Legebiltzarrak ez du adostasunik lortu Ukrainako krisiaren aurrean
Iñigo Urkullu lehendakariak deitutako bilera-sortaren atarian, alderdiek ez dute Eusko Legebiltzarrean jarrera bateraturik lortu Ukrainaren inbasioak eragindako krisiaren ondorio ekonomikoak arintzeko erakundeek bultzatu behar dituzten neurrien inguruan.
Datorren astelehenean, lehendakaria talde parlamentario guztiekin bilduko da, Ukrainako gerrak eragindako egoera aztertzeko eta erakundeek egoera honetan abian jarri dituzten ekimenak errepasatzeko.
Testuinguru horretan egin da ostegun honetan Ganberako osoko bilkura. Hala, EH Bilduk eta Elkarrekin Podemos-IUk proposamen bana egin dute Ukrainaren inbasioaren aurrean sortutako arazo ekonomikoei aurre egiteko, baina bat bera ere ez da aurrera atera. Bai, ordea, EAJren eta PSE-EEren egitasmoa, proposamena egin dutenen babes bakarrarekin eta gainerakoen abstentzioarekin.
EH Bilduk plan integral bat eskatu du; ahulenak babesteko programak, energia-bonuak, enpresentzako konpentsazio-funtsa eta soldatak eta enplegua babesteko, tartean. Elkarrekin Podemos-IUk, bestalde, prezioak arautzeko eta familiei laguntzak emateko programa bat, enpresa txiki eta ertainei zuzeneko dirulaguntzak emateko beste bat eta fiskalitate berdeko plan bat jarri ditu mahai gainean, besteak beste.
Itxaso Berrojalbiz jeltzalearen hitzetan, gerrak "adosteko betebeharra" ezartzen du, eta "erantzun koordinatuak emateko unea da, ez zatiketarako momentua".
Iker Casanovak (EH Bildu), berriz, kritikatu egin du Eusko Jaurlaritzak "batasuna lehenestea, baina sektarismoa praktikatzea", eta kezkatuta agertu da Jaurlaritzak eta aldundiek adostutakoak neurri "inprobisatuak" direla iritzita.
David Sotok (Elkarrekin Podemos-IU) talde guztiek jarrera bateratua lortzea "ezinbestekoa" dela babestu du, ekoizpen-sarea eraldatzeko eta energia-trantsizioa "modu ordenatu eta planifikatuan" egiteko, eta, aldi berean, Espainiako Gobernuak ezarritako neurriak osatzeko plan bat eskatu dio Jaurlaritzari.
Sonia Perez sozialistak akordioa lortzea espero duela esan du, eta Pedro Sanchezen Gobernuak eta Eusko Jaurlaritzak gatazkaren ondorioak ahalik eta lasterren arintzeko hartutako erabakiak nabarmendu ditu.
Azkenik, Luis Gordillok (PP+Cs) "erreformak behar den lekuan eztabaidatzeko" eskatu die taldeei, eta Amaia Martinezek (Vox) esan du premiazkoak direla "epe laburrekoak" ez diren aparteko ekimenak.
Zure interesekoa izan daiteke
Gipuzkoak "plan estruktural bat" eskatu dio Espainiako Gobernuari Ceutako adingabeak hartzeko
Irune Berasaluze foru bozeramaileak adierazi du Gipuzkoa prest dagoela adin txikikoak hartzeko. Hori bai, baldintza batzuk ezarri dizkio Espainiako Gobernuari. Ezinbestekoa da, bere hitzetan, plan estruktural bat edukitzea, eta inprobisazioek ez dute lekurik izan behar.
"Politikan gizatasunez jardutea" eskatu du Chivitek, Ceutan bakarrik dauden adingabeen egoeraren aurrean
Maria Chivitek eskatu du alde batera uzteko Ceutan familiarik gabe dauden haurren egoera "deshumanizatzeko" ahalegina. Adingabe horien "muturreko egoera" nabarmendu du Nafarroako presidenteak, eta berretsi du Nafarroak beteko dituela bere betebeharrak, baina gainerako erkidegoei ere gauza bera egiteko deia luzatu die.
