerra hasi zenetik alderdiak duen aurrekaririk gabeko krisiari ere.
Diputatuen Kongresuan agur esan zuenetik ez du agerraldirik egin, baina bart gauean PPko burua ikusi dutenek "ondo" ikusi dute, egoerak eskatzen duen mailan, lau ordu baino gehiago iraun duen bilera zail eta gogor batean, osteguneko 01:30era arte izan baitira bilduta.
PPk nolabaiteko irtenbidea eman dio horrela bere krisiari. Bilera horretan, baina, ez du Madrilgo Erkidegoko presidenteak parte hartu; izan ere, ez da Madrilgo PPko burua, Pio Garcia Escudero baitute Madrilgo Erkidegoan popularrek buru.
Zure interesekoa izan daiteke
Ollo: "Demokraziaren aldeko borrokan ari zen alderdi karlista baten jarraitzaileak zituzten helburu"
Lizarrako Udaleko Memoria Batzordeak ekitaldia egin du 1976an Montejurran izan ziren gertakarien 50. urteurrenaren kariaz, eta bertan izan da Nafarroako Gobernuko bigarren lehendakariorde eta Memoria eta Bizikidetzako kontseilari Ana Ollo.
Gaur amaitu da Ernairen IV. kongresua
Ezker abertzaleko gazte antolakundeak, Ernaik, gaur amaitu du laugarren kongresua, Bergaran. Bi konpromiso berretsi dituzte bertan: gazteriarekiko konpromisoa eta Euskal Herriarekiko konpromisoa. Horren harian, gazteriaren behar eta kezkak politizatu eta askapen prozesuan txertatzeko ardura hartu dute.
Berdintasuna "betebehar demokratikoa" dela defendatu du EAJk emakume jeltzaleen lana omentzeko ekitaldian
Euzko Alderdi Jeltzaleak emakume jeltzaleen lana goraipatzeko ekitaldia egin du 1922an sortutako Emakume Abertzale Batzaren urteurrenean. Bertan azpimarratu duenez, berdintasuna "ez da aukera politikoa, betebehar demokratikoa baizik".
José Luis López de Lacalle kazetaria omendu dute haren hilketaren 26. urteurrenean
Andoaingo PSE-EEk antolatutako ekitaldian, frankismoaren aurkako militante sozialista historikoa omendu dute. Jose Luis Lopez de Lacalle 2000. urtean tirokatu zuen ETAk, etxeko atarian, egunkariak erostetik zetorrenean.
Pradalesek autoritarismoaren gorakadaz ohartarazi, eta Europa "arinago eta kohesionatuago" baten alde egin du
Lehendakariaren esanetan, nazioarteko zuzenbidea eta demokrazia liberalak mehatxupean daude mundu mailako populismoaren eta autoritarismoaren gorakadaren ondorioz. Euskadik Europa federal batean ahots propioa izatea aldarrikatu du.
50 urte Montejurrako gertakarietatik: karlisten arteko talka, italiar neofaxistak eta… Estatuaren konplizitatea?
Karlismoaren barne-gatazka bat ez ezik, Montejurrako hilketen atzean botere postfrankistek bultzatutako konspirazio izan zen, eskuin-muturreko beste elementu batzuekin batera.
Gurutze Gorriak 3.121 pertsona migratzaile artatu zituen Irunen 2025ean, aurreko urtean artatutakoen erdiak
Euskadik "iparraldeko muga" dela aldarrikatu du, eta "ziurtasuna" eskatu du Europako Migrazio eta Asilo Itunaren aurrean.
Maskaren epaiketa amaituta, epaiak argitu beharko ditu zalantzak
Jose Luis Abalosek, Koldo Garciak eta Victor de Aldamak pandemia garaian maskarak erosteko bi kontratu enpresa jakin bati eta akordio "itxi eta pribilegiatu" batekin esleitzeko erakunde kriminala osatu ote zuten argitu beharko du Auzitegi Gorenak. Zalantza hori eta beste batzuk argitzeko eperik ez du izango.
Polemikak gorabehera, Lander Martinezek ez du arriskuan ikusten EAJren eta PSE-EEren arteko koalizio gobernua
Lander Martinez Sumarreko diputatuak antzerkitzat jo du EAJren eta PSE-EEren arteko azken krisia. Horren arabera, jeltzaleek erabaki dute Moncloarekin harremana tenkatzea Eusko Jaurlaritzako edo aldundietako koalizio gobernuak zalantzan jarri beharrean. "Ez dute interesik gehiengo hori galtzeko", gaineratu du.
EAJk, PSE-EEk eta EH Bilduk zibersegurtasunari buruzko akordioa lortu dute, eta aliantzak PP haserrearazi du
Euskal Polizia modernizatzeko eskatu dio Eusko Legebiltzarrak Jaurlaritzari, ziberdelituen egungo hazkundeari eta ziberkrimenek etorkizunean ekarriko dituzten erronkei aurre egiteko.