Urkulluk PP+Cs koalizioarekin hasiko du gaur Ukrainako gerrak eragindako krisia aztertzeko bilera erronda
Iñigo Urkullu lehendakaria Legebiltzarreko talde parlamentarioetako ordezkariekin bilduko da aste honetan, Errusiak Ukraina inbaditu ondoren sortutako krisiak eragindako egoera aztertzeko eta erakundeek egoera horri aurre egiteko abiatu dituzten ekintzen inguruko errepasoa egiteko. Gainera, Berpiztu plan bereziaz eta Jaurlaritzak aurreikusitako inbertsio estrategikoen planaz ere arituko da bilerotan.
Gaur, hilak 4, Carlos Iturgaizekin (PP+Cs) bilduko da, 18:00etan, Ajuria Enean. Voxeko ordezkaria ere deitu zuen, baina ez da harekin bilduko, Voxek uko egin baitio lehendakariarekin biltzeari, "Ukrainako inbasioaren errealitateak aitortzen ez dion protagonismoa eskuratzeko helburua besterik ez baitu lehendakariak", Voxen iritziz.
PPko buruak, berriz, jarrera "eraikitzailez" joango direla esan du, eta euren proposamenak helaraziko dizkiola, zergak jaistea, esate baterako.
Asteartean, hilak 5, Elkarrekin Podemos-IUrekin, EH Bildurekin eta Eusko Jaurlaritza sostengatzen duten alderdiekin (PSE-EE eta EAJ) elkartuko da.
EH Bilduk iragarri du proposamen zehatzak proposatuko dizkiola Urkulluri, "erantzukizunez" egindakoak eta "herritarrak babestera bideratutakoak". Iriartek aste honetan berretsi du koalizioa prest dagoela Jaurlaritzarekin akordioak lortzeko, egungo "larrialdi egoera" honi erantzun egokia emateko.
Legebiltzarrak ez zuen ostegunean adostasunik lortu Ukrainako krisiaren aurrean
Ostegunean, osoko bilkura izan zen Legebiltzarrean gai honen inguruan, baina talde parlamentarioek ez zuten jarrera bateraturik lortu Ukrainaren inbasioak eragindako krisiaren ondorio ekonomikoak arintzeko erakundeek bultzatu beharreko neurrien inguruan.
EH Bilduk eta Elkarrekin Podemos-IUk proposamen bana egin zuten Ukrainaren inbasioaren aurrean sortutako arazo ekonomikoei aurre egiteko, baina bat bera ere ez zen aurrera atera. Bai, ordea, EAJren eta PSE-EEren alternatiba, euren babesarekin bakarrik eta gainerakoen abstentzioarekin.
Gai horretaz gain, lehendakariak ostiralean Eusko Jaurlaritzak eta aldundiek Berpiztu Plan Bereziaren betetze-mailari buruz egin zuten balorazio-hausnarketaren berri eman nahi die Legebiltzarreko ordezkariei. Horrekin batera, Jaurlaritzak onartu nahi duen inbertsio estrategikoen plan instituzionalaren oinarriak ere azalduko dizkie.
Urkulluk lau hilean behin euskal alderdietako ordezkariekin biltzeko hartu zuen konpromisoaren barruan kokatzen dira datorren asteko bilerak.
Ukrainaren inbasioaren ondoren sortutako egoera aztertzeko, osoko bilera monografikoa egingo du Eusko Legebiltzarrak apirilaren 8an.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.