Irunek mugako trafikoaren aurrean duen "bakardadea" salatu du alkateak, eta Eusko Jaurlaritzak Frantzia seinalatu du
Cristina Laborda Irungo alkateak Eusko Jaurlaritzaren eta Gipuzkoako Foru Aldundiaren inplikazio handiagoa eskatu du, eta Ricardo Ituarte Segurtasun sailburuordeak, berriz, Ertzaintzaren kudeaketa defendatu du, eta Frantziako agintariak jo ditu mugan trafikoa arintzearen arduradun gisa.
Ceutan bakarrik dauden adingabeak euren familiekin bueltatzearen beharra azpimarratu du Eusko Jaurlaritzak
Horretarako aukera guztiak agortzeko eskatu dio Lakuak Espainiako Gobernuari, horiek autonomia erkidegoetan banatu aurretik.
Nafarroak adingabeen banaketa "beteko" du, baina beste erkidegoen "elkartasunik eza" ordaindu gabe
Javier Remirez Nafarroako Gobernuko lehen presidenteorde eta bozeramaileak adierazi duenez, Nafarroak "araudia beteko du" eta inoren kargura ez dauden adingabe migratzaileen banaketari eta harrerari men egingo die, baina ez du ordainduko "beste autonomia-erkidego batzuen elkartasunik eza".
Ceutako 500 neska migratzaile penintsulara eramateko lanean ari da Espainiako Gobernua
Espainiako Gobernua lanean ari da bakarrik dauden 500 bat neska migratzaile penintsulara eramateko, uztailaren amaierako sarrera masiboaren ondoren Ceutan daudenak. Gazteria eta Haurtzaro Ministerioa aztertzen ari da adingabeak babesteko erakundeek baliabide egokituetan har ditzaten, haien tutoretza autonomia-erkidegoei transferitu beharrik gabe.
Bilboko Konpartsek eta Sarek manifestazioa deitu dute abuztuaren 28rako, 2027an "euskal presorik egon ez dadin" aldarrikatzeko
Sarek eta Bilboko Konpartsek Etxera Eguna deitu dute abuztuaren 28rako, Aste Nagusi betean, “euskal preso, iheslari eta deportatuak etxera itzultzea” aldarrikatzeko. Horretarako, manifestazioa eta herri-bazkaria egingo dute. Halaber, gaurko agerraldian, 2027ko jaiak presorik eta errepresaliaturik gabeko lehenak izatea jarri dute helburutzat.
Ceutako adingabe migratzaileak beren familiekin bueltatzearen alde eta, ezin den kasuetan, hartzearen alde egin du Jaurlaritzak
Txema Ezkerra Haur, Nerabe eta Familia zuzendariaren ustez, "onartezina" da Voxek arlo hori kudeatzen duen erkidegoetan legea ez betetzea, eta Estatuari esku-hartzeko eskatu dio.
Burlatako Udalak aho batez gaitzetsi du UPNko zinegotzi bati jaietan egindako erasoa
Pasa den larunbatean Carlos Oto UPNko zinegotziari eraso egin zioten alderdi erregionalistaren egoitzan, hainbat alderdikide eta beste hainbat pertsona bilduta zeudela.
"Errealitatea makillatzea" egotzi dio Ceutako presidenteak Gobernuari, eta krisia konpontzeko 30 egun eman dizkio
Juan Vivasek gogor kritikatu du Gobernua uztailaren 30ean eta 31n Marokotik 70.000 pertsona inguru hiri autonomora sartu ondoren sortu den migrazio-krisiaren aurrean "erantzun ezagatik" eta "pasibotasunagatik". Agerraldi batean, Vivasek galdetu du ea Gobernuaren pasibotasunak Maroko "ez molestatzea" bilatzen duen, eta iragarri du botere judizialera eta beste estamentu batzuetara joko duela krisia 30 eguneko gehieneko epean konpontzen ez bada.