Tapiak Sanchezi egindako kritikak ulergaitzak dira Anduezaren arabera, Jaurlaritzak neurririk hartu ez duelako
Espainiako Gobernuak Ukrainako gerrak eragindako krisi ekonomiari aurre egiteko neurri sorta onartuko duen egunean, Eneko Andueza PSE-EEren idazkari nagusiak Arantxa Tapia sailburuari aurpegiratu dio Pedro Sanchez kritikatu izana, hain zuzen ere, "hemen neurririk hartu ez dela kontuan izanda". Euskadi Irratiko "Faktoria" saioan egin dioten elkarrizketan adierazi duenez, "oso erraza izaten da askotan bestea begiratzea eta kritikatzea norberak hartu beharreko neurriak hartzen ez dituenean".
"Erantzukizunez jokatu behar dugu eta, logikoki, ditugun tresna guztiak hartuta", gehitu du. PSE-EEko idazkari nagusiaren arabera, batasunaren momentua da: "Ez dugu egoera hau aprobetxatu behar kritika egiteko eta etekin politikoa ateratzeko".
Eusko Jaurlaritzaren neurriak berandu ote datozen galdetuta, erantzun du erraza dela kritikatzea norberak neurririk hartu ez duenean.
Bestalde, Eneko Anduezak "oso beharrezkoa" dela uste du lehendakariak alderdi guztiekin egin asmo duen bilera erronda. Anduezak ez du zehaztu noiz elkartuko den Urkullurekin, baina datorren astean izango omen da.
Urkullurekin harremanak "egokiak" eta "zintzoak" direla azpimarratu du, eta desadostasunak eta tirabirak elkarrizketaren bidez konpontzen dituztela. Halaber, aurrerantzean ere beti esango dio zintzoki pentsatzen duena.
Hezkuntza itunaren inguruko akordioaren harira, Alderdi Sozialistaren lana goraipatu du: "Zintzoki diot PSE-EEk gai hau bideratu egin zuela". Hezkuntza batzordeko presidenteak aurkeztutako ondorioetan "ez genituen ikusten gure ikuspuntuak, gai potolo asko eta asko ez zeuden sartuta eta gure interbentzioaren ostean horiek sartu dira". Akordioaren aurreko orduetan zalantza asko sortu ziren, askoren arabera, euskararen zentraltasunak sortuta. Anduezak, ordea, hori ukatu du: "Guk ez genuen inongo momentuan nahi euskararen inguruan eztabaida artifizialik sortzea, euskara politikoki erabiltzea, hori euskararentzat kaltegarria zelako".
Sahararen inguruan Espainiako Gobernuak hartutako azken erabakia ere hizpide izan du. Anduezaren hitzetan, Espainiako Gobernuaren jarrera ez da aldatu. Gaineratu duenez, Sahararen inguruko gai garrantzitsuetan Espainiako Gobernuaren jarrera ez da batere aldatu, "beste gauza bat da alderdi batzuek hori erabiltzea etekin politikoa lortzeko". "Maroko beti gure bazkide izan da gai askotan eta harremanak bideratzea komenigarria zen eta hori gertatu da", gehitu du.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.