Ustezko irregulartasunen harira Gipuzkoako DYAk esan du Bizkaikoarekiko independentea dela
Gipuzkoako DYAk azpimarratu duenez, Bizkaikoaren funtzionamenduarekiko guztiz independentea da, eta elkarteak dituen kontrol-elementu zorrotzak nabarmendu ditu, "bai eta gure kontu eta balantzeen gain urtero burutzen diren auditorioak ere", Fernando Izagirre erakundeko presidente ohiak ustez egindako kudeaketa ekonomiko irregularraren aurrean.
Hala adierazi du Gipuzkoako DYAk gaur goizean argitara eman duen prentsa-oharrean. Era berean, bazkide eta laguntzaile guztiei horren funtzionamenduaren zuzentasuna, zintzotasuna eta gardentasuna bermatzen diela adierazi du, eta Gipuzkoako DYAren kontabilitate-informazio guztia haien eskura jarri du.
Testuinguru horretan, Bizkaiko DYAko kideei elkartasuna helarazi die irregulartasunak argitzeko egin duten ahaleginaren aurrean. Horrela, zenbait jarduera pertsonalek elkartearen irudia hondatu izana kritikatu du, eta nabarmendu du elkarte horietako boluntarioek 50 urte baino gehiago daramatzatela gizarteari zerbitzuak eskuzabaltasunez ematen.
Fernando Izagirre Eusko Jaurlaritzako Larrialdiei Aurre Egiteko eta Meteorologiako zuzendariak dimisioa eman zuen asteburuan, DYAko presidente izan zen garaian ustez egindako irregulartasunak direla medio, eta atzoko Jaurlaritzaren gobernu bilerak onartu egin zuen dimisioa, bi aldeek adostasuna lortu ondoren.
DYAko egungo zuzendaritzak apirilean salaketa jarri zuen Fiskaltzaren aurrean, 2016 eta 2021 bitartean Izagirre erakunde horretako presidente zela kudeaketa ekonomiko irregularra egin zuelakoan. DYAko iturriek Euskadi Irratiari adierazi diotenez, duela urtebete zuzendaritza berriak kargua hartu berritan agindutako barne auditoriak irregulartasunak azaleratu zituen.
Zure interesekoa izan daiteke
Juanma Morenok Andaluziako presidente kargua hartu du hirugarrenez
Juanma Moreno Andaluziako Alderdi Popularreko buruak hirugarrenez hartu du Juntako presidente kargua. San Telmo Jauregian egin da ekitaldia eta bertan izan da Manuel Gavira presidenteordea, Voxen Andaluziako burua. Karguaren zina egin ostean Andaluziako presidentea "harro" agertu da. Aipamena egin die Andaluzian jaio zirenei eta baita "gaur egun kanpotik etorri eta berea den lurrarekin konpromisoa hartu dutenei" ere. Voxekin koalizioan abiatu duen legealdia "emankorra" eta "luzea" izatea espero duela gaineratu du.
Matutek, Sanchezen gobernuaren "egoera delikatuari" buruz: "Gobernatzea ez da eustea"
EH Bilduk Kongresuan duen diputatu eta bozeramaile ondokoak uste du gobernu bat zuzentzeari "helburu bat" eman behar zaiola, eta kasu honetan "eskubide sozial, demokratiko eta nazio anitzen agendan aurrera egitea" dela.
Ehunka lagun kalera atera dira Iruñean preso eta iheslaririk gabeko jaiak aldarrikatzeko
Sare taldeak adierazi duenez, presoak eta iheslariak Euskal Herrira itzultzeko prozesua "eskailerako azken mailan" dago, eta hori gainditzeko ohiko espetxe-legedia aplikatzeko eta mobilizazio sozialarekin jarraitzeko deia egin du, sanferminen hasierarekin bat eginez.
Transferentzien akordioa ez betetzea "errespetu falta onartezina" dela ohartarazi dio lehendakariak Sanchezi
"Beti 'ezetz' esaten duen eta proposamenik egiten ez duen horma baten aurka egin dugu talka", azaldu du Imanol Pradalesek, Jaurlaritzak asteon zenbait Ministeriorekin egindako bilerei buruz. Horregatik, aldeen arteko konfiantza "gero eta txikiagoa" dela ohartarazi dio Espainiako Gobernuko presidenteari.
EAJk berretsi egin du Bilboko Alkatetzarako Mikel Hidalgoren hautagaitza
Bilboko 33 urteko politikaria hautagai bakarra izan zen, eta aho batez babestu dute EAJren 13 udal batzarrek.
Albiste izango dira: Imanol Pradales lehendakaria Madrilen, beroa bueltan eta irteera operazioa
Gaurkoan Orain-en albiste izango direnen laburpena, bi hitzetan.
Lonjetan etxebizitzak eraikitzeko ordenantza amaitzear du Gasteizko Udalak, prezio mugatuekin eta espekulazioa saihesteko neurriekin
Maider Etxebarria alkateak politika orokorreko osoko bilkuraren lehen eguna aprobetxatu du, besteak beste, Udal gobernuaren hiru urteen balantzea egiteko, besteak beste, etxebizitza arloan. Osoko bilkurak oposizioaren erreplikekin jarraituko du ostiralean, baina hiru alderdiek, EH Bilduk, PPk eta Podemosek, dagoeneko adierazi dute euren atsekabea eta "etsipena".
Bi urte eta erdiko kartzela-zigorra Francisco Granados Madrilgo kontseilari ohiarentzat, Punica auzia dela eta
2007tik 2014ra, kontratu publikoen esleipenean Waiter Music jai-enpresari mesede egitea leporatu diote. Epai horrekin, Granadosek bigarren zigorra jaso du Punica auziaren harira. Aurretik, bi urte eta erdi igaro zituen behin-behineko espetxealdian.
Vox Andaluziako Gobernuan ere sartu da, presidenteorde mailako kontseilaritza batekin
Juan Manuel Moreno popularra Andaluziako Juntako presidente hautatu dute, bigarren bozketan. Akordioa ordu erdi lehenago iragarri dute PPk eta Voxek.
Sanfermines 78 eta Martxoak 3 kolektiboek 1976 eta 1978ko gertakarien erantzukizuna har dezala eskatu diote Espainiako Estatuari
Sanfermines 78 eta Martxoak 3 kolektiboek “Estatua erantzulea” ekimena bultzatu dute. Horren bidez, Espainiako Gobernuari eskatu nahi diote “Espainiako Estatuak martxoaren 3an Gasteizen eta 1978ko sanferminetan gertatutako krimenen erantzukizun nagusi eta zuzena berariaz aitor dezala”. Uztailaren 8an, gainera, German Rodriguez oroituko dute Iruñean, garai hartako festetan poliziek “eraso bortitz” batean hil zutelako.