Aragonesek ohartarazi duenez, espioitzak Espainiako Gobernuarekin duen harremanari "kalte" egingo dio
Pere Aragones Generalitateko presidenteak ohartarazi duenez, ustezko espioitzak Kataluniako Gobernuaren eta Espainiako Gobernuaren arteko harreman politikoari "kalte" egingo dio. "Harreman politikoen normaltasuna ezin da berreskuratu", adierazi du.
Generalitateko jauregian prentsaurrekoa eman du Aragonesek, Kataluniako Gobernuak ezohiko bilera egin ondoren. 63 buruzagi independentista Pegasus ziber espioitza sistemaren biktimak izan dira, The New Yorker hedabideak The Citizen Lab laborategiaren datuak bilduta jakitera eman duenez.
Jordi Puignero Generalitateko presidenteordeak salatu du Espainia dagoeneko ez dela erabateko demokrazia bat. Europaren gutxieneko estandarrak ez betetzeko bidean dagoen demokrazia dela uste du. "Horregatik, Kataluniako Gobernuak Estatu errepresiogilearekin ez ditu harremanak normalizatuko", erantsi du.
"Ikuskaritza independente baten bidez barne ikerketa bat lehenbailehen" abiatzeko eskatu dio Aragonesek Espainiako Exekutiboari, ustezko espioitzaren erantzukizunak argitzeko. Hori gertatzen ez den bitartean, harreman politikoari eragingo dio, elkarrizketa mahaian eta aldebiko batzordean esaterako, gaineratu duenez.
"Espioitza auziak, eta Espainiako Gobernuak horri aurre egiteko moduak, ondorio politiko garrantzitsuak berehala izan ditzakeela begi-bistakoa da", esan du Kataluniako buruzagiak. Espainiako Exekutiboari gardentasuna eskatu dio, auziak konfiantza urratu duelako.
Kataluniako presidentearen arabera, ustezko espioitzaren berri izan ondoren, "konfiantza oso txikia da". Konfiantza berreskuratzeko, Espainiako Gobernuak erantzukizunak onartu behar dituela uste du.
Bi saiakera
Kataluniako buruzagiaren hitzetan, bere telefono mugikorra kutsatzeko bi saiakera izan ziren: 2019ko urriaren 14an, Auzitegi Gorenak prozesu independentistaren inguruko sententzia argitara eman ondoren, eta 2020ko urtarrilean, Pedro Sanchezen inbestidura aurrera ateratzeko negoziazioan eta elkarrizketan murgildurik zeudenean.
Generalitateko iturriek zehaztu dutenez, Aragonesek jasotako mezuak komunikabideen azken orduko albisteen itxura zuten, baina faltsuak ziren; erabiltzaileak mezuan atxikita zegoen estekaren gainean klik egin zuenean, Pegasus sistema mugikorrean sartu zen, Aragones ohartu barik.
Aragonesen kasuan, Generalitatearen arabera, telefono mugikorra 2020ko urtarrilean jasotako mezuen bidez infektatu zuten, Sanchez presidente egiteko negoziazioak egiten ari ziren garaian.
Aragones haratago joan da, gaur egun ere komunikazioak "% 100 babesturik" daudela ezin duela ziurtatu esanda.
Zure interesekoa izan daiteke
Sanchez, ustelkeria kasuei buruz: "Ezagutu izan bagenitu, ez genituzkeen onartuko"
Alderdikide gehienak itxaropentsu agertu dira eta PSOErekin eta Sanchezekin konfiantza dutela esan dute Batzorde Federala hasi aurretik. Horrez gain, agintean jarraitzeko eta 2027ko hauteskunde orokorrak eta udal eta foru hauteskundeak prestatzeko gogotsu agertu dira.
Nafarroan euskara berezko hizkuntza izatearen aldeko apustua berretsi du Chivitek, zonifikazioa mantenduta
Foru Hobekuntzaren Legea eguneratzeko batzordean, Nafarroako presidenteak azpimarratu du “egokia” litzatekeela lege horren 9. artikulua aldatzea.
