Andueza: "Inoiz ez dugu proiektu subiranistetan ezta Voxekin egindako itunetan parte hartuko"
Eneko Andueza PSEE-EEko idazkari nagusiak larunbat honetan nabarmendu duenez, sozialistek ez dute "inoiz" parte hartuko proiektu subiranistetan zein ultraeskuinari ateak irekiko dizkioten "lotsaren" itunetan, Voxi erreferentzia eginez.
Anduezak eta Cristina Gonzalez Arabako PSE-EEko idazkari nagusiak Iruña Okako alderdiaren egoitza berria inauguratu dute, Michel Montes herri horretako alkatearekin batera.
Haren mintzaldian, euskal sozialisten buruak Alberto Nuñez Feijoo Galiziako Xuntako presidente eta PPren presidentetzarako hautagai bakarra dena gaitzetsi du, Gaztela eta Leongo Gobernua osatzeko popularren eta Voxen arteko akordioagatik.
Adierazi duenez, "erdialderanzko bidaia abiatuko zuela esanez iritsi zen, eta eskuin muturrean amaitu du, Voxi Gaztela eta Leongo gobernu lotsagarri baten ateak irekiz".
Anduezak gogorarazi du PSOEk kordoi demokratikoa eskaini zuela Vox isolatzeko, eta argitu du sozialistak inoiz ez direla egongo "hainbeste esfortzurekin irabazitako oinarrizko eskubideen zuloan"; bakearen, askatasunaren eta gizarte eskubide berrien aldeko borrokan baizik.
Haren aburuz, PP ez zen egoerak eskatzen zuen bezala aritu pandemiaren hilabete gogorrenetan, ezta Ukrainako gerraren lehen garaietan edo ultraeskuina isolatzeko europar kideen eredua jarraitzean ere.
Gainera, Andueza Ukrainaren inbasiotik ihes egindako errefuxiatuei buruz aritu da, eta helarazi die harrera egingo zaiela, beste herrialde batzuk garai batean espainiarrekin egin zuten moduan. "Haien etxea ere bada hau, eta maite ditugu".
Zure interesekoa izan daiteke
Gorenak atzera bota du ministroak abuztuan Senatuan agertzera behartzeko PPk egindako premiazko eskaera, Ceutako krisia dela eta
Nuñez Feijook Gobernuari eskatu dio baimena eman diezaiola Felipe VI.ari hiri autonomoa bisitatzeko, bere ustez erregeak “Ceutara joan nahi duelako hala dagokiolako”.
Espainiako Gobernuak uste du posible dela 500 neska Penintsulara eramatea "aste gutxi barru"
Gazteria eta Haurtzaro arloak adierazi du astebete daramala gai honetan lanean Ceutako agintariekin, eta proposamen zehatz bat egingo duela.
Irunen hegoaldeko erronda, saihesbidea eta AP-8 autobidean 3. erreia egiteko beharra defendatu du Labordak
Radio Euskadiko "Boulevard" saioan Cristina Laborda Irungo alkateak esan duenez, urteak behar dira errepideak egiteko, eta erabaki batzuk duela 20 urte hartu behar izan zirela kritikatu du.
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.