Justizia sailburuak botere publikoek eragindako torturaren biktimen egiaren, justiziaren eta duintasunaren alde lan egiteko deia egin du Legebiltzarrean
Maria Jesus San Jose Justizia sailburuak tortura botere gehiegikeria izan zela esan du, eta erabat gaitzetsi du. Horren hitzetan, Ebaluazio Batzordeak 183 biktima aitortu ditu ofizialki. Egiari Zor eta Berridatzi biktimen elkarteak ere izan dira Legebiltzarrean, eta biktimen aitortza eskaerak aurkezteko epeak zabaldu eta 1960tik gaurdainoko kasuak aitortzeko eskatu dute.
Ertzain bat txosnetatik kanporatu dute Hernanin; "zein zen bere bekatua?", galdetu du Zupiriak
Aste honetan gertatu da, Bingen Zupiria Segurtasun sailburuak jakinarazi duenez.
Bengoetxeak, ETSri emandako laguntzari buruz: “Arrakasta kulturala lagundu behar da, eta ez zigortu”
Ibone Bengoetxea Eusko Jaurlaritzako Kultura sailburuak ETS talde arabarrari emandako dirulaguntzak babestu ditu, ehundik gora musikarik zalantzan jarri ostean. Horren hitzetan, "arrakasta kulturala ez da zigortu behar, lagundu baizik". Horrela erantzun dio sailburuak Jon Hernandez Sumarreko legebiltzarkideak Eusko Legebiltzarreko kontrol saioan egin dion galderari.
Rosa Martinezek eta Veronica Martinez Barberok Sumar alderdia zuzentzeko hautagaitza bateratua aurkeztuko dute
Bustinduyren konfiantzako Estatu idazkariak eta Sumarrek Kongresuan duen bozeramaileak alderdia gidatzeko asmoa dutela iragarri dute.
Loiuko aireportua Agirre Lehendakaria Aireportua izendatzea proposatu du EH Bilduk
Loiuko aireportuari Jose Antonio Agirre lehendakariaren izena jartzea proposatu du EH Bilduk. Imanol Pradales lehendakariak erantzun dio aztertu egingo dutela proposamena.
Estatutua bete eta "beste fase bat" irekitzeko eskatu dio Pradalesek Sanchezi
Pradales lehendakariak mezu argia igorri dio Espainiako Gobernuari eta Pedro Sanchez presidenteari Eusko Legebiltzarrean. Pradalesen esanetan, "asko dago oraindik egiteko", eta "maila handiko negoziazioa eta erritmoa" behar dira orain. Lehendakariaren arabera, "adostutako guztia bete behar da konfiantza politikoa mantentzeko". Pradalesek gogorarazi du Sanchez presidenteak "irmotasuna" erakutsi duela karguan jarraitzeko, eta horri lotuta eskatu dio "irmotasun bera" Gernikako Estatutua behin betiko betetzeko.
Diez Antxustegi: “Lortu dugun akordioaren arrazoi nagusia da euskara zentrala dela guretzat”
EAJk Eusko Legebiltzarrean duen bozeramailea, Joseba Diez Antxustegi, Euskadi Irratiko "Faktoria" saioan izan da, eta euskarari Administrazioan segurtasun juridikoa emateko akordioren nondik norakoak azaldu ditu. Horren hitzetan, Enplegu Publikoaren Legea aldatzeko ados jarri dira EH Bildurekin, bere bazkidea den PSE-EE alde batera utzita, euskara “gai zentrala” delako EAJrentzat. Horrela, EH Bildurekin antzeko beste akordio batzuk adosteko aukeraz galdetuta esan duenez, "ez nuke aurreikuspenik elikatuko, euskara gai berezia delako”.
Legebiltzarrak proiektu jasangarriak bizkortzeko ekimena tramitatzea onartu du, EAJren eta PSE-EEren aurkako kritikak tarteko
Hain zuzen ere, EAJren eta PSE-EEren aldeko 39 botoekin, eta EH Bilduren, PPren, Sumarren eta Voxen kontrako 36 botoekin jaso du Eusko Legebiltzarreko osoko bilkuraren oniritzia.